ບົດຂຽນຊີ້ແຈ້ງວ່າ, ຫວຽດນາມ ໄດ້ວາງມາດຕະຖານສຳລັບການຕໍ່ສູ້ຕ້ານກັບພະຍາດ Covid-19 ເຊິ່ງເມື່ອບໍ່ມີຄົນເສຍຊີວິດໃດໆຍ້ອນພະຍາດ Covid-19 ຢູ່ປະເທດນີ້.
ທ່ານ Eric Reguly, ຫົວໜ້າຫ້ອງການຜູ້ຕາງໜ້າ ໜັງສືພິມ The Globe and Mail ໃນເອີຣົບທີ່ຕັ້ງຢູ່ນະຄອນໂລມ, ປະເທດອີຕາລີ ໄດ້ກ່າວວ່າ ລັດຖະບານຫວຽດນາມ ໄດ້ສະກັດກັ້ນການລະບາດຂອງພະຍາດ Covid-19 ແຕ່ເບື້ອງຕົ້ນ ດ້ວຍກິດຈະກຳແຍກອອກຫ່າງ ແລະ ຕິດຕາມຜູ້ຕິດເຊື້ອ, ການເປີດເຜີຍ ແລະ ການໂຄສະນາເຜີຍແຜ່ໃນສື່ສັງຄົມ ເພື່ອຍົກສູງຄວາມຮັບຮູ້ຂອງປະຊາຊົນກ່ຽວກັບພະຍາດ Covid-19.
 |
| ໜັງສືພິມການາດາ ໄດ້ຍ້ອງຍໍຊົມເຊີຍ ຫວຽດນາມ ໄດ້ຕໍ່ສູ້ກັບພະຍາດ Covid-19 ທີ່ມີປະສິດທິຜົນ. (ພາບ: VOV) |
ບົດຂຽນໄດ້ເນັ້ນໜັກເຖິງ ເລື່ອງທີ່ ປະເທດຫວຽດນາມ ມີຊາຍແດນຕິດກັບປະເທດຈີນ ດ້ວຍຄວາມຍາວ 1,450 ກມ ແລະ ມີນັກທ່ອງທ່ຽວມາຈາກເມືອງ Wuhan - ບ່ອນທີ່ເລີ່ມເກີດຂຶ້ນພະຍາດ Covid-19, ເຮັດໃຫ້ຫວຽດນາມ ໄດ້ຮັບການຄາດຄະເນວ່າຈະມີອັດຕາການຕິດເຊື້ອພະຍາດສູງ. ແຕ່ປະເທດຫວຽດນາມ ໄດ້ຕອບໂຕ້ຢ່າງວ່ອງໄວ ແລະ ບໍ່ລໍຖ້າການແຈ້ງເຕືອນໄພຢ່າງເປັນທາງການ ໂດຍ ອົງການອະນາໄມໂລກ. ປະເທດຫວຽດນາມ ໄດ້ປິດຊາຍແດນ ແລະ ດຳເນີນການທົດສອບວິເຄາະ ແລະ ວິທີການຊອກຄົ້ນແຫຼ່ງຕິດເຊື້ອຢ່າງກວ້າງຂວາງ.
ໜັງສືພິມ The Globe and Mail ໃຫ້ຮູ້ຕື່ມວ່າ ໃນການສຳພາດກັບ ທ່ານ Guy Thwaites - ສາດສະດາຈານ ກ່ຽວກັບພະຍາດຕິດແປດ ແລະ ຜູ້ອຳນວຍການໜ່ວຍງານຄົ້ນຄ້ວາທາງດ້ານການແພດ ຂອງມະຫາວິທະຍາໄລ Oxford, ທ່ານ Guy Thwaites ໃຫ້ຮູ້ວ່າ ປະເທດຫວຽດນາມ ໄດ້ປະຕິບັດໂດຍໄວ ເພາະວ່າ ຫວຽດນາມ ມີຄວາມຮູ້ຢ່າງເຕັມສ່ວນກ່ຽວກັບຄວາມອັນຕະລາຍຂອງພະຍາດຕິດແປດ.
 |
| ທ່ານ Guy Thwaites - ສາດສະດາຈານ ກ່ຽວກັບພະຍາດຕິດແປດ ແລະ ຜູ້ອຳນວຍການໜ່ວຍງານຄົ້ນຄ້ວາທາງດ້ານການແພດ, ມະຫາວິທະຍາໄລ Oxford. (ພາບ: BPI) |
ລັດຖະບານຫວຽດນາມ ໄດ້ນຳໃຊ້ສື່ສັງຄົມຢ່າງກວ້າງຂວາງ ຕັ້ງແຕ່ຕົ້ນເດືອນກຸມພາ ເພື່ອຍົກສູງຄວາມຮັບຮູ້ຂອງປະຊາຊົນ ກ່ຽວກັບການແຜ່ລະບາດ ແລະ ມາດຕະການແຍກອອກຫ່າງຢູ່ໃນສັງຄົມ, ແນະນຳ ການນຳໃຊ້ຜ້າບັງປາກ ແລະ ນໍ້າຢາລ້າງມື. ບັນດາວິດີໂອຂໍ້ມູນຂ່າວສານສາທາລະນະ ດ້ວຍສຽງເພງທີ່ມ່ວນຊື່ນຂອງຫວຽດນາມ ໄດ້ແຜ່ຂະຫຍາຍໄປທົ່ວໂລກ.
 | ຫວຽດນາມ ໄດ້ຈັດອັນດັບເປັນປະເທດ ທີ່ສະກັດກັ້ນພະຍາດ Covid-19 ທີ່ດີທີ່ສຸດໃນໂລກ ຍສໝ - ໂດຍອີງໃສ່ມາດຖານການປະເມີນ ທີ່ປຽບທຽບກັບປະເທດອື່ນໆໃນໂລກ, ໜັງສືພິມ Politico (ສະຫະລັດອາເມລິກາ) ໄດ້ພິນິດໄສວ່າ ຫວຽດນາມ ເປັນປະເທດທີ່ປະຕິບັດການສະກັດກັ້ນພະຍາດ Covid-19 ໄດ້ດີທີ່ສຸດ. |
 | ໜັງສືພິມອົດສະຕາລີ: “ຜົນສຳເລັດໃນການສະກັດກັ້ນພະຍາດ Covid-19 ຂອງຫວຽດນາມ ແມ່ນສົມຄວນໃຫ້ມຸ່ງຫວັງ” ຍສໝ - ເມື່ອບໍ່ດົນມານີ້, ໜັງສືພິມ ABC ຂອງອົດສະຕາລີ ໄດ້ລົງພິມບົດຂຽນ ກ່ຽວກັບຂະບວນການປ້ອງກັນ ແລະ ຕ້ານການລະບາດພະຍາດ Covid-19 ຂອງຫວຽດນາມ ທີ່ປະສົບຜົນສຳເລັດ. ມາຮອດປະຈຸບັນ, ຫວຽດນາມ ໄດ້ຮັກສາຈຳນວນກໍລະນີທີ່ຕິດເຊື້ອຕ່ຳກວ່າ 300 ຄົນ ແລະ ຍັງບໍ່ມີຄົນເສຍຊີວິດ. |
 | ໜັງສືພິມເຢຍລະມັນ ຕີລາຄາສູງວຽກງານປ້ອງກັນ, ຕ້ານໂລກລະບາດໂຄວິດ-19 ຂອງຫວຽດນາມ ຍສໝ - ໜັງສືພິມ Spiegel ໄດ້ມີບົດຂຽນຕີລາຄາສູງວຽກງານປ້ອງກັນ, ຕ້ານໂລກລະບາດໂຄວິດ-19 ຂອງຫວຽດນາມ. ບົດຂຽນໄດ້ຕີລາຄາເລື່ອງລັດຖະບານຫວຽດນາມ ໄດ້ໂຍະຍານບັນດາມາດຕະການແຍກຫ່າງໃນສັງຄົມ ທີ່ນຳໃຊ້ແຕ່ວັນທີ 01 ເມສາ, ໄດ້ຊີ້ໃຫ້ເຫັນວ່າຫວຽດນາມ ສາມາດຄວບຄຸມສະພາບການໄດ້ເປັນຢ່າງດີ. |
ຄຳຮຸ່ງ
