| ວິສາຫະກິດຫວຽດນາມ ໄດ້ສະໜັບສະໜູນ ສປປ.ລາວ ໃນການປ້ອງກັນພະຍາດ Covid-19 | |
| ອາຊຽນໃຫ້ຄຳໝັ້ນສັນຍາຮັບປະກັນຄວາມໝັ້ນຄົງດ້ານສະບຽງອາຫານໃນໄລຍະເກີດໂລກລະບາດ Covid – 19 |
ເຂົ້າຮ່ວມພິທີມີ: ຜູ້ຕາງໜ້າຫ້ອງວ່າການລັດຖະບານ, ກະຊວງສາທາລະນະສຸກ ຫວຽດນາມ, ກະຊວງການຕ່າງປະເທດ ຫວຽດນາມ; ທ່ານ Kidong Park - ຜູ້ຕາງໜ້າອົງການອະນາໄມໂລກ WHO ປະຈຳປະເທດຫວຽດນາມ; ຄະນະຕົວແທນຫ້ອງການຜູ້ປະສານງານ ປະຈຳສະຫະປະຊາຊາດ (UN) ແລະ ບັນດາພະນັກງານອົງການອະນາໄມໂລກ WHO.
ກ່າວຄຳເຫັນທີ່ພິທີ, ທ່ານ ເລຮ່ວາຍຈູງ - ຮອງລັດຖະມົນຕີກະຊວງການຕ່າງປະເທດ ຫວຽດນາມ ໄດ້ແບ່ງປັນເປົ້າໝາຍສອງຢ່າງຂອງລັດຖະບານຫວຽດນາມ ແມ່ນປ້ອງກັນ ແລະ ຕ້ານການລະບາດຂອງພະຍາດ Covid-19 ແລະ ຮັບປະກັນສະຖຽນລະພາບດ້ານເສດຖະກິດ - ສັງຄົມ ເພື່ອຮັບປະກັນຄວາມສະຫງົບປອດໄພດ້ານສັງຄົມ.
 |
| ທ່ານ ເລຮ່ວາຍຈູງ - ຮອງລັດຖະມົນຕີກະຊວງການຕ່າງປະເທດ ຫວຽດນາມ ໄດ້ມອບເງິນຈຳນວນ 50,000 ໂດລາສະຫະລັດ ໃຫ້ທ່ານ Kidong Park - ຜູ້ຕາງໜ້າອົງການອະນາໄມໂລກ WHO. (ພາບ: baoquocte) |
ທ່ານເລຮ່ວາຍຈູງ - ຮອງລັດຖະມົນຕີກະຊວງການຕ່າງປະເທດ ຫວຽດນາມ ເນັ້ນໜັກວ່າ, ເຖິງວ່າຫວຽດນາມ ພວມຖືກຜົນສະທ້ອນຈາກໂລກລະບາດ Covid-19, ແຕ່ແມ່ນສະມາຊິກທີ່ຕັ້ງໜ້າ ແລະ ມີຄວາມຮັບຜິດຊອບກັບປະຊາຄົມສາກົນ, ແລະ ປະຈຸບັນຮັບຜິດຊອບບົດບາດເປັນປະທານອາຊຽນ 2020 ແລະ ສະມາຊິກກຳມະການບໍ່ປະຈຳການສະພາຄວາມໝັ້ນຄົງສະຫະປະຊາຊາດ 2020-2021, ລັດຖະບານຫວຽດນາມ ໄດ້ຕັດສິນໃຈປະກອບສ່ວນ 50.000 ໂດລາສະຫະລັດ ເພື່ອສະໜັບສະໜູນ ກອງທຶນຮັບມືພະຍາດ Covid-19 ຂອງ WHO ໃນຄວາມຫວັງວ່າມັນຈະຊ່ວຍສ່ວນໜຶ່ງໃນການຫຼຸດຜ່ອນຜົນກະທົບທາງລົບຂອງການແຜ່ລະບາດ.
ທ່ານ Kidong Park - ຜູ້ຕາງໜ້າອົງການອະນາໄມໂລກ WHO ຕີລາຄາວ່າ ຫວຽດນາມແມ່ນປະເທດນຳໜ້າ ໃນຂົງເຂດການທູດດ້ານສາທາລະນະສຸກ ແລະ ທ່ານ Kidong Park ໄດ້ສະແດງຄວາມຂອບໃຈຕໍ່ລັດຖະບານ ແລະ ປະຊາຊົນຫວຽດນາມ ທີ່ໄດ້ໃຫ້ການຊ່ວຍເຫຼືອຢ່າງຈິງໃຈ ແລະ ລ້ຳຄ່າກັບກອງທຶນຮັບມືພະຍາດ Covid-19 ຂອງ WHO.
ທ່ານ Kidong Park ໄດ້ຊົມເຊີຍລັດຖະບານ ແລະ ປະຊາຊົນຫວຽດນາມ ກ່ຽວກັບການຄວບຄຸມ ແລະ ປ້ອງກັນພະຍາດ Covid-19 ດ້ວຍຫຼາຍກວ່າ 80% ຂອງກໍລະນີສຸຂະພາບຟື້ນຟູເປັນປົກກະຕິ, ບໍ່ມີຜູ້ເສຍຊີວິດ ແລະ ບໍ່ມີກໍລະນີໃໝ່ໃນ 8 ມື້ທີ່ຜ່ານມາ. ຜົນນັ້ນແມ່ນຍ້ອນການເຂົ້າຮ່ວມຢ່າງທໍລະຫົດຂອງລັດຖະບານ, ທຸກກະຊວງ ແລະ ສາຂາຫວຽດນາມ, ພ້ອມທັງການຕອບສະໜອງ ແລະ ຄວາມໄວ້ເນື້ອເຊື່ອໃຈຂອງປະຊາຊົນປະເທດຫວຽດນາມ.
ໃນສະພາບການທີ່ໂລກລະບາດ Covid-19 ຍັງມີການຜັນແປຢ່າງສັບສົນໃນທົ່ວໂລກ, ຄວາມສ່ຽງໃນການແຜ່ລະບາດຍັງມີທ່າແຮງ, ອົງການອະນາໄມໂລກ WHO ໄດ້ເຫັນພ້ອມຢ່າງເຕັມສ່ວນ ກັບ 4 ຂໍ້ສະເໜີ ຂອງຫວຽດນາມ, ທີ່ໄດ້ຍົກອອກມາໃນກອງປະຊຸມລັດຖະມົນຕີການຕ່າງປະເທດ ອອນໄລ ກ່ຽວກັບພະຍາດ Covid-19.
 | ກອງບັນຊາການທະຫານແຂວງກວາງບິ່ງ (ຫວຽດນາມ) ໄດ້ມອບເຄື່ອງອຸປະກອນການແພດໃຫ້ແກ່ແຂວງຄຳມ່ວນເພື່ອຕ້ານການລະບາດຂອງພະຍາດ Covid - 19 ຍສໝ - ເມື່ອບໍ່ດົນມານີ້, ທີ່ດ່ານສາກົນນາເພົ້າ ແຂວງຄຳມ່ວນ ແລະ ດ່ານຈາຫລໍ ແຂວງກວາງບິ່ງ ສສ ຫວຽດນາມ ໄດ້ຈັດຂຶ້ນພິທີມອບຮັບເຄື່ອງອຸປະກອນການແພດ ເພື່ອຊ່ວຍເຫຼືອກອງບັນຊາການທະຫານ ແຂວງຄຳມ່ວນ ໃນການປ້ອງກັນ ແລະ ຕ້ານພະຍາດ Covid-19. |
 | ສະຖານທູດຫວຽດນາມ ໄດ້ສະໜັບສະໜູນ ລັດຖະບານ ສປປ.ລາວ ໃນການປ້ອງກັນພະຍາດ COVID-19 ຍສໝ - ນີ້ແມ່ນນ້ຳໃຈຂອງບັນດາພະນັກງານ, ລັດຖະກອນຂອງສະຖານທູດຫວຽດນາມ ປະຈຳ ສປປ.ລາວ ແລະ ອົງການຕ່າງໆນອກຈາກສະຖານທູດຫວຽດນາມ ເພື່ອປະກອບສ່ວນໃຫ້ລັດຖະບານ ແລະ ປະຊາຊົນລາວ ຄວບຄຸມ ແລະ ສະກັດກັ້ນພະຍາດ COVID-19. |
 | ໜັງສືພິມອາເມລິກາ ຊົມເຊີຍເລື່ອງ ຫວຽດນາມ ຊ່ວຍເຫຼືອ ອີຢູ ຍສໝ - ໜັງສືພິມອາເມລິກາ The Diplomat ໄດ້ຄັດສະເໜີຂໍ້ມູນຂ່າວຂອງກະຊວງການຕ່າງປະເທດຫວຽດນາມ ໃຫ້ຮູ້ວ່າ ວັນທີ 7 ເມສາ ຫວຽດນາມ ໄດ້ມອບຜ້າອັດປາກ 550.000 ອັນໃຫ້ແກ່ 5 ປະເທດເອີລົບ ເພື່ອໜູນຊ່ວຍບັນດາປະເທດເຫຼົ່ານີ້ຕໍ່ສູ້ກັບໂລກລະບາດໂຄວິດ-19. |
ຄຳຮຸ່ງ
