ສປຊ ໄດ້ຮັບຮອງເອົາມະຕິຮຽກຮ້ອງໃຫ້ມີການຮ່ວມມືສາກົນ ແລະ ລັດທິຫຼາຍຝ່າຍໃນບັ້ນຕໍ່ສູ້ກັບໂລກລະບາດ Covid – 19
	ໂລກ​ລະ​ບາດ Covid – 19 ​ສົ່ງ​ຜົນ​ກະ​ທົບ​ຢ່າງ​ແຮງ​ເຖິງ​ເສດ​ຖະ​ກິດ​ອ​າ​ຊີ

ເວບໄຊ Al-Arabiya Arabic ທີ່ມີ ສຳນັກງານຢູ່ UAE ແລະ ເວບໄຊ Hespress ຂອງ Moroccan ຫາກໍ່ລົງພິມບົດຄວາມຍ້ອງຍໍສັນລະເສີນຫວຽດນາມກ່ຽວກັບຜົນສຳເລັດໃນການສະກັດກັ້ນການລະບາດຂອງໂລກລະບາດ Covid-19 ໂດຍມີນະໂຍບາຍທີ່ມີປະສິດຕິຜົນ.

ໜັງສືພິມ UAE ຕີລາຄາສູງການປ້ອງກັນ ແລະ ຄວບຄຸມ ການລະບາດຂອງໂລກລະບາດ Covid-19 ຢູ່ ຫວຽດນາມ.(ພາບ:m.kinhtedothi.vn)

ບົດຂຽນຊີ້ແຈ້ງວ່າ, ຫວຽດນາມ ປະຕິບັດຢ່າງເຂັ້ມງວດໃນການແຍກຕົວສໍາລັບ ພົນລະເມືອງກັບຄືນມາຈາກຕ່າງປະເທດດ້ວຍຈໍານວນຫຼາຍໝື່ນຄົນເພື່ອຫລີກລ້ຽງການລະບາດຂອງໂລກລະບາດ Covid-19 ເຊິ່ງກໍາລັງມີການລະບາດໃນທົ່ວເອີຣົບ ແລະ ອາເມລິກາ. ບົດຂຽນໄດ້ຕີລາຄາສູງຄວາມມານະພະຍາຍາມຂອງລັດຖະບານຫວຽດນາມໃນການປ້ອງກັນ ແລະ ຄວບຄຸມໂລກລະບາດ Covid-19 ແລະ ໃຫ້ຮູ້ຕື່ມອີກວ່າບັນດາມາດຕະການທີ່ລັດຖະບານຫວຽດນາມ ໄດ້ກໍານົດໄວ້ນັ້ນ ກໍ່ໄດ້ຮັບການຮ່ວມມືຂອງປະຊາຊົນ, ຮັບປະກັນຈຳນວນຜູ້ຕິດເຊື້ອແມ່ນຕໍ່າ, ຕໍ່າກ່ວາບັນດາປະເທດເພື່ອນບ້ານໃນອາຊີຕາເວັນອອກສ່ຽງໃຕ້.

ເປັນທີ່ໜ້າສັງເກດ, ມາຮອດປະຈຸບັນ, ຫວຽດນາມ ຍັງບໍ່ທັນມີກໍລະນີເສຍຊີວິດຍ້ອນຕິດໂລກລະບາດ Covid-19. ອັດຕາການຕິດເຊື້ອ ຢູ່ ຫວຽດນາມ ແມ່ນຕໍ່າກວ່າປະເທດອື່ນໆໃນພາກພື້ນຍົກເວັ້ນມຽນມາ ແລະ ລາວ. ບົດຂຽນຍັງໄດ້ລົງພິມຫຼາຍຮູບພາບກ່ຽວກັບການປ້ອງກັນ ແລະ ຄວບຄຸມ ການລະບາດຂອງໂລກລະບາດ Covid-19 ຂອງປະຊາຊົນຫວຽດນາມ, ຄວາມຮັບຮູ້ກ່ຽວກັບການປ້ອງກັນການລະບາດຂອງປະຊາຊົນ.

ເວບໄຊ Hespress ຂອງປະເທດ Morocco ຍັງມີບົດຂຽນທີ່ໄດ້ຕີລາຄາສູງການເປັນເຈົ້າການຂອງຫວຽດນາມໃນການປ້ອງກັນ ແລະ ຄວບຄຸມ ການລະບາດຂອງໂລກລະບາດ Covid-19. ບົດຂຽນຊີ້ແຈ້ງວ່າ, ຫວຽດນາມມີມາດຕະການປ້ອງກັນໃນເບື້ອງຕົ້ນ, ຂໍ້ມູນຂ່າວສານທີ່ໂປ່ງໃສທີ່ສຸດແມ່ນໄດ້ແຈ້ງໃຫ້ຊາບກ່ຽວກັບສະພາບການລະບາດ, ບັນດາມາດຕະການປ້ອງກັນໃຫ້ແກ່ປະຊາຊົນ.

ບັນດາມາດຕະການປ້ອງກັນໄດ້ປະກອບສ່ວນໃນການຈໍາກັດການລະບາດຂອງໂລກລະບາດ Covid-19. ບົດຂຽນຊີ້ແຈ້ງວ່າຜົນສໍາເລັດຂອງຫວຽດນາມແມ່ນຮັບຮູ້ວິກິດການໂດຍໄວ, ມີການສື່ສານປະຈຳວັນຕໍ່ປະຊາຊົນ, ພ້ອມທັງສະເໜີບັນດາແບບຢ່າງທີ່ປະສົບຜົນສຳເລັດເພື່ອຕອບສະໜອງ ກັບວິກິດການໂລກນີ້ຢ່າງວ່ອງໄວ ແລະ ມີປະສິດທິຜົນ.

ສູນກາງຄະນະຊາວໜຸ່ມ ຫວຽດນາມໄດ້ມອບສົ່ງອຸປະກອນປ້ອງກັນ, ສະກັດກັ້ນໂລກລະບາດ Covid-19 ໃຫ້ແກ່ສູນກາງຄະນະຊາວໜຸ່ມປະຊາຊົນປະຕິວັດ ລາວ ຍສໝ - ໄດ້ຮັບການມອບສິດຈາກຄະນະເລຂາສູນກາງຄະນະຊາວໜຸ່ມກອມມູນິດ ໂຮ່ຈີມິນ ໄດ້ມອບສົ່ງອຸປະກອນປ້ອງກັນ, ສະກັດກັ້ນໂລກລະບາດ Covid-19 ໃຫ້ແກ່ສູນກາງຄະນະຊາວໜຸ່ມປະຊາຊົນປະຕິວັດ ລາວ ທີ່ດ່ານຊາຍແດນສາກົນ ລາວບາວ (ແຂວງ ກວາງຈີ້) ສສ. ຫວຽດນາມ.

ສະພາບການໂລກລະບາດ Covid-19 ຢູ່ ຫວຽດນາມ ຍັງຢູ່ໃນສະພາບທີ່ສາມາດ ຄວບຄຸມໄດ້ຢູ່ ຍສໝ - ຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດ Covid-19 ຂອງ ຫວຽດນາມ ໄດ້ຢັ້ງຢືນວ່າ ສະພາບການໂລກລະບາດ Covid-19 ຢູ່ ຫວຽດນາມ ຍັງຢູ່ໃນສະພາບທີ່ສາມາດ ຄວບຄຸມໄດ້ຢູ່.

ສື່ມວນຊົນຕ່າງປະເທດ ຕີລາຄາສູງການກະທຳທີ່ວ່ອງໄວ ຂອງ ຫວຽດນາມ ໃນການສະກັດກັ້ນໂລກລະບາດ Covid-19 ທ່ານ Kidong Park ຫົວໜ້າຜູ້ຕາງໜ້າອົງການອະນາໄມໂລກ (WHO) ປະຈຳ ຫວຽດນາມ ກໍ່ຕີລາຄາສູງ “ຄວາມເປັນເຈົ້າການໃນການແກ້ໄຂ ແລະ ຢຶດໝັ້ນໃນຕະຫລອດວິວັດການຮັບມືກັບໂລກລະບາດ” ຂອງລັດຖະບານ ຫວຽດນາມ.