ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ, ກ່ອນໜ້ານັ້ນ ທ່ານ ຫງວຽນຊວນຟຸກ ໄດ້ສົນທະນາຢ່າງໂທລະສັບກັບ ທ່ານ Samdech Techo Hun Sen, ນາຍົກລັດຖະມົນຕີປະເທດກຳປູເຈຍ ກ່ຽວກັບການຮັບມືກັບລະບາດ COVID-19.
ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຢືນຢັນວ່າ ລັດຖະບານ ຫວຽດນາມ ໄດ້ຕັດສິນໃຈສະໜັບສະໜູນ ລັດຖະບານ ແລະ ປະຊາຊົນ ກຳປູເຈຍ ດ້ວຍອຸປະກອນການແພດ ຈໍານວນໜຶ່ງທີ່ມີມູນຄ່າ 100,000 ໂດລາສະຫະລັດ. ກະຊວງສາທາລະນະສຸກ ຫວຽດນາມ ຍັງຈະໃຫ້ ກຳປູເຈຍ ມີຊຸດ kit ທົດສອບໄວຣັດ ຈຳນວນໜຶ່ງ ເທົ່າກັບ 5 ຕື້ດົ່ງ ເພື່ອປ້ອງກັນການລະບາດ COVID-19.
 |
ທ່ານນາຍົກລັດຖະມົນຕີ ຫງວຽນຊວນຟຸກ ແລະ ທ່ານເອກອັກຄະລັດຖະທູດ ລາຊະອານາຈັກ ກຳປູເຈຍ, ທ່ານ Chay Navuth. (ພາບ: VGP)
ພ້ອມດຽວກັນນີ້, ທ່ານນາຍົກລັດຖະມົນຕີ ໄດ້ຮຽກຮ້ອງໃຫ້ຝ່າຍ ກຳປູເຈຍ ຮັດແໜ້ນການຄວບຄຸມຊາຍແດນ ເພື່ອປ້ອງກັນ ແລະ ຕ້ານໂລກລະບາດ, ແຕ່ຍັງສ້າງເງື່ອນໄຂສະດວກໃຫ້ແກ່ການຄ້າຂາຍສິນຄ້າຂ້າມຊາຍແດນ; ສະເໜີໃຫ້ສອງປະເທດ ສືບຕໍ່ເພີ່ມທະວີການຮ່ວມມືໃນບາງຂົງເຂດເຊັ່ນ: ການເງິນ ແລະ ການຂົນສົ່ງ; ຢືນຢັນວ່າ ຈະໜູນຊ່ວຍ ກຳປູເຈຍ ເພີ່ມທະວີການອົບຮົມໃນຂົງເຂດຄວາມ ໝັ້ນຄົງ ແລະ ການປ້ອງກັນປະເທດ…
ສ່ວນທ່ານເອກອັກຄະລັດຖະທູດ ລາຊະອານາຈັກ ກຳປູເຈຍ, ທ່ານ Chay Navuth ສະແດງຄວາມປະທັບໃຈຕໍ່ການພັດທະນາຂອງ ຫວຽດນາມ ໃນຫຼາຍຂົງເຂດ, ພິເສດແມ່ນໃນປີ 2019, ການເຕີບໂຕດ້ານເສດຖະກິດບັນລຸກ່ວາ 7%. ທ່ານເອກອັກຄະລັດຖະທູດ ໄດ້ຂອບໃຈລັດຖະບານ ຫວຽດນາມ ທີ່ໄດ້ສະໜັບສະໜູນ ກຳປູເຈຍ ດ້ວຍອຸປະກອນການແພດໃນການປ້ອງກັນ ແລະ ຕ້ານ COVID-19.
（ຄຳຮຸ່ງ）
