 |
ກອງປະຊຸມເຈົ້າໜ້າທີ່ອະວຸໂສເສດຖະກິດອາຊຽນປຶກສາຫາລືກ່ຽວກັບວຽກງານສ້າງຄວາມສະດວກໃຫ້ແກ່ການຄ້າ.
ທ່ານ ນາງ ອໍຣາມອນ ຊັບທະວີທໍາ ຫົວໜ້າກົມເຈລຈາດ້ານການຄ້າໄທ, ກະຊວງການຄ້າໄທໃຫ້ຮູ້ວ່າ: ກະຊວງການຄ້າໄທກຳລັງຮີບຮ້ອນສ້າງສຳເລັດບັນດາວຽກງານກະກຽມໃຫ້ແກ່ກອງປະຊຸມດັ່ງກ່າວທີ່ຈະຈັດຂຶ້ນຢູ່ບາງກອກ ຊຶ່ງແມ່ນໜຶ່ງໃນບັນດາການເຄື່ອນໄຫວເປີດສາກປີທີ່ໄທເປັນປະທານອາຊຽນ 2019. ທ່ານ ນາງ ອໍຣາມອນ ຊັບທະວີທໍາ ໃຫ້ຮູ້ອີກວ່າ: ກອງປະຊຸມຈະປຶກສາຫາລືກ່ຽວກັບຄວາມໝາຍຂອງການປະຕິວັດອຸດສາຫະກໍາຄັ້ງທີ 4 (4.0) ແລະ ກະກຽມໃຫ້ແກ່ກອງປະຊຸມຄູ່ຮ່ວມເສດຖະກິດຮອບດ້ານຂອງພາກພື້ນ (RCEP) ຢູ່ບາຫຼີ, ປະເທດອິນໂດເນເຊຍ. ເພື່ອເຮັດໃຫ້ພາກພື້ນອາຊຽນກາຍເປັນຄູ່ຮ່ວມການຄ້າອັນດັບ 1 ຂອງໄທ ຊຶ່ງກວມ 22,7% ຂອງລວມຍອດການຄ້າຂອງໄທ. ກະຊວງການຄ້າໄທຈະສຸມໃສ່ໃນການຫຼຸດຜ່ອນບັນດາສິ່ງກີດຂວາງເພື່ອຊຸກຍູ້ການເຄື່ອນໄຫວທາງການຄ້າ ແລະ ຊ່ວຍໜູນບັນດາວິສາຫະກິດພາຍໃນປະເທດຮັບມືກັບສິ່ງທ້າທາຍໃໝ່.
ຜູ້ຕາງໜ້າກະຊວງການຄ້າໄທໃຫ້ຮູ້ວ່າ: ຕ້ອງມີວິທີແນະນໍາໃຫ້ແກ່ບັນດາມາດຕະການປອດພາສີ (NTM) ຂອງອາຊຽນເພື່ອຫຼຸດຜ່ອນບັນດາສິ່ງກີດຂວາງທາງດ້ານການຄ້າ, ປະຕິບັດຕາມບັນດາຫຼັກການທີ່ຄ່ອງແຄ້ວ ແລະ ບໍ່ຈໍາແນກ, ກ່ອນອື່ນໝົດແມ່ນຕ້ອງຜັນຂະຫຍາຍບັນດາຂໍ້ຕົກລົງຮັບຮູ້ຊຶ່ງກັນ ແລະ ກັນ (MRA) ໃນຂົງເຂດລົດຍົນເພື່ອເຮັດໃຫ້ບັນດາຂໍ້ຕົກລົງໄດ້ເຊັນຮັບຮອງພາຍໃນປີນີ້. ນອກຈາກນັ້ນ, ໄທ ຕ້ອງການຊຸກຍູ້ໃຫ້ສໍາເລັດສັນຍາຄູ່ຮ່ວມເສດຖະກິດຮອບດ້ານພາກພື້ນ (RCEP) ໃນ ປີ 2019.
ກ່ຽວກັບສັນຍາການພົວພັນຄູ່ຮ່ວມມືຮອບດ້ານ ແລະ ຄວາມກ້າວໜ້າປາຊີຟິກ (CPTPP), ທ່ານ ນາງ ອໍຣາມອນຊັບທະວີທໍາ ກໍ່ໃຫ້ຮູ້ຕື່ມອີກວ່າ: ໄທກໍາລັງກະກຽມເຂົ້າຮ່ວມ CPTPP ພາຍຫຼັງການປ່ອນບັດເລືອກຕັ້ງສໍາເລັດ.
ກ່ອນນັ້ນ, ໃນເດືອນທັນວາ ປີ 2018, ຮອງນາຍົກລັດຖະມົນຕີທີ່ຮັບຜິດຊອບດ້ານເສດຖະກິດ ສົມກິດ ຈາດຕູລີປີຕາກ ກ່າວວ່າໄທຈະບໍ່ເຂົ້າຮ່ວມ CPTPP ໃນໄລຍະລັດຖະບານນີ້, ຍ້ອນວ່າບໍ່ມີເວລາພຽງພໍໃນການກະກຽມ.
（ໄຊພອນ）
