ລະບົບ 2 ຈີເຮັດໃຫ້ມືຖືເຂົ້າເວັບໄຊໄດ້ຢ່າງກ້ວາງຂວາງ ແລະລະບົບ 4 ຈີ ເຮັດໃຫ້ແອັບພິເຄຊັ່ນໃຫ່ມໆຕັ້ງແຕ່ສື່ສັງຄົມອອນໄລນໄປຈົນເຖິງແອັບພິເຄຊັ່ນຮຽກບໍລິການລົດອູເບີໃຫ້ເຮັດວຽກໄດ້ໄດ້ສ່ວນລະບົບ 5 ຈີຍົກລະດັບການເຊື່ອມຕໍ່ສູ່ຂັ້ນໃຫ່ມດ້ວຍຄວາມໄວເຫນືອກວ່າ ເປັນສ່ວນສຳຄັນຊ່ວຍພັດທະນາອຸປະກອນໃນອານາຄົດ ຕັ້ງແຕ່ລົດອັດສະລິຍະຂັບເຄື່ອນໂຕເອງ ຫຸ່ນຍົນອຸດສະຫະກຳອາກາດຊະຍານໄຮ້ຄົນຂັບ (ໂດຣນ) ແລະການພັດທະນາອື່ນໆຂອງການນຳອິນເຕີເນັດເຊື່ອມຕໍ່ອຸປະກອນໃຫ້ຮັບ-ສົ່ງຂໍ້ມູນ ເພື່ອໃຫ້ຜູ້ໃຊ້ຄວບຄຸມຫຼືນຳຂໍ້ມູນໄປໃຊ້ງານໄດ້ (Internet of Things) ຄາດສ້າງມູນຄ່າໃຫ້ເສດຖະກິດໂລກປະມານ 565.000 ລ້ານດອລລາ ພາຍໃນປີ 2034 ຫລືອີກ 15 ປີຂ້າງຫນ້າ.
ການໃຊ້ລະບົບ 5 ຈີເປັນປະເທດທຳອິດຂອງເກົາຫຼີໃຕ້ມີຂື້ນຂະນະອາເມຣິກາ ຂັດແຍ່ງການຄ້າກັບຈີນກະທັງລາມເປັນປໍລະປັກກັບຫົວເວີ່ຍ ບໍລິສັດຜູ້ນຳເທັກໂນໂລຢີ 5ຈີ ສັນຊາດຈີນ ພັນທະມິດຂອງອາເມຣິກາຫລາຍປະເທດສະກັດກັ້ນຫົວເວີ່ຍຕາມອາເມຣິກາດ້ວຍ.
（ແຫຼ່ງຂໍ້ມູນ： ABC LAOS NEWS）
