 |
ທ່ານນາງ Michelle Bachelet ໄດ້ຕີລາຄາສູງບົດບາດ, ການຮ່ວມມືຂອງຫວຽດນາມ ດ້ວຍບັນດາກົນໄກຂອງສະຫະປະຊາຊາດ ແລະ ບັນດາຜົນງານຂອງຫວຽດນາມ ໃນການຊຸກຍູ້ ແລະ ປົກປ້ອງສິດທິມະນຸດໃນໄລຍະມໍ່ໆມານີ້.(ພາບ:baoquocte.vn)
ທ່ານນາງເອກອັກຄະລັດຖະທູດ ເລທິຕວ໊ຽດມາຍ ໄດ້ແຈ້ງໃຫ້ຊາບກ່ຽວກັບບາງບຸລິມະສິດ, ນະໂຍບາຍ ແລະ ຜົນງານພົ້ນເດັ່ນຂອງຫວຽດນາມ ໃນການຊຸກຍູ້ ແລະ ປົກປ້ອງສິດທິມະນຸດຫວ່າງມໍ່ໆມານີ້. ທ່ານນາງ ເລທິຕວ໊ຽດມາຍ ໄດ້ຢືນຢັນວ່າ ເລື່ອງຊຸກຍູ້ ແລະ ປົກປ້ອງສິດທິມະນຸດກໍ່ແມ່ນບັນດາບັນຫາຈຸດສຸມໃນການຜັນຂະຫຍາຍລັດຖະທຳມະນູນປີ 2013 ແລະ ນະໂຍບາຍພັດທະນາເສດຖະກິດ - ສັງຄົມຂອງຫວຽດາມ. ທ່ານນາງ Michelle Bachelet ໄດ້ຕີລາຄາສູງບົດບາດ, ການຮ່ວມມືຂອງຫວຽດນາມ ດ້ວຍບັນດາກົນໄກຂອງສະຫະປະຊາຊາດ ແລະ ບັນດາຜົນງານຂອງຫວຽດນາມ ໃນການຊຸກຍູ້ ແລະ ປົກປ້ອງສິດທິມະນຸດໃນໄລຍະມໍ່ໆມານີ້. ທ່ານນາງປາດຖະໜາວ່າ, ຫວຽດນາມ ຈະສືບຕໍ່ມີການປະກອບສ່ວນຢູ່ສະພາສິດທິມະນຸດສະຫະປະຊາຊາດ ແລະ ປະກອບສ່ວນໃຫ້ແກ່ບັນດາເປົ້າໝາຍພັດທະນາແບບຍືນຍົງຢູ່ຫວຽດນາມ ແລະ ຢູ່ພາກພື້ນ, ພ້ອມກັນນັ້ນ, ກໍ່ເສີມຂະຫຍາຍບົດບາດເປັນປະທານອາຊຽນ.
ວັນທີ 04 ກໍລະກົດ 2019 ຢູ່ ເຊີແນວ ປະເທດ ສະວິດ, ໃນຂອບເຂດກອງປະຊຸມຄັ້ງທີ 41 ສະພາສິດທິມະນຸດ ສປຊ ໄດ້ດໍາເນີນກອງປະຊຸມຜ່ານບົດລາຍງານແຫ່ງຊາດຂອງຫວຽດນາມ ຕາມກົນໄກສໍາຫຼວດກວດກາປະຈໍາໄລຍະ (UPR) ຮອບວຽນທີ 3. ເຂົ້າຮ່ວມ ແລະ ກ່າວຄໍາເຫັນທີ່ກອງປະຊຸມ, ທ່ານຮອງລັດຖະມົນຕີການຕ່າງປະເທດຫວຽດນາມ ເລຮວ່າຍຈູງ ໄດ້ຢັ້ງຢືນຄືນໃໝ່ກ່ຽວກັບນະໂຍບາຍສະເໝີຕົ້ນສະເໝີປາຍຂອງຫວຽດນາມການປົກປ້ອງ ແລະ ຊຸກຍູ້ສິດທິມະນຸດ, ໂດຍເລີ່ມມາຈາກມູນເຊື້ອປະຫວັດສາດຂອງຊາດຫວຽດນາມໃນການຕໍ່ສູ້, ສ້າງສາ ແລະ ປົກປັກຮັກສາປະເທດຊາດ ແລະ ເປົ້າໝາຍລຸລ່ວງຂອງພັກ ແລະ ລັດຫວຽດນາມ ແມ່ນຍາມໃດກໍຖືປະຊາຊົນເປັນໃຈກາງ ໃນທຸກນະໂຍບາຍ ແລະ ການກະທໍາ.
ທ່ານເລຮວ່່າຍຈູງ ກໍແຈ້ງໃຫ້ ສະພາສິດທິມະນຸດ ສປຊ ຮັບຊາບ ກ່ຽວກັບເລື່ອງຫວຽດນາມ ຮັບຮອງເອົາ 241 ໃນຈໍານວນ 291 ຂໍ້ສະເໜີແນະ ເຊິ່ງບັນດາປະເທດໄດ້ວາງອອກ, ບັນລຸອັດຕາເກືອບ 83% ລວມທັງບັນດາເນື້ອໃນສໍາຄັນ, ຮອບດ້ານຂອງວຽກງານຮັບປະກັນສິດທິມະນຸດ. ສິ້ນສຸດກອງປະຊຸມ, ສະພາສິດທິມະນຸດ ສປຊ ໄດ້ຕົກລົງເຫັນດີເປັນເອກະພາບຮັບຮອງເອົາໝາກຜົນຂອງບົດລາຍງານ UPR ຮອບວຽນທີ 3 ຂອງຫວຽດນາມ.
（ໄຊພອນ）
