ທີ່ການຕ້ອນຮັບ, ຜູ້ຕາງໜ້າບັນດາວິສາຫະກິດໄດ້ຢັ້ງຢືນເຖິງຄວາມສົນໃຈ ແລະ ຄວາມປາດຖະໜາຢາກລົງທຶນເຂົ້າບັນດາໂຄງການ ໄຟຟ້າ LNG ເພື່ອແນໃສ່ປະກອບສ່ວນພັດທະນາແຫຼ່ງພະລັງງານສະອາດ, ຮັບປະກັນການສະໜອງໄຟຟ້າໃຫ້ແກ່ການຜະລິດ ແລະ ຊົມໃຊ້ໃຫ້ພຽງພໍ, ກໍ່ຄືພັດທະນາແຫຼ່ງຊັບພະຍາກອນມະນຸດທີ່ມີຄຸນນະພາບສູງ ໃນຂົງເຂດໄຟຟ້າ. ບັນດາກຸ່ມນັກລົງທຶນໄດ້ໃຫ້ຄຳໝັ້ນສັນຍາວ່າ ມີຄວາມປາດຖະໜາດຢາກລົງທຶນຍາວນານ, ຮັບປະກັນຄວາມຄືບໜ້າ, ຄຸນນະພາບ, ປະສິດທິຜົນຂອງບັນດາໂຄງການໄຟຟ້າ LNG ຢູ່ ຫວຽດນາມ.

ທ່ານຮອງນາຍົກລັດຖະມົນຕີ ຈິ້ງດິ່ງຢຸງ ໃຫ້ການຕ້ອນຮັບກຸ່ມນັກລົງທຶນ ອາເມລິກາ - ສ. ເກົາຫຼີ. (ພາບ: ndh.vn)

ຮອງນາຍົກລັດຖະມົນຕີ ທ່ານ ຈິ້ງດິ່ງຢຸງ ໄດ້ເນັ້ນໜັກວ່າ: ລັດຖະບານ ຫວຽດນາມ ຍາມໃດກໍ່ສົ່ງເສີມ, ສ້າງເງື່ອນໄຂໃຫ້ແກ່ບັນດາວິສາຫະກິດທັງຢູ່ພາຍໃນ ແລະ ຕ່າງປະເທດໃນການຮ່ວມມື, ເຂົ້າຮ່ວມບັນດາໂຄງການພະລັງງານຢູ່ ຫວຽດນາມ. ເລື່ອງລົງທຶນຕ້ອງເໝາະສົມກັບການວາງແຜນກຳນົດພະລັງງານໄຟຟ້າ ຂອງ ຫວຽດນາມ, ຜະລິດຕະພັນໄຟຟ້າຕ້ອງມີລາຄາແກ້ງແຍ້ງ, ເໝາະສົມກັບລະບົບສາຍສົ່ງໄຟຟ້າ. ກ່ຽວກັບນັກລົງທຶນ ອາເມລິກາ, ທ່ານ ຈິ້ງດິ່ງຢຸງ ໄດ້ຢັ້ງຢືນວ່າ ຫວຽດນາມຍາມໃດກໍ່ຖືອາເມລິກາແມ່ນໜຶ່ງໃນບັນດາຄູ່ຮ່ວມມືສຳຄັນແຖວໜ້າ. ເລື່ອງບັນດານັກລົງທຶນໃຫຍ່ຂອງ ອາເມລິກາ ເພີ່ມທະວີການລົງທຶນຢູ່ ຫວຽດນາມຈະຊ່ວຍການມຸ່ງໄປສູ່ຄວາມສົມດຸນໃນການຄ້າ, ການນຳເຂົ້າສົ່ງອອກລະຫວ່າງ ສອງປະເທດ.

（ແຫຼ່ງ​ຂໍ້​ມູນ​： http://vovworld.vn）