 |
ພາບປະກອບ
ໃນກອງປະຊຸມຄົບຄະນະຂອງ ລັດຖະສະພາເອີລົບຢູ່ Strasbourg, ຝລັ່ງ ເຊິ່ງໄດ້ດຳເນີນຢ່າງເປັນທາງການໃນວັນທີ 11 ກຸມພາ ເພື່ອມຸ່ງໄປເຖິງການໃຫ້ສັດຕະຍາບັນ ສັນຍາການຄ້າເສລີລະຫວ່າງ EU ແລະ ຫວຽດນາມ (EVFTA). ໃນ ກອງປະຊຸມນີ້, ບັນດາສະມາຊິກລັດຖະສະພາເອີລົບ ໄດ້ປຶກສາຫາລືໂດຍອີງໃສ່ບົດລາຍງານຂອງ ທ່ານ ສະມາຊິກລັດຖະສະພາ Geert Bourgeois ໄດ້ກະກຽມ ແລະ ນຳສະເໜີ. ໃນໝວດທຳອິດ, ເມື່ອສະເໜີພິຈາລະນາ ແລະ ໃຫ້ສັດຕະຍາບັນສັນຍາ EVFTA, ບົດລາຍງານຂອງ ທ່ານ Geert Bourgeois ໄດ້ໃຫ້ຂໍ້ສັງເກດວ່າ: ຫວຽດນາມແມ່ນຄູ່ຮ່ວມມືຍຸດທະສາດ ກັບ EU ແລະ EU ຈະພ້ອມກັບ ຫວຽດນາມ ແບ່ງປັນຫຼາຍເປົ້າໝາຍລວມຄືຊຸກຍູ້ການເຕີບໂຕ ແລະ ວຽກເຮັດງານທຳ, ດັດປັບລັກສະນະແກ້ງແຍ້ງ, ການຕໍ່ສູ້, ຕ້ານຄວາມອຶດຫິວທຸກຍາກ ແລະ ປະຕິບັດບັນດາເປົ້າໝາຍພັດທະນາແບບຍືນຍົງ, ກໍ່ຄືຄຳໝັ້ນສັນຍາຢ່າງແຮງກັບການຄ້າເສລີກໍ່ຄືການຄ້າຫຼາຍຝ່າຍທີ່ອີງຕາມກົດໝາຍ.
ເມື່ອສັນຍາການຄ້າເສລີຫວຽດນາມ-ອີຢູ (EVFTA) ໄດ້ຮັບການປ່ອນບັດຮັບຮອງເອົາຢ່າງເປັນທາງການ ຈາກລັດຖະສະພາເອີລົບ ໃນວັນທີ 12 ກຸມພາ 2020 ນັ້ນແມ່ນຂີດໝາຍສໍາຄັນ, ສ້າງບາດລ້ຽວໃຫຍ່ໃຫ້ວິວັດການຮ່ວມມືຫວຽດນາມ-ອີຢູ ໃນໂອກາດສະເຫຼີມສະຫຼອງ 30 ປີແຫ່ງການສ້າງຕັ້ງການພົວພັນທາງການທູດຫວຽດນາມ-ອີຢູ. ປີ 2020 ແມ່ນປີທີ່ຫວຽດນາມ ແລະອີຢູ ສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ. ເລື່ອງສອງຝ່າຍມີບັນດາສັນຍານເປັນໜ້າພາກພູມໃຈນັບແຕ່ຊຸມວັນຕົ້ນປີນັ້ນ, ຈະສ້າງພື້ນຖານເພື່ອຍົກສູງສາຍພົວພັນລະຫວ່າງຫວຽດນາມ ແລະ ອີຢູ ກວ່າອີກ, ປະກອບສ່ວນເພື່ອສັນຕິພາບ, ສະຖຽນລະພາບ, ຄວາມວັດທະນາຖາວອນໃນພາກພື້ນ ແລະໃນໂລກ.
ນີ້ແມ່ນເຫດການມີຄວາມໝາຍທີ່ສຸດເພາະວ່າສັນຍາ EVFTA ແມ່ນສັນຍາການຄ້າທໍາອິດໄດ້ຮັບການປ່ອນບັດຮັບຮອງເອົາຈາກລັດຖະສະພາໃໝ່ຂອງເອີລົບ. ນີ້ກໍ່ແມ່ນສັນຍາທໍາອິດຂອງອີຢູ ກັບປະເທດກໍາລັງພັດທະນາໃນພາກພື້ນອາຊີ-ປາຊີຟິກ. ຄວາມໝາຍຂອງການປ່ອນບັດນີ້ໄດ້ສະແດງໃຫ້ເຫັນຢູ່ບາງແງ່ມູມດັ່ງລຸ່ມນີ້: ເລື່ອງໃຫ້ສັດຕະຍາບັນສັນຍາ EVFTA ເປັນການຢ້ັງຢືນຂອງສອງຝ່າຍກ່ຽວກັບການສ້າງກົນໄກການຄ້າທີ່ເປີດເຜີຍ, ຍຸຕິທຳ, ໂດຍອີງໃສ່ບັນດາຫຼັກການ ແລະແມ່ນປະຖົມປັດໄຈເພື່ອປະຕິຮູບ ແລະສ້າງບັນດາຫຼັກການໃໝ່ໃຫ້ການຄ້າສາກົນໃນ WTO ກໍ່ຄືແມ່ນແບບຟອມເພື່ອກ້າວໄປເຖິງການສ້າງສັນຍາການຄ້າເສລີລະຫວ່າງອີຢູ ແລະອາຊຽນ ໃນໄລຍະຈະມາເຖິງ. ເລື່ອງສ້າງສັນຍາການຄ້າເສລີສະແດງໃຫ້ເຫັນວ່າອີຢູ ຖືຫວຽດນາມ ແມ່ນຄູ່ຮ່ວມມືທີ່ໄວ້ເນື້ອເຊື່ອໃຈ ເພື່ອໃຫ້ອີຢູຊຸກຍູ້ການຮ່ວມມືໃນສະພາບການເສດຖະກິດທົ່ວໂລກມີການຜັນແປສັບສົນຫຼາຍຢ່າງ. ຫວຽດນາມ ພວມເປັນເຈົ້າການນໍາໜ້າໃນບັນດາກົນໄກຮ່ວມມືດ້ານເສດຖະກິດ ແລະເວທີປາໄສໃນພາກພື້ນ ແລະໃນໂລກ, ເປັນປະທານອາຊຽນ 2020 ແລະກໍາມະການບໍ່ປະຈໍາການສະພາຄວາມໝັ້ນຄົງສະຫະປະຊາຊາດ.
（ໄຊພອນ）
