ໃນການພົບປະ, ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ໂຕແອັງຢູ໋ງ ໄດ້ແບ່ງປັນຄວາມຫຍຸ້ງຍາກໃນການປ້ອງກັນ ແລະ ຄວບຄຸມພະຍາດລະບົບຫາຍໃຈ ທີ່ເກີດຈາກເຊື້ອໄວຣັສ Corona ຊະນິດໃໝ່ ທີ່ ປະເທດຈີນ ກຳລັງປະເຊີນໜ້າຢູ່. ທ່ານຮອງລັດຖະມົນຕີກະຊວງການຕ່າງປະເທດ ໂຕແອັງຢູ໋ງ ປາດຖະໜາວ່າສອງຝ່າຍຄວນແລກປ່ຽນຂໍ້ມູນຂ່າວສານຢ່າງເປັນປະຈຳ, ພ້ອມກັນປ້ອງກັນການລະບາດຂອງໄວຣັດ Corona; ແລະ ເຊື່ອໝັ້ນວ່າດ້ວຍການຊີ້ນຳຢ່າງຈິງຈັງຂອງລັດຖະບານຈີນ ແລະ ການຮ່ວມມືສາກົນກ່ຽວກັບບັນຫານີ້, ຝ່າຍຈີນຈະຊະນະພະຍາດດັ່ງກ່າວໂດຍໄວ.
 |
ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ໂຕແອັງຢູ໋ງ ແລະ ທ່ານເອກອັກຄະລັດຖະທູດ Xiong Bo. (ພາບ: baoquocte.vn)
ທ່ານເອກອັກຄະລັດຖະທູດ Xiong Bo ຕາງໜ້າລັດຖະບານ ແລະ ປະຊາຊົນຈີນໄດ້ສະແດງຄວາມຂອບໃຈຕໍ່ລັດຖະບານ ແລະ ປະຊາຊົນຫວຽດນາມທີ່ໄດ້ໃຫ້ຄວາມສົນໃຈ, ແບ່ງປັນ ແລະ ສະໜັບສະໜູນ ຈີນ ໃນໄລຍະຫຍຸ້ງຍາກນີ້. ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ໂຕແອັງຢູ໋ງ ກໍ່ແຈ້ງໃຫ້ຊາບວ່າ ລັດຖະບານ ຫວຽດນາມ ໄດ້ຕັດສິນໃຈ ຊ່ວຍເຫຼືອໃຫ້ຈີນ ຈຳນວນເງິນ 500.000 ໂດລາສະຫະລັດພ້ອມດ້ວຍອຸປະກອນການແພດຈຳນວນໜຶ່ງ ເພື່ອປ້ອງກັນການລະບາດຂອງພະຍາດໃຫ້ໄວວາທີ່ສຸດ.
（ຄຳຮຸ່ງ）
