 |
ທ່ານ ບຸ່ຍວັນນາມ ແລະ ທ່ານ ທອງລຸນ ສີສຸລິດ.(ພາບ:vov.vn)
ທີ່ການຕ້ອນຮັບ, ທ່ານຮອງລັດຖະມົນຕີ ບຸ່ຍວັນນາມ ໄດ້ລາຍງານກັບ ທ່ານນາຍົກລັດຖະມົນຕີລາວ ທອງລຸນ ສີສຸລິດ ຊາບກ່ຽວກັບໝາກຜົນກອງປະຊຸມຮ່ວມມືການປ້ອງກັນຄວາມສະຫງົບລະຫວ່າງສອງປະເທດຫຽດນາມ - ລາວ ຄັ້ງທີ 10. ທ່ານຮອງລັດຖະມົນຕີ ບຸ່ຍວັນນາມ ໃຫ້ຮູ້ວ່າ: ສອງຝ່າຍໄດ້ເປັນເອກະພາບນຳກັນທິດທາງຮ່ວມມືລະຫວ່າງກຳລັງປ້ອງກັນຄວາມສະຫງົບຂອງປະເທດໃນໄລຍະຈະມາເຖິງ.
ທ່ານຮອງລັດຖະມົນຕີ ບຸ່ຍວັນນາມ ກໍ່ໃຫ້ຮູ້ຕື່ມອີກວ່າເນື່ອງໃນໂອກາດນີ້ກະຊວງຕຳຫຼວດຫວຽດນາມ ໄດ້ມອບໃຫ້ກະຊວງປ້ອງກັນຄວາມສະຫງົບລາວ ບາງເຄື່ອງອຸປະກອນຮັບໃຊ້ການເຄື່ອນໄຫວວິຊາສະເພາະ ແລະ ພ້ອມແລ້ວທີ່ຈະໜູນຊ່ວຍບຳລຸງສ້າງໃຫ້ແກ່ພະນັກງານກະຊວງປ້ອງກັນຄວາມສະຫງົບລາວ.
ທີ່ການຕ້ອນຮັບ, ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ຕີລາຄາສູງການຮ່ວມມືລະຫວ່າງກະຊວງຕຳຫຼວດຫວຽດນາມ ແລະ ກະຊວງປ້ອງກັນຄວາມສະຫງົບລາວ ໃນຫຼາຍຂົງເຂດ. ພ້ອມທັງຢືນຢັນຈະເອົາໃຈໃສ່ຊີ້ນຳກະຊວງປ້ອງກັນຄວາມສະຫງົບລາວ ແລະ ບັນດາອົງການຂຶ້ນກັບກະຊວງ ສົມທົບກັບກະຊວງຕຳຫຼວດຫວຽດນາມ ໃນການຮ່ວມມືປົກປັກຮັກສາຄວາມໝັ້ນຄົງແຫ່ງຊາດຂອງແຕ່ລະປະເທດ.
（ໄຊພອນ）
