 |
ທ່ານ ເຈິ່ນແທງເໝິນ, ປະທານຄະນະກໍາມະການສູນກາງແນວໂຮມປະເທດຊາດຫວຽດນາມ ຕ້ອນຮັບທ່ານ ໄຊສົມພອນ ພົມວິຫານ, ປະທານຄະນະກໍາມະການສູນກາງແນວລາວສ້າງຊາດ. (ພາບ: ສໍານັກຂ່າວສານຫວຽດນາມ)
ທ່ານ ເຈິ່ນແທງເໝິນ ປະທານຄະນະກໍາມະການສູນກາງແນວໂຮມປະເທດຊາດຫວຽດນາມ ໃຫ້ຮູ້ວ່າ, ປະຈຸບັນ, ຫວຽດນາມ ກໍາລັງໜູນຊ່ວຍລາວ ກໍ່ສ້າງຊັບພະຍາກອນມະນຸດ, ຖ່າຍທອດບັນດາຄວາມກ້າວໜ້າດ້ານວິທະຍາສາດເຕັກນິກໃນການປູກຝັງ, ການລ້ຽງສັດ. ຂະແໜງກະສິກໍາຫວຽດນາມ ເວົ້າລວມ, ແນວໂຮມປະເທດຊາດຫວຽດນາມ ແລະນະຄອນເກິ່ນເທີ ເວົ້າສະເພາະຍາມໃດກໍ່ພ້ອມແລ້ວທີ່ຈະຮ່ວມມື, ແບ່ງປັນບົດຮຽນທີ່ລໍ້າຄ່າໃນການພັດທະນາກະສິກໍາໃຫ້ລາວ.
 |
ທ່ານ ໄຊສົມພອນ ພົມວິຫານ (ເບື້ອງຂວາ) ຊອກຮູ້ກ່ຽວກັບຮູບແບບທົ່ງນາໃຫຍ່ຢູ່ເມືອງເກີ່ດໍ້, ນະຄອນເກິ່ນເທີ. (ພາບ: ສໍານັກຂ່າວສານຫວຽດນາມ)
ກ່າວຄໍາເຫັນທີ່ການເຮັດວຽກ, ທ່ານ ໄຊສົມພອນ ພົມວິຫານ ຂອບໃຈຕໍ່ການຕ້ອນຮັບຢ່າງອົບອຸ່ນພ້ອມກັບບັນດາຄໍາອວຍພອນອັນດີງາມຂອງທ່ານ ເຈິ່ນແທງເໝິນ ຕໍ່ກັບການພົວພັນຮ່ວມມືລະຫວ່າງສອງພັກ, ສອງລັດ ແລະປະຊາຊົນສອງປະເທດ ລາວ-ຫວຽດນາມ ແລະສອງອົງການແນວຮົມປະເທດຊາດຫວຽດນາມ ແລະແນວລາວສ້າງຊາດ.
ທ່ານ ໄຊສົມພອນ ພົມວິຫານ ຫວັງວ່າໃນວິວັດການຮ່ວມມື, ຫວຽດນາມ ຈະຖ່າຍທອດບັນດາທັກສະ, ເຕັກນິກສູງໃຫ້ຝ່າຍລາວ. ລາວ ຈະປະກອບທີ່ດິນ ແລະຊອກຫາຕະຫຼາດຢູ່ຫວຽດນາມ.
（ແຫຼ່ງຂໍ້ມູນ： ກວຽດເຕິມ/ກປ.ອອນໄລ）
