 |
ນາຍົກລັດຖະມົນຕີຫວຽດນາມ ຫງວຽນຊວນຟຸກ ແລະ ລັດຖະມົນຕີກະຊວງຍຸດຕິທຳລາວ ໄຊສີ ສັນຕິວົງ
ກ່າວຄຳເຫັນທີ່ການຕ້ອງຮັບ ທ່ານ ຫງວ໋ຽນ ຊົນຟຸກ ນາຍົກລັດຖະມົນຕີ ສສ ຫວຽດນາມ ສະແດງຄວາມຍິນດີຕ້ອນຮັບ ສະຫາຍ ໄຊສີ ສັນຕິວົງ ພ້ອມຄະນະ ພະນັກງານ ກະຊວງ ຍຸດຕິທຳ ລາວ ມາຢ້ຽມຢາມ ແລະ ເຮັດວຽກ ຢູ່ ຫວຽດນາມ; ທ່ານຍັງອວຍພອນປະຊາຊົນລາວ ອ້າຍນ້ອງ ໂອກາດວັນຊາດ ຂອງ ສປປ ລາວ ຄົບຮອບ 43 ປີ(2-12-1975 - 2-12-2018). ທ່ານນາຍົກລັດຖະມົນຕີ ດີໃຈທີ່ສາຍພົວພັນມິດຕະພາບອັນເກົ່າແກ່, ຄວາມສາມັກຄີພິເສດ, ຮ່ວມມືຮອບດ້ານ ຫວຽດນາມ-ລາວ ທີ່ຜ່ານມາຍັງຄົງສືບຕໍ່ໄດ້ຮັບການເພີ່ມທະວີ ພັດທະນາ ຢ່າງງົດງາມ, ມີປະສິທະຜົນ ແລະ ປະກົດຜົນເປັນຈິງ; ທ່ານນາຍົກ ຕີລາຄາສູງ ການມາຢ້ຽມຢາມ ແລະ ເຮັດວຽກ ກໍ່ຄືຜົນສຳເລັດຂອງ ການປຶກສາຫາລື ລະຫວ່າງ ກະຊວງ ຍຸດຕິທຳ ທັງສອງປະເທດ. ທ່ານນາຍົກລັດຖະມົນຕີ ຫງວ໋ຽນ ຊົນຟຸກ ກ່າວວ່າ: ການຮ່ວມມື ດ້ານຍຸດຕິທຳ ແມ່ນເນື້ອໃນທີ່ສຳຄັນທີ່ສຸດໃນສາຍພົວພັນຮ່ວມມືມິດຕະພາບ ຂອງສອງປະເທດເວົ້າລວມ.
ທ່ານ ໄຊສີ ສັນຕິວົງ ໄດ້ກ່າວວ່າ: ເປົ້າໝາຍຂອງການມາຢ້ຽມຢາມ ແລະ ເຮັດວຽກໃນຄັ້ງນີ້ກໍ່ແມ່ນເພື່ອເພີ່ມທະວີ ການຮ່ວມມືລະຫວ່າງ ສອງກະຊວງ; ທັງສອງກະຊວງໄດ້ມີການປຶກສາຫາລືດ້ວຍຄວາມສຳເລັດ, ສຸມໃສ່ວຽກງານການແລກປ່ຽນບົດຮຽນ ໃນຂົງເຂດຍຸດຕິທຳ ປີ 2018; ນອກນັ້ນ ກໍ່ໄດ້ເຫັນດີເປັນເອກກະພາບກັນໃນການຕີລາຄາປະເມີນຜົນການຈັດຕັ້ງປະຕິບັດ ວຽກງານຂອງສອງ ກະຊວງ, ເລື່ອນແຜນການໃນຫຼາຍເນື້ອໃນຂອງການຮ່ວມມືວາງອອກ.
ເຫັນດີເປັນເອກກະພາບກັບຄຳເຫັນຂອງ ສະຫາຍ ໄຊສີ ສັນຕິວົງ, ທ່ານນາຍົກລັດຖະມົນຕີ ຫງວ໋ຽນ ຊົນຟຸກ ໄດ້ເນັ້ນໜັກວ່າ: ບົນພື້ນຖານສາຍພົວພັນມິດຕະພາບພິເສດຂອງສອງປະເທດ, ຫວຽດນາມ ກຽມພ້ອມທີ່ຈະແບ່ງປັນກັບ ສປປ ລາວ ທັງບົດຮຽນທີ່ປະສົບຜົນສຳເລັດ ແລະ ອັນທີ່ຍັງຄົງຄ້າງ ໃນຂະບວນການ -ການພັດທະນາ; ທ່ານໃຫ້ຮູ້ວ່າ ກົມການເມືອງ ຫວຽດນາມ ໄດ້ຊີ້ນຳໃຫ້ທຸກໆກະຊວງ, ທະບວງ ແລະ ຂະແໜງການຂອງ ຫວຽດນາມ ຕ້ອງໄດ້ຊ່ວຍເຫຼືອ ບັນດາກະຊວງ, ທະບວງ ແລະ ຂະແໜງການຕ່າງຂອງ ສປປ ລາວ. ໃນນັ້ນການຮ່ວມມືໃນຂົງເຂດຍຸດຕິທຳ ສອງຝ່າຍ ຍາດໄດ້ຫຼາຍໝາກຜົນທີ່ດີ ແລະ ຈົບງາມ ເປັນແມ່ນການຮ່ວມມືກໍ່ສ້າງພະນັກງານໃຫ້ ກະຊວງຍຸດຕິທຳ ໃຫ້ແກ່ ສປປ ລາວ. ທ່ານນາຍົກລັດຖະມົນຕີຫວັງເປັນຢ່າງຍິ່ງວ່າ ທັງສອງກະຊວງ ຈະເພີ່ມທະວີຮ່ວມມືຢ່າງເລິກເຊິ່ງແລະກວ້າງຂວາງຂື້ນຕື່ມ, ໃນນັ້ນ ກະຊວງ ຍຸດຕິທຳ ຫວຽດນາມ ມີບົດຮຽນຫຼາຍດ້ານວຽກງານ ຍຸດຕິທຳ ທີ່ສາມາດຊ່ວຍເຫຼືອຢ່າງມີປະສິດທິຜົນໃຫ້ແກ່ ກະຊວງຍຸດຕິທຳ ລາວ.
ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ຊີ້ນຳ ກະຊວງຍຸດຕິທຳຫວຽດນາມ ຈົ່ງໃຫ້ການໜູນຊ່ວຍ ກະຊວງຍຸດຕິທຳລາວ ບໍ່ພຽງແຕ່ໃນຂັ້ນກະຊວງເທົ່ານັ້ນ, ຫາກຍັງຊ່ວຍເຫຼືອໃນຂັ້ນພະແນກຍຸຕິທຳຢູ່ທ້ອງຖິ່ນຕ່າງໆອີກດ້ວຍ. ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ສະເໜີ 2 ກະຊວງໃນໄລຍະທີ່ຂະມາເຖິງ, ຈົ່ງປະຕິບັດຂໍ້ຕົກລົງ ລະຫວ່າງ 2 ລັດຖະບານທີ່ກ່ຽວຂ້ອງເຖິງຂົງເຂດຍຸຕິທຳ, ຍູ້ໄວຄວາມຄືບໜ້າໃນການປະຕິບັດໂຄງການ ODA ໜູນຊ່ວຍສະຖາບັນແຫ່ງຊາດລາວ ໂດຍນຳໃຊ້ທຶນຊ່ວຍເຫຼືອຂອງລັດຖະບານຫວຽດນາມ; ປະຕິບັດຂໍ້ຕົກລົງຮ່ວມມືໄລຍະ 2015-2020 ທີ່ໄດ້ລົງນາມ.
ສ່ວນທ່ານລັດຖະມົນຕີກະຊວງຍຸດຕິທຳລາວ ໄຊສີ ສັນຕິວົງ ໄດ້ແຈ້ງໃຫ້ທ່ານ ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ຊາບກ່ຽວກັບຜົນສຳເລັດໃນການເຈລະຈາລະຫວ່າງ 2 ກະຊວງ ແລະ ຕິລາຄາສູງ ໂຄງການ ODA ຂອງຫວຽດນາມທີ່ໜູນຊ່ວຍ ກະຊວງຍຸດຕິທຳລາວໃນການບຳລຸງສ້າງພະນັກງານຂະແໜງຍຸຕິທຳ ແລະ ຢືນຢັນວ່າ , ໃນໄລຍະທີ່ຈະມາເຖິງ, 2 ກະຊວງຍຸດຕິທຳຂອງ 2 ປະເທດຈະສືບຕໍ່ຮ່ວມມື, ຊ່ວຍເຫຼືອກັນຢ່າງມີປະສີດທິຜົນ, ປະກອບສ່ວນເຂົ້າໃນການເສີມສ້າງສາຍພົວພັນມິດຕະພາບແບບພິເສດລະຫວ່າງລາວ-ຫວຽດນາມ.
（ຫັດທະບູນ）
