 |
ບັນຍາກາດການຕ້ອນຮັບ.
ກ່າວຕ້ອນຮັບທ່ານລັດຖະມົນຕີ ກະຊວງ ຍຸດຕິທຳ ລາວ ທ່ານ ອວງ ຈູລິວ ຕີລາຄາສູງ ການມາຢ້ຽມຢາມ ແລະ ເຮັດວຽກຂອງຄະນະ ເພື່ອເພີ່ມທະວີ ການຮ່ວມມື ລະຫວ່າງ ສອງກະຊວງ ຍຸດຕິທຳ ຂອງສອງປະເທດ. ເຊິ່ງທ່ານໄດ້ກ່າວຕອນໜຶ່ງວ່າ “ ພວກເຮົາ ມີຄວາມພາກພູມໃຈ ຕໍ່ກັບມູນເຊື້ອສາຍພົວພັນ, ສາມັກຄີ, ການຮ່ວມມືຮອບດ້ານາ, ຄວາມຊື່ສັດຈິງໃຈ ລະຫວ່າງ ສອງພັກ, ສອງລັດ ແລະ ປະຊາຊົນ ທັງສອງຊາດ ຫວຽດນາມ-ລາວ. ສະພາແຫ່ງຊາດ ຫວຽດນາມ ມີຄວາມດີໃຈຕໍ່ກັບໝາກຜົນ ກໍ່ຄືບັນດາຜົນສຳເລັດ ຮອບດ້ານ ຂອງ ສປປ ລາວ ບັນລຸໄດ້ໃນໄລຍະທີ່ຜ່ານມາ.”
ທ່ານ ອວງ ຈູລິວ ຍັງເຊື່ອໝັ້ນວ່າ ກະຊວງຍຸດຕິທຳ ຂອງສອງປະເທດຈະສືບຕໍ່ຮ່ວມມື, ຊ່ວຍເຫຼືອກັນແລະກັນ ບົນພື້ນຖານຈິດໃຈເພື່ອນມິດ, ອ້າຍນ້ອງ ຢ່າງແທ້ຈິງ, ເລິກເຊິ່ງ ແລະ ມີປະສິດທິຜົນ.
ຫຼັງຈາກນັ້ນ ທ່ານ ໄຊສີ ສັນຕິວົງ ລັດຖະມົນຕີ ກະຊວງຍຸດຕິທຳລາວ ໄດ້ສະແດງຄວາມຂອບໃຈນຳ ຮອງປະທານສະພາແຫ່ງຊາດ ຫວຽດນາມ ອວງ ຈູລິວ ທີ່ໄດ້ເສຍສະຫຼະເວລາໃຫ້ການຕ້ອນຮັບ ທ່ານ ພ້ອມຄະນະ. ຈາກນັ້ນທ່ານ ໄຊສີ ສັນຕິວົງ ກໍ່ໄດ້ລາຍງານສະພາບການຂອງການ ຮ່ວມມື ແລະ ບາງໝາກຜົນຂອງການເຄື່ອນໄຫວ ຂອງ ສະພາແຫ່ງຊາດລາວ, ທ່ານໄດ້ຂອບໃຈມາຍັງ ລັດຖະມົນຕີ ກະຊວງຍຸດຕິທຳ ຫວຽດນາມ ທີ່ໄດ້ຊ່ວຍເຫຼືອ ແກ່ ກະຊວງຍຸດຕິທຳ ລາວ, ພິເສດແມ່ນໃນການສົ່ງຄະນະພະນັກງານ ໄປຊ່ວຍລາວ ໃນວຽກງານການກະກຽມ ຮ່າງກົດໝາຍ. ໃນປີ 2018 ທັງສອງກະຊວງ ໄດ້ເຮັດສຳເລັດ 100% ເນື້ອໃນຂອງຂໍ້ຕົກລົງການຮ່ວມມື. ຫວຽດນາມ ໄດ້ມອບ ໂຄງການ ODA ໃນຂະແໜງຍຸດຕິທຳ ໃຫ້ລາວ ແລະ ນີ້ກໍ່ແມ່ນ ໂຄງການ ODA ທຳອິດ ທີ່ມອບໃຫ້ ກະຊວງ ຍຸດຕິທຳລາວ.
ບັນຫາສັນຊາດ, ສຳມະໂນຄົວ ຂອປະຊາຊົນ ລຽບຕາມແນວຊາຍແດນ ຍ້ອນການແຕ່ງງານບໍ່ໄດ້ຈົດທະບຽນ(ບໍ່ໄດ້ຮັບອະນຸຍາດ) ແ ລະ ອົບພະຍົບແບບເສລີ, ລັດຖະມົນຕີ ກະຊວງ ຍຸດຕິທຳ ລາວ ໄດ້ໃຫ້ຮູ້ວ່າ: ກະຊວງ ຍຸດຕິທຳ ໄດ້ປະສານສົມທົບຢ່າງຕັ້ງໜ້າ ກັບ ກະຊວງການຕ່າງປະເທດ ແລະ ກະຊວງ ຕຳຫຼວດ ລາວ ເພື່ອຂື້ນບັນຊີ ແລະ ແກ້ໄຂ ເປົ້າໝາຍຊາວຫວຽດນາມ ຮັບສັນຊາດລາວ ໄດ້ 400 ເປົ້າໝາຍ; ສ່ວນທາງ ຫວຽດນາມ ກໍ່ໄດ້ແກ້ໄຂ ໃຫ້ປະຊາຊົນລາວ ຮັບສັນຊາດ ຫວຽດນາມ ໄດ້ ຈຳນວນ 100 ເປົ້າໝາຍຄືກັນ.
ພ້ອມນີ້ທ່ານ ໄຊສີ ສັນຕິວົງ ກໍ່ໄດ້ຂອບໃຈມາຍັງ ບັນດາການປະກອບຄຳຄິດຄຳເຫັນຂອງ ທ່ານຮອງປະທານສະພາແຫ່ງຊາດຫວຽດນາມ ອວງ ຈູລິວ , ລັດຖະມົນຕີກະຊວງ ຍຸດຕິທຳ ລາວ ຢືນຢັນວ່າ: ຈະປະສານສົມທົບຢ່າງແໜ້ນແຟ້ນກັບ ຝ່າຍຫວຽດນາມ ເພື່ອຜັນຂະຫຍາຍ ຈັດຕັ້ງປະຕິບັດ , ບັນດາສັນຍາການຮ່ວມມື ລະຫວ່າງ ການນຳຂອງປະເທດ, ໃນນັ້ນມີການຊີ້ນຳຂອງຮອງປະທານສະພາແຫ່ງຊາດ ອວງ ຈູລິວ.
（ຫັດທະບູນ）
