 |
ທີ່ການຕ້ອນຮັບ.
ພິທີຕ້ອນຮັບຄະນະຜູ້ແທນຂັ້ນສູງອົງການພຸດ ທະສາສະໜາ ຫວຽດນາມ ແລະ ກຳປູເຈຍ ຢ່າງເປັນທາງ ການ ຈັດຂຶ້ນທີ່ໂຮງແຮມອ່າງຄຳ, ໂດຍມີພະອາຈານໃຫຍ່ ມະຫາງອນ ດຳລົງບຸນ ປະທານສູນກາງອົງການພຸດທະສາ ສະໜາສຳພັນລາວ, ທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວສ້າງຊາດ, ພ້ອມ ດ້ວຍພະ ສົງ ແລະ ຝ່າຍຄະລາວາດຈຳນວນໜຶ່ງເຂົ້າຮ່ວມ. ຄະນະຜູ້ແທນຂັ້ນສູງອົງການພຸດທະສາສະໜາແຫ່ງ ສສ ຫວຽດນາມ ນໍາໂດຍພະອາຈານໃຫຍ່ ທິກ ທຽນເຍີນ ປະທານສະພາບໍລິຫານງານສູນກາງ ອົງການພຸດທະສາສະ ໜາ ຫວຽດນາມ ແລະ ລາຊະອານາຈັກ ກຳປູເຈຍ ນຳໂດຍ ທ່ານ ຮິມເຊັ່ງ ລັດຖະມົນຕີ ຜູ້ອາວຸໂສ ກະຊວງ ທຳມະ ການ ແລະ ວັດທະນະທຳ ແລະ ພະອາຈານໃຫຍ່ ສົມເດັດ ເທບວົງ ພະສັງຄະລາດ ແຫ່ງ ລາຊະອານາຈັກ ກຳປູເຈຍ.
 |
 |
 |
 |
ພິທີຕ້ອນຮັບຄະນະຜູ້ແທນສາດສະໜາ ຈາກ ຫວຽດນາມ ແລະ ກຳປູເຈຍ.
ກອງປະຊຸມປະທານອົງການພຸດສາສະໜາ 3 ປະເທດ ກຳປູເຈຍ-ລາວ-ຫວຽດນາມ ທີ່ຈະຈັດຂຶ້ນຢູ່ ສປປ ລາວ ໃນຄັ້ງນີ້ ເປັນຄັ້ງທຳອິດ ໂດຍມີຈຸດປະສົງເພື່ອສືບຕໍ່ຮັດ ແໜ້ນສາຍໃຍຄວາມສຳພັນໃຫ້ດີຍິ່ງຂຶ້ນກວ່າເກົ່າ, ພ້ອມທັງເຮັດບົດບັນທຶກຊ່ວຍຈຳ ຮ່ວມມືດ້ານການຄຸ້ມ ຄອງ ພະສົງສາມະເນນ, ການສຶກສາສົງ, ການເຜີຍແຜ່ສິ ລະທຳຄຳສັ່ງສອນຂອງພຸດທະສາສະໜາ ການສ້າງວັດວາ ອາຮາມ ແລະ ການແລກປ່ຽນວັດທະນະທຳ ຮີດຄອງປະ ເພນີອັນດີງາມ ຂອງທັງສາມຊາດໃຫ້ເປັນຮູບປະທຳ, ໂດດ ເດັ່ນ ແລະ ແຜ່ກວ້າງອອກໄປຕະຫລອດກາລະ ອັນຍາວນານ.
