 |
ກອງປະຊຸມແລກປ່ຽນບົດຮຽນວຽກງານຂົນຂວາຍຂອງພັກຄອມມູນິດຫວຽດນາມ ແລະ ພັກປະຊາຊົນປະຕິວັດລາວ.
ສະຫາຍ ເຈືອງຖິ ມາຍ ກຳມະການກົມການເມືອງ ກຳມະການສູນກາງພັກ ຫົວໜ້າຄະນະກຳມະການຂົນຂວາຍສູນກາງ ແລະ ສະຫາຍ ໄຊສົມພອນ ພົມວິຫານ ກຳມະການກົມການເມືອງ ປະທານຄະນະກຳມະການສູນກາງ ແນວລາວສ້າງຊາດລາວ ໄດ້ຮ່ວມເປັນປະທານ ກອງປະຊຸມ ແລກປ່ຽນບົດຮຽນວຽກງານຂົນຂວາຍຂອງພັກຄອມມູນິດຫວຽດນາມ ແລະ ພັກປະຊາຊົນປະຕິວັດລາວ.
ກອງປະຊຸມມີຜູ້ແທນເຂົ້າຮ່ວມກວ່າ 100 ສະຫາຍ ມາຈາກ ອົງການ, ຫ້ອງການ ແລະ ແຂວງທີ່ມີຊາຍແດນຮ່ວມກັນຂອງສອງຊາດ ຈຳນວນ 20 ແຂວງ.
ທີ່ກອງປະຊຸມ ບັນດາຜູ້ແທນທີ່ເຂົ້າຮ່ວມໄດ້ສຸມໃສ່ການຕີລາຄາປະເມີນຜົນ ຜົນສຳເລັດທີ່ໄດ້ບັນລຸ ແລະ ບັນດາບົດຮຽນກ່ຽວກັບວຽກງານຂົນຂວາຍຂອງສອງພັກ-ສອງຊາດ ພິເສດແມ່ນວຽກງານຂົນຂວາຍປະຊາຊົນທຸກຊັ້ນຄົນ ຢູ່ບັນດາແຂວງລຽບຕາມຊາຍແດນຂອງສອງປະເທດ ປະກອບສ່ວນເຂົ້າໃນການສ້າງເຂດຊາຍແດນຫວຽດນາມ-ລາວ ມີສັນຕິພາບ ໝັ້ນຄົງ ຮ່ວມມື ແລະ ພັດທະນາແບບຍືນຍົງ.
ພ້ອມກັນນັ້ນທ່ານ ໄຊສົມພອນ ພົມວິຫານ ໄດ້ຕ່າງໜ້າໃຫ້ພັກ-ລັດ ສປປ ລາວ ປະດັບຫຼຽນໄຊ ອິດສະຫຼະ ຊັ້ນ ໜຶ່ງໃຫ້ແກ່ ສະຫາຍ ເຈີ່ນແທັງ ເໝິ໋ນ ກຳມະການສູນກາງພັກ ປະທານຄະນະກຳມະການ ແນວໂຮມຊາດຫວຽດນາມ; ປະດັບຫຼຽນໄຊ ອິດສະຫຼະ ຊັ້ນ ສອງ ແລະ ສາມ ໃຫ້ບັນດາສະຫາຍໃນຄະນຂົນຂວາຍສູນກາງ, ຄະນະ ກຳມະການ ພຸດທະສາດສະໜາລັດຖະບານ, ຄະນະກຳມະການຊົນເຜົ່າ ແລະ ຄະນະກຳມະການ ສູນກາງແນວໂຮມຊາດຫວຽດນາມ.
（ຫັດທະບູນ）
