 |
ທ່ານ ພົນໂທ ແສງນວນ ໄຊຍະລາດ ພົບປະກັບ ທ່ານເລຂາທິການໃຫຍ່ ຫງວ໋ຽນຟູ໋ຈ້ອງ. (ພາບ: ສຳນັກຂ່າວຫວຽດນາມ)
ທີ່ການຕ້ອນຮັບຄະນະສະພາແຫ່ງຊາດລາວ ທ່ານເລຂາທິການໃຫຍ່ ຫງວ໋ຽນຟູ໋ຈ້ອງ ສະແດງຄວາມຍິນດີ ຊົມເຊີຍ ແລະ ຕີລາຄາສູງຕໍ່ກັບການມາຢ້ຽມຢາມຂອງ ທ່ານຮອງປະທານສະພາແຫ່ງຊາດລາວ ແສງນວນ ໄຊຍະລາດ ແລະ ຄະນະຜູ້ແທນສະພາແຫ່ງຊາດລາວ; ທ່ານມີຄວາມພິຕິຊົມຊື່ນຕໍ່ກັບສາຍພົວພັນສາມັກຄີພິເສດ ຫວຽດນາມ-ລາວ ທີ່ນັບມື້ນັບພັດທະນາຢ່າງເລິກເຊິ່ງ, ແທ້ຈິງ ແລະ ມີປະສິດທິຜົນ ຂອງທຸກໆຂົງເຂດ ໃນນັ້ນມີການປະກອບຢ່າງຕັ້ງໜ້າ ແລະ ສຳຄັນຂອງສະພາແຫ່ງຊາດທັງສອງປະເທດ.
ສະຫາຍເລຂາທິການໃຫຍ່ ຫງວ໋ຽນຟູ໋ຈ້ອງ ຕີລາຄາສູງຕໍ່ໝາກຜົນຂອງການຮ່ວມມື ລະຫວ່າງ ສອງສະພາແຫ່ງຊາດ ໃນໄລຍະທີ່ຜ່ານມາ ແລະ ສະເໜີວ່າໃນອານາຄົດຕໍ່ໜ້າ ສະພາແຫ່ງຊາດທັງສອງປະເທດ, ກໍ່ຄືຄະນະກຳມາທິການສະພາແຫ່ງຊາດ ໃຫ້ເພີ່ມທະວີການຮ່ວມມືຕື່ມອີກ ໃນການແລກປ່ຽນຂໍ້ມູນຂ່າວສານ, ບົດຮຽນທາງດ້ານວິຊາສະເພາະ ໃນຂົງເຂດຍຸດຕິທຳ, ກວດກາ ແລະ ດຳລັດ ກ່ຽວກັບບັນຫາອັນສຳຄັນໃຫຍ່ຂອງປະເທດ; ເພີ່ມທະວີການກວດກາ, ຕິດຕາມ, ກວດສອບ, ຊຸກບູ້, ຊີ້ນຳ ບັນດາກະຊວງ, ຂະແໜງການ, ທ້ອງຖິ່ນໃນວຽກງານຈັດຕັ້ງປະຕິບັດບັນດາສັນຍາ ລະຫວ່າງການນຳຂັ້ນສູງຂອງສອງພັກ-ສອງລັດ, ສົນທິສັນຍາ ການຮ່ວມມື ລະຫວ່າງສອງ ລັດຖະບານ ແລະ ໂຄງການ-ການຮ່ວມມື ລະຫວ່າງ ສອງສະພາແຫ່ງຊາດ.
ຮອງປະທານສະພາແຫ່ງຊາດລາວ ໄດ້ຢັ້ງຢືນວ່າ ສະພາແຫ່ງຊາດລາວ ຈະປະສານສົມທົບຢ່າງແໜ້ນແຟ້ນກັບ ສະພາແຫ່ງຊາດຫວຽດນາມ ຈັດຕັ້ງປະຕິບັດຢ່າງມີປະສິດທິຜົນ ບັນດາສັນຍາ ລະຫວ່າງ ການນຳຂັ້ນສູງຂອງສອງພັກ-ສອງລັດ ແລະ ສັນຍາການຮ່ວມມືລະຫວ່າງ ສອງສະພາແຫ່ງຊາດ.
ເພີ່ມທະວີການຮ່ວມມື, ແບ່ງປັນບົດຮຽນ ລະຫວ່າງ ບັນດາຫ້ອງການຂອງສອງສະພາແຫ່ງຊາດ
ຕ່າງໜ້າສະພາແຫ່ງຊາດຫວຽດນາມ ທ່ານປະທານສະພາແຫ່ງຊາດ ຫງວ໋ຽນທິກີມເງິນ ສະແດງຄວາມຍິນດີຕ້ອນຮັບ ທ່ານ ພົນໂທ ແສງນວນ ໄຊຍະລາດ ຮອງປະທານສະພາແຫ່ງຊາດລາວ ແລະ ຄະນະຜູ້ແທນຂັ້ນສູງຂອງສະພາແຫ່ງຊາດລາວ ທີ່ໄດ້ມາຢ້ຽມຢາມຫວຽດນາມ ຢ່າງສຸດອົກສຸດໃຈ.
 |
ທ່ານ ພົນໂທ ແສງນວນ ໄຊຍະລາດ ພົບປະກັບ ທ່ານນາງ ຫງວ໋ຽນທິກີມເງິນ ປະທານສະພາແຫ່ງຊາດຫວຽດນາມ. (ພາບ: ສຳນັກຂ່າວຫວຽດນາມ)
ລາຍງານ ກ່ຽວກັບການພົບປະກັບ ທ່ານຮອງປະທານ ປະຈຳການສະພາແຫ່ງຊາດ ຕ່ອງທິຟ໋ອງ ທີ່ດຳເນີນໃນຕອນເຊົ້າ ວັນທີ 17 ກໍລະກົດ ທ່ານຮອງປະທານສະພາແຫ່ງຊາດລາວ ໄດ້ໃຫ້ຮູ້ວ່າ: ທັງສອງໄດ້ແລກປ່ຽນຫຼາຍເນື້ອໃນທີ່ມີຜົນປະໂຫຍດ; ລາຍງານຕໍ່ກັນບັນດາ ຜົນສຳເລັດຂອງກອງປະຊຸມສະພາແຫ່ງຊາດທີ່ຫາກໍ່ສຳເລັດລົງຂອງແຕ່ລະປະເທດ, ກໍ່ຄືສະພາບການ-ການຮ່ວມມື ລະຫວ່າງ ສອງສະພາແຫ່ງຊາດ ກັບ ສະຫະພັນສະພາສາກົນ ແລະ ຕໍ່ກັບສະພາປະເທດອື່ນໆ.
ບົນຈິດໃຈອັນກົງໄປກົງມາ ແລະ ເປີດເຜີຍ ທັງສອງໄດ້ແລກປ່ຽນຫຼາຍບັນຫາທີ່ທັງສອງມີຄວາມສົນໃຈຮ່ວມກັນ.
ທ່ານປະທານສະພາແຫ່ງຊາດຫວຽດນາມ ຫງວ໋ຽນທິກີມເງິນ ໄດ້ເນັ້ນໜັກ ຜົນສຳເລັດການພົບປະລະຫວ່າງ ຄະນະຜູ້ແທນຂັ້ນສູງ ສະພາແຫ່ງຊາດທັງສອງປະເທດ ແມ່ນມີຄວາມແທດເໝາະກັບຕົວຈິງ ແລະ ມີປະສິດທິຜົນ.
ບັນດາເນື້ອໃນທີ່ທັງສອງແລກປ່ຽນແມ່ນ ບັນດາບັນຫາອັນສຳຄັນໃນການພົວພັນຂອງສອງປະເທດ, ສອດຄ່ອງກັບ ສິດຜົນປະໂຫຍດລວມຂອງສອງພັກ, ສອງລັດ ແລະ ປະຊາຊົນທັງສອງປະເທດ, ປະກອບສ່ວນເຂົ້າໃນການຮັບປະກັນ ແລະ ເພີ່ມທະວີສາຍພົວພັນມິດຕະພາບອັນເກົ່າແກ່ຍາວນານ, ສາມັກຄີພິເສດ ແລະ ຮ່ວມມືຮອບດ້ານຫວຽດນາມ-ລາວ. ກ່ຽວກັນການຮ່ວມມື ລະຫວ່າງ ສອງສະພາແຫ່ງຊາດ ສ້າງເງື່ອນໄຂສະດວກຂື້ນອີກເພື່ອໃຫ້ ສະພາແຫ່ງຊາດທັງສອງປະເທດ ຈັດຕັ້ງປະຕິບັດຢ່າງຄ່ອງແຄ້ວບັນຂໍ້ຜູກພັນ ແລະ ສັນຍາ ທີ່ໄດ້ຮັບການເຊັນກັນລະຫວ່າງການນຳຂັ້ນສູງ ໂດຍຜ່ານວຽກງານການປະສານສົມທົບກັນຈັດງຕັ້ງປະຕິບັດ, ກວດກາ , ຕິດຕາມຂະບວນການ-ການຈັດຕັ້ງປະຕິບັດບັນສັນຍາທີ່ໄດ້ເຊັນຜ່ານມາ; ອຳນວຍຄວາມສະດວກທາງດ້ານກົດໝາຍ, ນະໂຍບາຍ ປະກອບສ່ວນເຂົ້າໃນການນຳພາການຮ່ວມມືຂອງສອງປະເທດ ນັບມື້ນັບມີປະສິດທິຜົນ ປະກົດຜົນເປັນຈິງ.
ທັງສືບຕໍ່ເພີ່ມທະວີການຮ່ວມມື ແບ່ງປັນບົດຮຽນ ລະຫວ່າງ ທັງສອງສະພາແຫ່ງຊາດ ໂດຍສະເພາະແມ່ນໃນວຽກງານການກໍ່ສ້າງກົນໄກລັດ, ລະບົບກົດໝາຍ ແລະ ຕິດຕາມກວດກາ ການຈັດຕັ້ງປະຕິບັດຕາມລະບຽບກົດໝາຍ.
ປະທານສະພາແຫ່ງຊາດ ສະແດງຄວາມຍິນດີຕໍ່ກັບການເຄື່ອນໄຫວຮ່ວມມື ແລກປ່ຽນບົດຮຽນຂອງວຽກງານ ສະພາປະຊາຊົນ ລະຫວ່າງ ນະຄອນໂຮ່ຈີ໋ມິງ ກັບບັນດາທ້ອງຖິ່ນຂອງລາວ ໃນໄລຍະທີ່ຜ່ານມາ ໄດ້ປະສົບຜົນສຳເລັດຕົວຈິງ; ພ້ອມກັນນັ້ນຍັງໄຫ້ຮູ້ຕື່ມອີກວ່າ ພ້ອມທີ່ຈະເຊື່ອມຕໍ່ລະຫວ່າງ ທ້ອງຖິ່ນຂອງຫວຽດນາມ ກັບລາວ ເພື່ອໃຫ້ທັງສອງຝ່າຍສາມາດ ຮ່ວມມື ແລກປ່ຽນບົດຮຽນໃນວຽກງານສະພາປະຊາຊົນ, ປະກອບສ່ວນເຂົ້າໃນການພັດທະນາຂອງແຕ່ລະທ້ອງຖິ່ນກໍ່ຄືການພົວພັນລະຫວ່າງສອງປະເທດ.
ປະທານສະພາແຫ່ງຊາດໄດ້ເນັ້ນໜັກວ່າ ໃນອານາຄົດຕໍ່ໜ້າ ສະພາແຫ່ງຊາດ, ລັດຖະບານຫວຽດນາມ ຈະສືບຕໍ່ພົວພັນປະສານສົມທົບຢ່າງແໜ້ນແຟ້ນກັບ ສະພາແຫ່ງຊາດ, ລັດຖະບານລາວ ເພື່ອຊຸກຍູ້ວຽກງານ ໂຄງການ ກໍ່ສ້າງ ສຳນັກງານສະພາແຫ່ງຊາດ ໃຫ້ໄປຕາມແຜນງານ, ຮັບປະກັນຄຸນນະພາບ, ສົມກັບວ່າເປັນສັນຍາລັກຂອງມິດຕະພາບ ແລະ ສາມັກຄີພິເສດ ຫວຽດນາມ-ລາວ.
（ຫັດທະບູນ）
