ຕ່າງໜ້າການນຳກະຊວງປ້ອງກັນປະເທດ, ທ່ານພົນໂທ ເລຈຽມ ຍິນດີຕ້ອງຮັບ ທ່ານພັນເອກ ກັນທອງ ສຸກເລືອງຄຳ ຮ່ວມກັບຄະນະ ຢ້ຽມຢາມ ແລະ ເຮັດວຽກ ຢູ່ ຫວຽດນາມ.
 |
ທ່ານພົນໂທ ເລຈຽມ ຕ້ອນຮັບທ່ານພັນເອກ ກັນທອງ ສຸກເລືອງຄຳ. (ພາບ: qdnd.vn)
ທ່ານພົນໂທ ເລຈຽມ ເນັ້ນໜັກໃນໄລຍະທີ່ຜ່ານມາ, ການຮ່ວມມືລະຫວ່າງ ກະຊວງປ້ອງກັນປະເທດ ສອງຊາດ ນັບມື້ນັບມີຄວາມເລິກເຊິ່ງ, ເປັນຈິງ ແລະ ປະສິດທິຜົນ ໃນທຸກໆຂົງເຂດ, ເພື່ອກ້າວໄປສູ່ຫຼາຍເປົ້າໝາຍຕົ້ນຕໍແກນຫຼັກທີ່ສອງຝ່າຍໄດ້ກຳນົດໄວ້; ປະກອບສ່ວນເຂົ້າໃນການເສີມຂະຫຍາຍ ແລະ ຮັດແໜ້ນ ຄວາມເຊື່ອໝັ້ນ, ຮ່ວມມືຮອບດ້ານ ລະຫວ່າງ ສອງພັກ, ສອງລັດ, ປະຊາຊົນ ແລະ ທະຫານຂອງສອງປະເທດ; ສະກັດກັ້ນ, ຕ້ານແຜນມ້າງເພທຳລາຍ ຂອງສັດຕູ ເພື່ອແບ່ງແຍກ ສາຍພົວພັນມິດຕະພາບພິເສດຫວຽດ-ລາວ.
 |
ທ່ານພົນໂທ ເລຈຽມ ແລະທ່ານພັນເອກ ກັນທອງ ສຸກເລືອງຄຳ ຖ່າຍຮູບເປັນທີ່ລະນຶກພ້ອມກັບບັນດາຜູ້ແທນ. (ພາບ: ສໍານັກຂ່າວສານຫວຽດນາມ)
ການນຳກະຊວງປ້ອງກັນປະເທດ ຫວຽດນາມ ຈະສ້າງເງື່ອນໄຂສະດວກ ທັງສອງອົງການເພີ່ມທະວີການຮ່ວມມື ເຮັດໃຫ້ເລິກເຊິ່ງກວ່າເກົ່າ ສາຍພົວພັນມິດຕະພາບ ລະຫວ່າງ ກະຊວງປ້ອງກັນປະເທດ.
ທ່ານພັນເອກ ກັນທອງ ສຸກເລືອງຄຳ ສະແດງຄວາມຂອບອົກຂອບໃຈ ການນຳຂອງກະຊວງປ້ອງກັນປະເທດຫວຽດນາມ ໄດ້ໃຫ້ການຕ້ອນຮັບ ແລະ ລາຍງານຜົນສຳເລັດຂອງການຈັດຕັ້ງປະຕິບັດໜ້າທີ່ວຽກງານ ກັບກົມກົດໝາຍ-ກະຊວງປ້ອງກັນປະເທດຫວຽດນາມ
ເນື່ອງຈາກຫາກໍ່ສ້າງຕັ້ງ ດັ່ງນັ້ນນີ້ແມ່ນຄັ້ງທຳອິດ ທີ່ກົມກົດໝາຍ-ກະຊວງການຕ່າງປະເທດລາວ ຢ້ຽມຢາມ ແລະ ເຮັດວຽກ ກັບ ກົມກົດໝາຍ-ກະຊວງການຕ່າງປະເທດຫວຽດນາມ.
ກົມກົດໝາຍ-ກະຊວງປ້ອງກັນປະເທດ ຫວຽດນາມ ໄດ້ແບ່ງປັນ ໃຫ້ແກ່ຄະນະຂອງລາວ ຫຼາຍບົດຮຽນອັນມີຄ່າ ກ່ຽວກັບວຽກງານວິຊາສະເພາະ; ຫວັງວ່າໃນຕໍ່ໜ້າດ້ວຍຄວາມເອົາໃຈໃສ່ຂອງ ກະຊວງປ້ອງກັນປະເທດຫວຽດນາມ, ກົມກົດໝາຍ-ກະຊວງປ້ອງກັນປະເທດ ຫວຽດນາມ ຈະສືບຕໍ່ແລກປ່ຽນຕາມກຳນົດການ, ຊ່ວຍກົມກົດໝາຍ-ກະຊວງປ້ອງກັນປະເທດ ລາວ ບຳລຸສ້າງ, ກໍ່ສ້າງພະນັກງານບຸກຄະລາກອນ, ພະນັກງານກົດໝາຍມີຄວາມຮູ້ພຽງພໍ, ເຮັດສຳເລັດໜ້າທີ່-ທີ່ມອບໝາຍໃຫ້.
（ຫັດທະບູນ）
