 |
ອັດຖິ ຈຳນວນ 25 ອັດຖິຈະຖືກນຳສົ່ງມອບກັບຫວຽດນາມ.
ອີງຕາມຂໍ້ມູນທີ່ໄດ້ຮັບຈາກ ກອງຄົ້ນຫາ ຜູ່ເສຍສະຫຼະຊີວິດເພື່ອຊາດ ທະຫານເຂດ 2 ສະໜອງໃຫ້, ຈັດຕັ້ງປະຕິບັດໜ້າທີ່ ແຕ່ວັນທີ 1 ມັງກອນ 2018 ຫາມິຖຸນາ 2018. ກອງຄົ້ນຫາ ຜູ່ເສຍສະຫຼະຊີວິດເພື່ອຊາດ, ກົມການເມືອງ ທະຫານເຂດ 2 ໄດ້ຈັດຕັ້ງກອງກໍາລັງ ໄປຊອກຫາ ຢູ່ໃນ 6 ແຂວງພາກເຫນືອ ປະເທດລາວ ແລະ ໄດ້ຄົ້ນພົບ ແລະ ຂຸດຄົ້ນຂື້ນມາໄດ້ 25 ອັດຖິ ນັກຮົບນິລະນາມ ຜູ່ເສຍສະຫຼະຊີວິດເພື່ອຊາດ.
ອັດຖິຈຳນວນ 25 ອັດຖິຖືກຄົ້ນພົບ ຢູ່ທີ່ຖ້ຳຕ່າງໆຂອງເຂດເມືອງປາກອູ, ແຂວງ ຫຼວງພະບາງ ແລະ ເມືອງ ເມືອງງາ, ແຂວງອຸດົມໄຊ ພາກເໜືອລາວ.
 |
ການຊອກຫາ ແລະ ຂຸດຄົ້ນ ອັດທິດຂອງທະຫານທີ່ເສຍຊີວິດໃນປາງສົງຄາມ.
ທ່ານພັນໂທ ຫງວ໋ຽນເຖຢາງ, ຜູ່ຮັບຜິດຊອບການເມືອງ ກອງຄົ້ນຫາ ທະຫານຜູ່ເສຍສະຫຼະຊີວິດເພື່ອຊາດ-ທະຫານເຂດ 2 ໃຫ້ຮູ້ວ່າ: ຕາມຂໍ້ມູນຈາກປະຊາຊົນທ້ອງຖິ່ນເວົ້າວ່ານີ້ແມ່ນບັນດາຖ້ຳທີ່ ທະຫານ ຫວຽດນາມ ເຄີຍເປັນບ່ອນຕໍ່ສູ້. ໂດຍຜ່ານສະຖານນີວິດທະຍຸກະຈາຍສຽງຫວຽດນາມ, ຫວັງວ່າເມື່ອຮັບຊາບຂ່າວສານນີ້, ນັກຮົບເກົ່າຫວຽດນາມ ແລະ ທະຫານຊ່ຽວຊານ ທີ່ເຄີຍຕໍ່ສູ້ຢູ່ລາວເວົ້າລວມ ແລະ ຢູ່ແຂວງຫຼວງພະບາງ, ແຂວງອຸດົມໄຊ ເວົ້າສະເພາະ, ໃຫ້ສົ່ງຂໍ້ມູນ ກັບມາກົມກອງເພື່ອທຽບຄຽງ ແລະ ໃສ່ຊື່ໃຫ້ນັກຮົບນິລະນາມ.
ຕາມແຜນໃນວັນທີ 14 ມິຖຸນາ, ເຈົ້າຫນ້າທີ່ຂັ້ນສູງຂອງກອງບັນຊາການໃຫຍ່ ທະຫານເຂດ 2 ພ້ອມກັບ ຄະນະຮັບຜິດຊອບພິເສດ ຂອງລັດຖະບານ, ຄະນະຮັບຜິດຊອບພິເສດ 6 ແຂວງພາກເຫນືອ ສາທາລະນະລັດ ປະຊາທິປະໄຕ ປະຊາຊົນລາວ ແລະ ກອງກຳລັງຄົ້ນຫາ ອັດຖິວິລະຊົນ, ກົມການເມືອງທະຫານເຂດ 2 ຈະຈັດຕັ້ງພິທີຈັດສົ່ງ, ມອບຮັບ ອັດຖິຈຳນວນ 25 ອັດຖິ ທະຫານວິລະຊົນກັບຄືນຫວຽດນາມ.
（ຫັດທະບູນ）
