 |
ຮອງປະທານປະຈຳສະພາແຫ່ງຊາດ ຕ່ອງທິຟ໋ອງ ຕ້ອນຮັບ ຮອງປະທານສະພາແຫ່ງຊາດ ສປປ ລາວ ທ່ານ ສົມພັນ ແພງຄຳມີ. (ພາບ: ສຳນັກງານຫວຽດນນາມ).
ຊົມເຊີຍບັນດາຜົນສໍາເລັດຂອງປະເທດຊາດ ແລະ ປະຊາຊົນລາວທີ່ຍາດມາໄດ້ໃນໄລຍະຜ່ານມາ,ຮອງປະທານສະພາແຫ່ງຊາດ ທ່ານນາງ ຕ່ອງທິຟ໋ອງ ຢືນຢັນສະພາແຫ່ງຊາດ ຫວຽດນາມ ຈະເຮັດຢ່າງສຸດຄວາມສາດມາດຂອງຕົນ ຮ່ວມກັບ ສະພາແຫ່ງຊາດລາວ ເພື່ອເພີ່ມທະວີການແລກປ່ຽນຂໍ້ມູນແລະ ບົດຮຽນກໍ່ຄືປະສົບການໃນຂົງເຂດນິຕິບັນຍັດ, ກໍ່ຄືການຈັດຕັ້ງປະຕິບັດ ຂອບເຂດສິດ ໃນການຕິດຕາມກວດກາ ແລະ ການຕັດສິນບັນຫາໃຫຍ່ຂອງປະເທດໃຜລາວ, ການປະສານສົມທົບ ຕິດຕາມກວດກາ ແລະ ຊຸກຍູ້ໃຫ້ລັດຖະບານຂອງສອງປະເທດຈັດຕັ້ງປະຕິບັດບັນດາໂຄງການການຮ່ວມມື ທີ່ຜູ້ນໍາຂັ້ນສູງຂອງສອງພັກ, ສອງລັດໄດ້ລົງນາມ ໃຫ້ໄດ້ດີ ແລະ ມີປະສິດທິດຜົນ...
ຂໍຂອບໃຈມາຍັງ ທ່ານຮອງປະທານສະພາແຫ່ງຊາດສະພາແຫ່ງຊາດ ຕ່ອງທິຟ໋ອງ ທີ່ໄດ້ສະຫຼະເວລາອັນມີຄ່າ ໃຫ້ການຕ້ອນຮັບຄະນະຜູ້ແທນສະມາຊິກສະພາແຫ່ງຊາດລາວ, ທ່ານ ສົມພັນ ແພງຄຳມີ ໄດ້ແຈ້ງການກ່ຽວກັບຜົນສໍາເລັດໃນການມາເຄື່ອນໄຫວຢ້ຽມຢາມ ແລະ ເຮັດວຽກກັບ ຄະນະຜູ້ແທນສະພາແຫ່ງຊາດ ແລະ ຄະນະກໍາມະການປະຈໍາສະພາປະຊາຊົນ ເມືອງ ຮ້າຍຟ່ອງ, ໃນນັ້ນມີເນື້ອໃນກ່ຽວກັບການແລກປ່ຽນປະສົບການກ່ຽວກັບຫົວຂໍ້ "ຍົກລະດັບ ຄວາມຮູ້ ຄວາມສາມາດໃນການຈັດຕັ້ງປະຕິບັດວຽກງານຂອງອົງການ - ການເລືອກຕັ້ງປະຊາຊົນທ້ອງຖິ່ນ" ແລະ ເຮັດວຽກຮ່ວມກັບ ຄະນະຮັບຜິດຊອບຜູ້ແທນ ຂອງກໍາມະການ ປະຈຳສະພາແຫ່ງຊາດຫວຽດນາມ.
ສະແດງຄວາມຍິນດີ ກ່ຽວກັບການພັດທະນາອັນດີ, ຜົນສຳເລັດຂອງຄວາມສາມັກຄີພິເສດ ແລະ ການຮ່ວມມືຢ່າງກວ້າງຂວາງລະຫວ່າງ ລາວ - ຫວຽດນາມ ຢ່າງຮອບດ້ານ, ທ່ານຮອງປະທານສະພາແຫ່ງຊາດລາວ ມີຄວາມມຸ້ງມາດປາດຖະໜາສືບຕໍ່ ເພີ່ມທະວີການພົວພັນຮ່ວມມືມິດຕະພາບລະຫວ່າງ ສອງສະພາແຫ່ງຊາດ ລາວ - ຫວຽດນາມ.
ພາຍຫຼັງການຕ້ອນຮັບ, ທ່ານຮອງປະທານສະພາແຫ່ງຊາດ ສປປ ລາວ ທ່ານ ສົມພັນ ແພງຄຳມີ ແລະ ຄະນະຜູ້ແທນສະພາແຫ່ງຊາດລາວ ໄດ້ເຮັດວຽກກັບ ຄະນະຜູ້ຮັບຜິດຊອບ ກ່ຽວກັບຫົວຂໍ້ " ວິທີການທາບທາມ ແລະ ການລົງຄະແນນສຽງໄວ້ວາງໃຈ, ກ່ຽວກັບພະນັກງານ ທີ່ຂື້ນກັບ ສະພາແຫ່ງຊາດ ແລະ ສະພາປະຊາຊົນຂັ້ນແຂວງເລືອກຕັ້ງ ແລະ ອະນຸມັດ.
（ຫັດທະບູນ）
