 |
ສະຫາຍ ເລຂາທິການໃຫຍ່ ຫງວ໋ຽນຟູ໋ຈ້ອງ ໃຫ້ກຽດຕ້ອນຮັບ ສະຫາຍ ຈັນສີ ໂພສີຄຳ ກຳມະການກົມການເມືອງ, ກຳມະການສູນກາງພັກ, ປະທານຈັດຕັ້ງສູນກາງພັກ ປະຊາຊົນປະຕິວັດລາວ. (ພາບ: ສຳນັກຂ່າວຫວຽດນາມ).
ໃນການຕ້ອນຮັບ, ສະຫາຍ ຈັນສີ ໂພສີຄຳ ໄດ້ລາຍງານ ຕໍ່ທ່ານ ເລຂາທິການໃຫຍ່ ກ່ຽວກັບສະພາບການຂອງ ສປປ ລາວ ໃນໄລຍະທີ່ຜ່ານມາ ຮອດປະຈຸບັນ. ພ້ອມກັນນັ້ນຍັງລາຍງານໃຫ້ທ່ານ ເລຂາທິການໃຫຍ່ ກ່ຽວກັບຜົນສຳເລັດຂອງການປືກສາຫາລືກັນ ລະຫວ່າງ ຄະນະຈັດຕັ້ງສູນກາງພັກ ຂອງທັງສອງປະເທດ; ຢືນຢັນວ່າ ຄະນະຈັດຕັ້ງສູນການພັກ ປະຕິວັດລາວ ຈະປະສານສົມທັບ ຢ່າງແໜ້ນແຟ້ນ ກັບ ຄະນຈັດຕັ້ງສູນກາງພັກກອມມູນິດຫວຽດນາມ ຈັດຕັ້ງປະຕິບັດ ຂໍ້ຜູກພັນສັນຍາ ຂອງການນຳລະດັບສູງ ຂອງສອງພັກ ໃຫ້ປະສົບຜົນສຳເລັດ ເປັນຢ່າງດີ ແລະ ຂໍ້ຜູກພັນສັນຍາ ລະຫວ່າງ ຄະນະຈັດຕັ້ງສູນກາງພັກໃນນັ້ນ ເພີ່ມທະວີ ແລກປ່ຽນ ຂໍ້ມູນຂ່າວສານ, ບົດຮຽນກ່ຽວກັບວຽກງານກໍ່ສ້າງພັກ, ພິເສດແມ່ນ ວຽກງານການ ສຶກສາ, ອົບຮົມ ພະນັກງານ, ຈັດຕັ້ງກໍ່ສ້າງລະບົບກົນໄກ ລັດ , ປະກອບສ່ວນ ຈັດຕັ້ງປະຕິບັດອັນມີໄຊ ຂອງ ມະຕິຄຳສັ່ງຂອງກອງປະຊຸມໃຫຍ່ ສູນກາງພັກ ຂອງແຕ່ລະປະເທດ.
ທ່ານ ເລຂາທິການໃຫຍ່ ຫງວ໋ຽນຟູ໋ຈ້ອງ ຕີລາຄາສູງຜົນສຳເລັດ ຂອງການປຶກສາຫາລື ກໍ່ຄືຜົນສຳເລັດຂອງການຮ່ວມມື ຂອງຄະນະຈັດຕັ້ງສູນກາງພັກ ຂອງສອງພັກ, ຕິລາຄາສູງ ບັນດາການປະກອບສ່ວນຢ່າງຕັ້ງໜ້າຂອງ ສອງຄະນະຈັດຕັ້ງ ໃນການຈັດຕັ້ງປະຕິບັດ ມະຕິຄຳສັ່ງ ຂອງສູນກາງພັກ ຂອງ ປະເທດໃຜລາວ; ຢືນຢັນຄວາມສໍາຄັນ, ບົດບາດໜ້າທີ່ມີຄວາມໝາຍໃນການຕັດສິນໃຈວຽກງານຈັດຕັ້ງ ແລະ ພະນັກງານ ໃນໄຊຊະນະ ກໍ່ຄືຜົນສຳເລັດ ຂອງການປະຕິວັດຂອງແຕ່ລະປະເທດ ໃນສະພາບການປ່ຽນແປງໃໝ່; ສະເໝີມາຍັງ ຄະນະຈັດຕັ້ງສູນກາງສືບຕໍ່ປະສານສົມທົບ ອັນແໜ້ນແຟ້ນ,ເພີ່ມທະວີການແລກປ່ຽນຂໍ້ມູນຂ່າວສານ, ບົດຮຽນໃນການກໍ່ສ້າງພັກ, ກໍ່ສ້າງ ລະບົບການເມືອງ, ສືກສາອົບຮົມ ພະນັກງານຂື້ນສູງ,…
ໃນມື້ດຽວກັນນັ້ນ, ຄະນະຜູ່ແທນອັນດັບສູງ ຂອງຄະນະຈັດຕັ້ງສູນກາງພັກ ກອມມູນິດຫວຽດນາມ ນຳໂດຍສະຫາຍ ຟ້າມມິງຈິ໋ງ, ກຳມະການກົມການເມືອງ, ກຳມະການສູນກາງພັກ, ປະທານຈັດຕັ້ງສູນກາງພັກ ໄດ້ປືກສາຫາລື ກັບ ຄະນະຜູ່ແທນ ຂອງຄະນະຈັດຕັ້ງສູນກາງພັກ ປະຊາຊົນປະຕິວັດລາວ ເຊິ່ງນຳໂດຍ ສະຫາຍ ຈັນສີ ໂພສີຄຳ,ກຳມະການກົມການເມືອງ, ກຳມະການສູນກາງພັກ, ປະທານຈັດຕັ້ງສູນກາງພັກ ປະຊາຊົນປະຕິວັດລາວ.
ໃນກອງປະຊຸມປືກສາຫາລືຄັ້ງນີ້, ດັ່ງຮູ້ນຳກັນ ໃນບັນຍາກາດແຫ່ງສາຍສຳພັນມິດຕະພາບ ແລະ ຄວາມເຊື່ອໝັ້ນ ເຊິ່ງກັນແລະກັນ, ທັງສອງໄດ້ລາຍງານສູ່ກັນຝັງກ່ຽວສະພາບການ ກ່ຽວກັບ ວຽກງານພັກ ຂອງແຕ່ລະປະເທດ, ແລກປ່ຽນຢ່າງກົງໄປກົງມາ, ຊື່ສັດຕໍ່ບັນດາຜົນສຳເລັດຂອງການຮ່ວມມື ຂອງສອງຄະນະຈັດຕັ້ງສູນກາງພັກ ຂອງສອງພັກ ທີ່ປະຕິບັດໄດ້ໃນໄລຍະຜ່ານມາ; ເນື້ອໃນ, ແບບແຜນໃນການເພີ່ມທະວີ ແລະ ຍົກສູງ ປະສິດທິຜົນຂອງການຮ່ວມມື ຂອງ ສອງ ຄະນະຈັດຕັ້ງສູນກາງ ໃນອານາຄົດ; ລົງເລິກ ໃນການແລກປ່ຽນ ບົດຮຽນ ໃນວຽກງານກໍ່ສ້າງພັກ ພິເສດກໍ່ຄື ວຽກງານຈັດຕັ້ງ ແລະ ພະນັກງານ.
ໃນໄລຍະການຢ້ຽມຢາມ ສສ ຫວຽດນາມ, ຄະນະ ຈະໄປຢ້ຽມຢາມ, ເຮັດວຽກ, ແລກປ່ຽນປະສົບການ ກັບຜູ່ນຳຂັ້ນແຂວງ-ແຂວງຖ໋າຍຫງວຽນ ກ່ຽວກັບວຽກງານການກໍ່ສ້າງພັກ ຢູ່ທ້ອງຖິ່ນ; ຢ້ຽມຢາມ ໂຄງການຕົ້ນແບບ ຂອງ ກໍ່ສ້າງຊົນນະບົດໃຫມ່ ແລະ ເຂດອະນຸລັກ ເຂດປອດໄພ ຂອງ ແຂວງ ຖ໋າຍຫງວຽນ.
（ຫັດທະບູນ）
