 |
ລັດຖະມົນຕີກະຊວງປ້ອງກັນປະເທດ, ສປປລາວ - ທ່ານພົນເອກໂງຊວນລິກໄດ້ໄປຢ້ຽມຢາມນັກທຸລະກິດຮຸ່ງເພັດຢູ່ນະຄອນຫຼວງວຽງຈັນ.(ພາບ:baothanhhoa.vn)
ນັກຮົບເກົ່າ - ນັກທຸລະກິດ ເລ ວັນ ຮຶງ ເກີດປີ 1960 ຢູ່ ບ້ານ ຟູ໋ລົກ (ເຮົ້້າລົກ). ປີ 1978, ເພິ່ນໄດ້ເປັນທະຫານພັນທະ ຢູ່ກອງພັນນ້ອຍ 339, ທະຫານເຂດ 9, ໄປກຳປູເຈຍຊ່ວຍ ຕໍ່ສູ້ ກັບ ພອນພົດ, ຊ່ວຍໃຫ້ປະຊາຊົນກຳປູເຈຍ ພົ້ນຈາກການຂ້າລ້າງເຜົ່າພັນ. ໃນໄລຍະເຂົ້າຮ່ວມການຕໍ່ສູ້, ທ່ານ ເລ ວັນ ຮຶງ ໄດ້ຮັບບາດເຈັບຫຼາຍຄັ້ງ, ຈັດອັນດັບຂອງການເສຍອົງຄະ ແມ່ນ 2/4.
ບໍ່ພຽງແຕ່ເປັນຜູ້ທີ່ມີຄວາມອົດທົນຜ່ານຜ່າຄວາມຫຍຸ້ງຍາກ ສ້າງຮັ່ງຄູນມີ, ນັກຮົບເກົ່າ - ນັກທຸລະກິດ ເລ ວັນ ຮຶງ ຍັງເປັນຜູ້ມີນຳໃຈເອື້ອອາທອນແບ່ງປັນໃຫ້ແກ່ ຜູ້ໂຊກຮ້າຍອີກດ້ວຍ. ທ່ານ ເລ ວັນ ຮຶງໄດ້ໃຊ້ທືນສ່ວນຕົວຫຼາຍຮ້ອຍລ້ານດົ່ງເພື່ອຊ່ວຍເຫຼືອບັນດາຄອບຄົວນະໂຍບາຍ, ທຸກຍາກ ແລະ ດ້ອຍໂອກາດຂອງແຂວງຫົວພັນ; ມອບເຮືອນເອື້ອອາທອນ, ມອບທຶນການສຶກສາໃຫ້ນັກຮຽນ ຢູ່ ເມືອງຊຳເໜືອ, ເມືອງວັງໄຊ ແລະ ເຂດອ້ອມແອ້ມ… ໃນໂອກາດເປີດສົກຮຽນໃໝ່ ຫຼື ວັນສຳຄັນຕ່າງໆຂອງຊາດ, ປີໃໝ່ລາວ.
ດ້ວຍການປະກອບສ່ວນອັນຕັ້ງໜ້າ, ອັນດີຫຼາຍຢ່າງຢູ່ ສປປ ລາວ, ນັກທຸລະກິດ ເລ ວັນ ຮຶງ ຍາມໃດກໍ່ໄດ້ຮັບຄວາມຮັກ ແລະ ຄວາມແພງ ຈາກການນຳທຸກຂັ້ນ ແລະ ປະຊາຊົນທ້ອງຖິ່ນໃນແຂວງຫົວພັນ. ທ່ານໄດ້ເປັນກຽດ ຮັບຫຼຽນໄຊມິດຕະພາບຈາກ ສາທາລະນະລັດ ປະຊາທິປະໄຕ ປະຊາຊົນ ລາວ ແລະ ຫຼຽນໄຊແຮງງານຊັ້ນໜຶ່ງ; ໃບຍ້ອງຍໍຈາກລັດຖະບານແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ຄະນະກຳມະການອຳນາດການປົກຄອງ ແຂວງຫົວພັນ ແລະ ຄະນະກຳມະການປະຊາຊົນແຂວງແທັງຫວ໋າ.
（ຫັດທະບູນ）
