ກະຊວງກະສິກໍາ 3 ປະເທດ: ມຽນມາ, ມາເລເຊຍ ແລະ ລາວໄດ້ໄປຢ້ຽມຢາມ ແລະ ເຮັດວຽກກັບກຸ່ມບໍລິສັດ VINASEED ຫວຽດນາມ.

11:08 | 15/07/2019

ຍສໝ - ເມື່ອມໍ່ໆມານີ້, ທີ່ສູນການຄົ້ນຄວ້ານໍາໃຊ້ ແລະ ການສົ່ງມອບເຕັກໂນໂລຢີ ຂ໋ວາຍ ເຈົ່າ (ຮືງ ອຽນ), ກຸ່ມບໍລິສັດ VINASEED ມີຄວາມຍິນດີໄດ້ຕ້ອນຮັບຄະນະຜູ້ນໍາຂອງກະຊວງກະສິກໍາ 3 ປະເທດ: ມຽນມາ, ມາເລເຊຍ, ລາວ ທີ່ມາຢ້ຽມຢາມ ແລະ ເຮັດວຽກເພື່ອແລກປ່ຽນປະສົບການໃນການກໍ່ສ້າງ ແລະ ພັດທະນາລະບົບປົກປ້ອງພັນຕົ້ນໄມ້ເພື່ອກະກຽມພ້ອມເຂົ້າຮ່ວມສົນທິສັນຍາ UPOV ຂອງບັນດາປະເທດເຫຼົ່ານີ້.

ໃນກອງປະຊຸມ, ຄະນະຜູ້ແທນ 3 ປະເທດ ໄດ້ຮັບຟັງລາຍງານການແນະນໍາກ່ຽວກັບກຸ່ມ VINASEED ຫວຽດນາມ; ຜະລິດຕະພັນລິຂະສິດ ໄດ້ລົງທະບຽນສໍາລັບການປົກປ້ອງພັນຕົ້ນໄມ້ ໂດຍຮັບຮອງເອົາລະບົບປ້ອງກັນພັນພືດໃນປະເທດຫວຽດນາມ; ແບ່ງປັນບັນດາບົດຮຽນ ແລະ ຜົນປະໂຫຍດຈາກການປົກປ້ອງແນວພັນພືດຕົ້ນໄມ້ ຫຼັງຈາກຫວຽດນາມເຂົ້າຮ່ວມສົນທິສັນຍາ UPOV.

ກະຊວງກະສິກໍາ 3 ປະເທດ: ມຽນມາ, ມາເລເຊຍ ແລະ ລາວໄດ້ໄປຢ້ຽມຢາມ ແລະ ເຮັດວຽກກັບກຸ່ມບໍລິສັດ VINASEED ຫວຽດນາມ.

ຄະນະຜູ້ແທນ 3 ປະເທດ ເຮັດວຽກກັບກຸ່ມບໍລິສັດ VINASEED ຫວຽດນາມ. (ພາບ: danviet.vn)

ໂດຍສະເພາະ, ກອງປະຊຸມ VINASEED ໄດ້ແບ່ງປັນກັບຜູ້ແທນກ່ຽວກັບບົດຮຽນໃນການສ້າງຮູບແບບການຜະລິດ ໂດຍການນໍາໃຊ້ຜະລິດຕະພັນໄດ້ທີ່ປົກປ້ອງມີຄຸນນະພາບສູງ, ການຝຶກອົບຮົມເພື່ອສົ່ງເສີມຄວາມກ້າວຫນ້າທາງດ້ານວິທະຍາສາດ ແລະ ເຕັກໂນໂລຢີເພື່ອຊ່ວຍຊາວກະສິກອນ ໄດ້ປະຢັດຄ່າໃຊ້ຈ່າຍ, ປັບປຸງການຜະລິດ ແລະ ຍົກສູງລາຍຮັບ.

ທ່ານ ວັນທຽງ ພົມມາສຸລິນ ຮອງຫົວໜ້າກົມການຄຸ້ມຄອງກະເສດສາດ, ກະຊວງກະສິກໍາ ແລະ ປ່າໄມ້ ຕີລາຄາສູງຕໍ່ບັນດາກິດຈະກໍາການຄົ້ນຄວ້າຂອງ VINASEED. ກຸ່ມບໍລິສັດໄດ້ສ້າງຜະລິດຕະພັນທີ່ມີປະສິດທິພາບ, ຄຸນນະພາບສູງ, ການກຳຈັດແມງໄມ້ທີ່ດີ ແລະ ໂດຍສະເພາະແມ່ນຜະລິດຕະພັນກະສິກໍາຫລັງການເກັບກ່ຽວ ໄດ້ຮັບປະກັນຄຸນນະພາບເພື່ອບໍລິໂພກພາຍໃນ ແລະ ການສົ່ງອອກ.

(ຄຳຮຸ່ງ)

ທ່ານອາດຈະມັກ

ເຫດການ