 |
ອັດຕະປື-ອານຢາງ ແລກປ່ຽນບົດຮຽນວຽກງານອຸດສະຫະກຳ ແລະ ການຄ້າ.(ພາບ:ຂປລ)
ໃນກອງປະຊຸມ ສອງຝ່າຍຕ່າງ ກໍໄດ້ລາຍງານສະພາບການພັດທະນາເສດຖະກິດ-ສັງຄົມແຂວງຂອງຕົນໃຫ້ກັນຊາບພ້ອມທັງໄດ້ແລກປ່ຽນບົດຮຽນໃນຂົງເຂດອຸດສະຫະກໍາ ແລະ ການຄ້າ ນໍາກັນ. ຈາກນັ້ນກໍໄດ້ເຊັນບົດບັນທຶກຄວາມເຂົ້າໃຈກ່ຽວກັບການຮ່ວມມືພັດທະນາ ວຽກງານອຸດສະຫະກຳ ແລະ ການຄ້າ ແນ່ໃສ່ເສີມຂະຫຍາຍຄວາມອາດສາມາດ, ທ່າແຮງຂອງສອງຝ່າຍ, ສະໜັບສະໜູນຊ່ວຍເຫລືອເຊິ່ງກັນ ແລະ ກັນ ພ້ອມກັນພັດທະນາດ້ານອຸດສະຫະກຳ ແລະ ການຄ້າ, ສົ່ງເສີມພັດທະນາເສດຖະກິດ-ສັງຄົມ, ຕອບສະໜອງຄວາມຕ້ອງການໃນການຮ່ວມມືພັດທະນາ ແລະ ເຊື່ອມໂຍງ ເສດຖະກິດສາກົນ, ສອງຝ່າຍເຫັນດີເພີ່ມທະວີສ້າງສາຍພົວພັນຮ່ວມມືນໍາກັນເພື່ອຄວາມຢູ່ດີກິນດີຂອງປະຊາຊົນທັງສອງຊາດ ລາວ-ຫວຽດນາມ ກໍຄື ປະຊາຊົນສອງແຂວງ ອັດຕະປື ແລະ ອານຢາງ ໃຫ້ນັບມືດີຂື້ນເປັນກ້າວ.
（ແຫຼ່ງຂໍ້ມູນ： ຂປລ）
