 |
ການນໍາແຂວງເງ້ະອານ ມອບຂອງຂວັນເປັນທີ່ລະນຶກໃຫ້ແກ່ຄະນະຜູ້ແທນຊາວໜຸ່ມ ຫວຽດນາມ-ລາວ. (ພາບ: baonghean.vn)
ທີ່ການພົບປະ, ຕາງໜ້າການນໍາແຂວງເງ້ະອານ, ທ່ານ ເລຫງອກຮວາ, ຮອງປະທານຄະນະກໍາມະການປະຊາຊົນແຂວງເງ້ະອານ ໄດ້ໃຫ້ຮູ້ວ່າ: ໄວໜຸ່ມສອງປະເທດ ຫວຽດນາມ-ລາວ ເວົ້າລວມ ແລະ ຊາວໜຸ່ມແຂວງເງ້ະອານ ກັບຊາວໜຸ່ມບັນດາແຂວງຕິດກັບຊາຍແດນແມ່ນຊຽງຂວາງ, ຫົວພັນ ແລະ ບໍລິຄໍາໄຊ ເວົ້າສະເພາະໃນໄລຍະຜ່ານມາ ຍາມໃດກໍ່ເສີມຂະຫຍາຍຈິດໃຈສາມັກຄີ, ສະໜິດຕິດພັນ, ສັດຊື່ບໍລິສຸດ, ຈັດຕັ້ງຫຼາຍກິດຈະກຳ, ໂຄງການລົງນາມ, ຮ່ວມມື, ພົບປະແລກປ່ຽນມິດຕະພາບຢ່າງແທດຈິງ ແລະ ມີຄວາມໝາຍທີ່ສຸດ. ທ່ານຫວັງວ່າໃນການປະຕິບັດງານຄັ້ງນີ້ກໍ່ຄືໃນໄລຍະຈະມາເຖິງ, ການນໍາສູນກາງຊາວໜຸ່ມສອງປະເທດສືບຕໍ່ສ້າງເງື່ອນໄຂ ເພື່ອພັດທະນາບັນດາຮູບແບບແລກປ່ຽນ, ຮ່ວມມືລະຫວ່າງໄວໜຸ່ມສອງຝ່າຍ.
ທີ່ການພົບປະ, ທ່ານ ອາລຸນໄຊ ສູນນະລາດ ຕາງໜ້າຄະນະຜູ້ແທນຂັ້ນສູງສູນກາງຊາວໜຸ່ມປະຊາຊົນປະຕິວັດລາວ ໄດ້ສະແດງຄວາມຂອບອົກຂອບໃຈໃນການຕ້ອນຮັບຢ່າງອົບອຸ່ນ, ສົມກຽດ ເຊິ່ງແຂວງເງ້ະອານໄດ້ສະຫງວນໃຫ້ຄະນະ, ພ້ອມທັງກໍ່ໄດ້ເນັ້ນໜັກວ່າ: ເຫດການພົບປະແລກປ່ຽນຊາວໜຸ່ມມິດຕະພາບ ຫວຽດນາມ-ລາວ ປີ 2019 ທີ່ຈັດຕັ້ງຢູ່ແຂວງເງ້ະອານກົງກັບໂອກາດສະເຫຼີມສະຫຼອງ 129 ປີແຫ່ງວັນຄ້າຍວັນເກີດປະທານໂຮ່ຈີ໋ມິງແມ່ນມີຄວາມໝາຍສໍາຄັນພິເສດ.
（ໄຊພອນ）
