 |
ທ່ານນາງ ຫວໍ ຖິ ຢຸງ ຕ້ອນຮັບ ທ່ານ ອາລຸນໄຊ ສູນນະລາດ. (ພາບ: TTXVN)
ທີ່ການຕ້ອນຮັບ, ທ່ານນາງ ຫວໍ ຖິ ຢຸງ ໄດ້ຢັ້ງຢືນວ່າຈະສ້າງເງື່ອນໄຂສະດວກທີ່ສຸດ ເພື່ອເພີ່ມທະວີບັນດາໂຄງການຮ່ວມມື ລະຫວ່າງ ຊາວໜຸ່ມນະຄອນໂຮ່ຈີ໋ມິງ ແລະ ຊາວໜຸ່ມປະເທດລາວ, ປະກອບສ່ວນປັບປຸງ, ພັດທະນາສາຍພົວພັນທີ່ເປັນມູນເຊື້ອແບບພິເສດ ຫວຽດນາມ-ລາວ. ໃນອານາຄົດ, ສອງຝ່າຍ ຕ້ອງຍົກສູງປະສິດທິຜົນການເຄື່ອນໄຫວການສຶກສາມູນເຊື້ອຂອງການປະຕິວັດ, ການຮ່ວມມືຜັນຂະຫຍາຍການເຄື່ອນໄຫວຂອງຊາວໜຸ່ມອາສາສະໝັກ ແລະ ບັນດາໂຄງການຮ່ວມມື ລະຫວ່າງ ໄວໜຸ່ມສອງຝ່າຍ ໃຫ້ຫຼາຍຂື້ນກວ່າເກົ່າ.
 |
ບັນຍາກາດທີ່ການຕ້ອນຮັບ. (ພາບ: TTXVN)
ທີ່ການຕ້ອນຮັບ, ທ່ານ ອາລຸນໄຊ ສູນນະລາດ ໄດ້ສະແດງຄວາມຂອບອົກຂອບໃຈການນໍາພັກ, ລັດ, ປະຊາຊົນຫວຽດນາມ ແລະ ນະຄອນໂຮ່ຈີ໋ມິງ ທີ່ເອົາໃຈໃສ່, ສະໜັບສະໜູນລາວ ໃນຫຼາຍຂົງເຂດ, ໃນນັ້ນມີການຜັນຂະຫຍາຍ ຄະນະອາສາສະໝັກ ຢູ່ ທ້ອງຖິ່ນ ສປປ ລາວ, ນໍາມາເຊິ່ງປະສິດທິຜົນຢ່າງແທດຈິງ. ຄະນະຊາວໜຸ່ມລາວ-ຫວຽດນາມ ກຳລັງສືບທອດບັນດາໝາກຜົນກໍ່ຄືຜົນງານຂອງພາລະກິດປະຕິວັດສອງປະເທດ.
ນອກຈາກນນັ້ນ, ທ່ານ ອາລຸນໄຊ ສູນນະລາດ ກໍ່ໄດ້ເນັ້ນໜັກວ່າ: ໃນຕໍ່ໜ້ານີ້ ຕ້ອງໄດ້ສືບຕໍ່ຍົກສູງປະສິດທິຜົນຂອງການເຄື່ອນໄຫວຝຶກຝົນຫຼໍ່ຫຼອມ ແລະ ການຮ່ວມມື ເພື່ອປົກປັກຮັກສາ ໝາກຜົນຂອງການປະຕິວັດ ສອງປະເທດ ກໍ່ຄືສາຍພົວພັນທີ່ເປັນມູນເຊື້ອແບບພິເສດ, ການຮ່ວມມືຮອບດ້ານ ລະຫວ່າງ ລາວ ແລະ ຫວຽດນາມ.
（ໄຊພອນ）
