ຫວຽດນາມ-ລາວ ຍູ້ແຮງການຮ່ວມມືລະຫວ່າງສະມາຄົມນັກຂ່າວສອງປະເທດ

ຫວຽດນາມ-ລາວ ຍູ້ແຮງການຮ່ວມມືລະຫວ່າງສະມາຄົມນັກຂ່າວສອງປະເທດ. ພາບ: nhandan.com.vn

ຊຸດຝຶກອົບຮົມໄດ້ຮັບການຈັດຕັ້ງເພື່ອແນໃສ່ຜັນຂະຫຍາຍເນື້ອໃນແຜນການຮ່ວມມືລະຫວ່າງສະມາຄົມນັກຂ່າວຫວຽດນາມ ແລະ ສະມາຄົມນັກຂ່າວລາວ ປີ 2019. ກ່າວຄໍາເຫັນທີ່ພິທີປິດຊຸດຝຶກອົບຮົມ, ທ່ານ ວິໄລທອງ ສີຊານົນ ຫົວໜ້າສະຖາບັນສື່ມວນຊົນ, ວັດທະນະທຳ ແລະ ທ່ອງທ່ຽວ, ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວລາວ ໄດ້ຕີລາຄາສູງກ່ຽວກັບສະມາຄົມນັກຂ່າວຫວຽດນາມ ຈັດສົ່ງນັກຊ່ຽວຊານ, ຄູອາຈານ ມາຊ່ວຍລາວບໍາລຸງຄວາມຮູ້ດ້ານວິຊາການດ້ານທັກສະເຮັດຂ່າວທີ່ທັນສະໄໝ, ໂດຍສະເພາະແມ່ນການນໍາໃຊ້ໂທລະສັບສະຫຼາດ ຈະໜູນຊ່ວຍບັນດານັກຂ່າວລາວ ໃນການປະຕິບັດໜ້າທີ່ທີ່ໄດ້ຮັບມອບໝາຍ.

ຜ່ານຊຸດຝຶກອົບຮົມວິຊາການສື່ມວນຊົນ, ບັນດານັກຂ່າວລາວ ໄດ້ຮຽນທິດສະດີ ແລະ ປະຕິບັດຕົວຈິງ. ບາງເນື້ອໃນພື້ນຖານໃນຊຸດຝຶກອົບຮົມເປັນຕົ້ນຄື: ທັກສະຖ່າຍທຳຮູບເງົາ, ຖ່າຍຮູບ, ບັນນາທິການໃນໂທລະສັບສະຫຼາດ... ໄດ້ຮັບການຈັດຕັ້ງຕາມຮູບການທັງຮຽນ, ທັງແລກປ່ຽນໂດຍກົງລະຫວ່າງຄູອາຈານ ກັບນັກສໍາມະນາກອນ.

（ໄຊພອນ）