 |
ບັນດານ້ອງນັກຮຽນລາວ ແລະ ຄູອາຈານຂອງໂຮງຮຽນມິດຕະພາບ T78
ໃນຕອນເຊົ້າຂອງວັນທີ 3 ເມສາ, ສະມາຄົມມິດຕະພາບຫວຽດນາມ - ລາວ ນະຄອນຮ່າໂນ້ຍ ແລະ ໂຮງຮຽນມິດຕະພາບ T78 ໄດ້ຈັດກອງປະຊຸມສະຫຼຸບວຽກງານເຄື່ອນໄຫວໃນປີ 2018 ຂອງສະມາຄົມ ແລະ ໄລຍະເວລາ 5 ປີ ຂອງລາຍການສົ່ງນັກສຶກສາລາວໄປທັດສະນະສຶກສາທີ່ເຮືອນພໍ່ແມ່ປະຊາຊົນ.
ປີ 2018, ການນໍາຂັ້ນສູງຂອງສອງປະເທດໄດ້ແລກປ່ຽນການຢ້ຽມຢາມເຊິ່ງກັນ ແລະ ກັນ ແລະ ເຂົ້າຮ່ວມບັນດາກິດຈະກໍາສະເຫຼີມສະຫຼອງຕ່າງໆຢູ່ແຕ່ລະປະເທດ, ຜ່ານນັ້ນກໍ່ໄດ້ສະແດງໃຫ້ເຫັນການພົວພັນມິດຕະພາບອັນເປັນມູນເຊື້ອ, ຄວາມສາມັກຄີອັນພິເສດ ແລະ ການຮ່ວມມືຮອບດ້ານລະຫວ່າງຫວຽດນາມ ແລະ ລາວ.
ລາຍການສົ່ງນັກສຶກສາລາວໄປທັດສະນະສຶກສາທີ່ເຮືອນພໍ່ແມ່ປະຊາຊົນ ໂດຍໂຮງຮຽນມິດຕະພາບ T78 ເລີ່ມຈັດຕັ້ງປະຕິບັດຕັ້ງແຕ່ສົກຮຽນ 2014 – 2015 ເປັນຕົ້ນມາ, ເຊິ່ງໄດ້ຮັບການເຂົ້າຮ່ວມຢ່າງຕັ້ງໜ້າຂອງນັກສຶກສາລາວ ແລະ ພໍ່ແມ່ປະຊາຊົນທ້ອງຖິ່ນ.
 |
ທ່ານ ຫງວຽນ ຫງອກ ຫວຽດ, ປະທານສະມາຄົມມິດຕະພາບຫວຽດນາມ - ລາວ ນະຄອນຮ່າໂນ້ຍ
ກ່ຽວກັບລາຍການສົ່ງນັກສຶກສາລາວໄປທັດສະນະສຶກສາທີ່ເຮືອນພໍ່ແມ່ປະຊາຊົນ, ທ່ານ ຫງວຽນ ຫງອກ ຫວຽດ, ປະທານສະມາຄົມມິດຕະພາບຫວຽດນາມ - ລາວ ນະຄອນຮ່າໂນ້ຍ ໄດ້ໃຫ້ຮູ້ວ່າ: ຜ່ານລາຍການນີ້ກໍ່ຈະຊ່ວຍໃຫ້ພວກເຮົາໃນການປົກປັກຮັກສາ ແລະ ເພີ່ມພູນຄູນສ້າງການພົວພັນມິດຕະພາບອັນເປັນພິເສດລະຫວ່າງ ຫວຽດນາມ - ລາວ.
ນີ້ແມ່ນຮູບແບບໜຶ່ງເຊິ່ງຍົກສູງຄຸນນະພາບດ້ານການຮຽນພາສາຫວຽດນາມໃຫ້ແກ່ນັກສຶກສາລາວຂອງໂຮງຮຽນມິດຕະພາບ T78.
（ໄຊພອນ）
