 |
ພິທີເຊັນບົດບັນທຶກຊ່ວຍຈຳດັ່ງກ່າວ, ລະຫວ່າງ ພະອາຈານໃຫຍ່ ມະຫາງອນ ດຳລົງບຸນ ປະ ທານອົງການ ພຸດທະສາສະໜາສຳພັນລາວ ແລະ ພະອາຈານໃຫຍ່ ທິກ ຖ້ຽນ ເຍີນ ປະທານອົງການ ພຸດທະສາສະໜາ ແຫ່ງ ສສ ຫວຽດນາມ.(ພາບ: ສະຫວາດ)
ພິທີເຊັນບົດບັນທຶກຊ່ວຍຈຳດັ່ງກ່າວ, ລະຫວ່າງ ພະອາຈານໃຫຍ່ ມະຫາງອນ ດຳລົງບຸນ ປະ ທານອົງການ ພຸດທະສາສະໜາສຳພັນລາວ ແລະ ພະອາຈານໃຫຍ່ ທິກ ຖ້ຽນ ເຍີນ ປະທານອົງການ ພຸດທະສາສະໜາ ແຫ່ງ ສສ ຫວຽດນາມ.ທັງສອງຝ່າຍໄດ້ເຫັນດີເປັນເອກະພາບນຳກັນ ຄື: ອົງການພຸດທະສາສະໜາສຳພັນລາວ ແລະ ອົງການພຸດທະສາສະໜາແຫ່ງ ສສ ຫວຽດນາມ ຈະດຳເນີນການແລກປ່ຽນ ຄະນະຜູ້ຂັ້ນສູງ ແລະ ຄະນະຜູ້ແທນຂັ້ນວິຊາການຕ່າງໆ ນຳກັນທັງສູນກາງ ແລະ ທ້ອງຖິ່ນ ຢ້ຽມຢາມສັນທະວະໄມຕີ, ທັດສະນະສຶກສາ ແລກປ່ຽນບົດຮຽນເຊິ່ງກັນ ແລະ ກັນ; ປະສານງານ, ຈັດຕັ້ງກອງປະຊຸມສຳມະນາ ດ້ານພຸດທະສາສະໜາ ແລະ ຈັດງານວາງສະແດງ ວັດທະນະທຳ ທີ່ກ່ຽວຂ້ອງກັບພຸດທະສາສະໜາ ຂອງສອງປະເທດ; ແລກປ່ຽນນັກ ສຶກສາສົງ ເພື່ອໄປຮຽນຕໍ່ທີ່ມະຫາວິທະຍາໄລ, ສະຖາບັນການສຶກສາສົງ ແລະ ໂຮງຮຽນຊັ້ນສູງສົງ ຢູ່ສອງປະເທດ; ພ້ອມທັງສະໜອງ ແລະ ແລກ ປ່ຽນ ເອກະສານ, ສິ່ງພິມ, ວາລະສານຕ່າງໆ ເພື່ອອຳນວຍຄວາມສະດວກ ໃນການຄົ້ນຄວ້າຮ່ຳຮຽນ ໃຫ້ແກ່ພິຂຸ-ສາມະເນນ ຂອງສອງປະເທດ.
 |
ບັນດາຄະນະຜູ້ແທນອົງການ ພຸດທະສາສະໜາ ລາວ-ຫວຽດນາມ ຖ່າຍພາບເປັນທີ່ລະນືກ.(ພາບ:ສະຫວາດ)
ນອກຈາກນີ້, ອົງການພຸດທະສາສະໜາ ທັງສອງປະເທດ ຈະອອກແຮງໂຄສະນາ ປຸກລະດົມຂົນຂວາຍ ພຸດທະສານິກະຊົນ ເພື່ອປະກອບສ່ວນເຂົ້າໃນ ການຮັກສາສັນຕິພາບ, ຄວາມໝັ້ນຄົງ ແລະ ຄວາມສົມບູນພູນສຸກ ເພື່ອຜົນປະໂຫຍດລວມ ຂອງສອງປະເທດ ກໍຄື ຂອງປະຊາຊາດ ຢູ່ພາກພື້ນ ແລະ ສາກົນ;ແລະ ການພົວພັນຮ່ວມມືກັນ ແມ່ນໃຊ້ຫລັກການລວມ ຂອງການພົວພັນ ລະຫວ່າງ ປະເທດເປັນຫລັກ, ໃຊ້ກົນໄກປະສານງານຜ່ານ ຄະນະປະສານງານ ລາວ-ຫວຽດນາມ, ກຳປູເຈຍ-ລາວ ຢູ່ຂັ້ນສູນກາງ ແລະ ທ້ອງຖິ່ນນຳກັນ.
（ແຫຼ່ງຂໍ້ມູນ： ມະນີທອນ/ຂປລ）
