 |
ການສິດສອນຂອງບັນດາສາວຄູ ແລະ ລູກຫຼານນັກຮຽນອະນຸບານ ຫຼາກຮົ່ງ ຢູ ແຂວງ ສະຫວັນນະເຂດ. (ພາບ:dantri.com.vn)
“ທູດ” ອາສາສະໝັກ
ປະຕິບັດຕາມສັນຍາ - ການຮ່ວມມື ລະຫວ່າງ ອຳນາດການປົກຄອງ ແຂວງກວ້າງຈິ, ພະແນກ ສຶກສາ-ກໍ່ສ້າງ ແລະ ສະມາຄົມ ຄົນຫວຽດນາມ ຢູ່ສະຫວັນນະເຂດ(ສປປ ລາວ) , ແຕ່ລະປີຂະແໜງສຶກສາ ຕ້ອງໄດ້ສົ່ງ ຄູອາຈານມາຍັງແຂວງສະຫັວນນະເຂດ ສິດສອນ ໃຫ້ລູກຫຼານ ຄົນລາວເຊື້ອສາຍຫວຽດນາມ ຢູ່ ລາວ. ການເຄື່ອນໄຫວດັ່ງກ່າວນີ້ ປະຕິບັດມາໄດ້ 10ປີແລ້ວ, ເຊິ່ງໄດ້ປະກອບສ່ວນເຂົ້າໃນການຍົກສູງຄວາມສາມາດດ້ານພາສາຫວຽດ ໃຫ້ແກ່ນ້ອງນັກຮຽນໄດ້ເປັນຢ່າງດີ.
ພາຍຫຼັງການຄັດເລືອກຢູ່ບັນດາທ້ອງຖິ່ນແລ້ວ ຫ້ອງການສຶກສາປະຈຳແຂວງຈະແນະນຳ-ນຳສົ່ງ, ບັນດາຄູອາຈານ ຕ້ອງໄດ້ຜ່ານການຄັດເລືອກອີກເທື່ອໜຶ່ງຈາກ ພະແນກ ສຶກສາ ແລະ ກໍ່ສ້າງແຂວງ. ການສົ່ງຄູອາຈານຂ້າງເທິງແມ່ນອີງຕາມຄວາມຮຽກຮ້ອງຕ້ອງການ ແລະ ຈຳນວນ ແມ່ນຂື້ນກັບ ສະມາຄົມຄົນຫວຽດນາມ ຢູ່ລາວເປັນຜູ້ຂື້ນແຜນ.
ອີງໃສເປົ້າໝາຍດັ່ງກ່າວ ຂະແໜງ ສຶກສາ-ກໍ່ສ້າງ ຈັດຕັ້ງປະຕິບັດໃນການສຳພາດ, ຄົ້ນຄວ້າ ແລະ ຄັດເລືອກ ຄູອາຈານທີ່ສາມາດຕອບສະໜອງໄດ້ຕາມຄວາມຮຽກຮ້ອງຕ້ອງການ ດ້ານວິຊາສະເພາະ ເພື່ອຈັດບູລິມະສິດ ສົ່ງມາລາວ ສິດສອນ, ກໍ່ຄືການປະຕິບັດພາລະກິດຢູ່ ລາວ.
ຕາມທີ່ການນຳຂອງ ພະແນກສຶກສາ-ກໍ່ສ້າງ ແຂວງກ້ວາງຈິແລ້ວ, ບັນດາຄູອຮຈານ ທີ່ສົ່ງມາ ລາວ ນອກຈາກຈະຕ້ອງມີລະດັບວິຊາສະເພາະດີແລ້ວ, ຍັງຕ້ອງໄດ້ມີຄວາມສາມາດໃນການສື່ສານ ກໍ່ຄືມະນຸດສຳພັນດີ ເພື່ອຮັບປະກັນຄວາມເຊື່ອໝັ້ນ ແລະ ໄວ້ວາງໃຈ ຈາກຝ່າຍ ລາວ.
ເພື່ອສະດວກໃນການຊອກຮູ້ກ່ຽວກັບການເຄື່ອນໄຫວ ສິດສອນ ຢູ່ ລາວ, ປອ ເລ ຖິເຮືອງ - ຫົວໜ້າພະແນກ ສຶກສາ-ກໍ່ສ້າງ ແຂວງກວ້າງຈິ ໄດ້ຕິດຕໍ່ແລະ ແນະນຳ ໃຫ້ພວກຂ້າພະເຈົ້າກັບ ສະມາຄົມຄົນຫວຽດນາມ ຢູ່ ແຂວງ ສະຫວັນນະເຂດ ໂດຍກົງໃຫ້, ເຊິ່ງເປັນສະຖານທີ່-ທີ່ມີຄົນຫວຽດນາມເປັນຈຳນວນຫຼວງຫຼາຍດຳລົງຊີວິດຢູ່.
ຕ້ອນຮັບພວກຂ້າພະເຈົ້າ ໂດຍທ່ານ ເຈິ່ນສາຍ - ຮອງຫົວໜ້າສະມາຄົມຄົນຫວຽດ ຢູ່ ແຂວງ ສະຫວັນນະເຂດ ໄດ້ເລົ່າສູ່ຝັງວ່າ: ຢູ່ແຂວງສະຫວັນນະເຂດ ແມ່ນມີຄອບຄົວຄົນລາວເຊື້ອສາຍຫວຽດນາມຢູ່ ປະມານ 750 ຄອບຄົວ, ຫຼືປະມານ 4.000 ຄົນ. ຮຽນພາສາຫວຽດ ນັ້ນແມ່ນສິ່ງທີ່ຈຳເປັນ ຮີບດ່ວນສຳລັບຜູ້ປົກຄອງ ຢູ່ທີ່ນີ້.
ທ່ານ ເຈີ່ນສາຍ ຍັງໄດ້ແບ່ງປັນກ່ຽວກັບການສິດສອນພາສາຫວຽດ ໃຫ້ລູກຫຼານນ້ອງນັກຮຽນເຊື້ອສາຍຫວຽດນາມ ຢູ່ ສະຫວັນນະເຂດ ປະຈຸບັນແມ່ນມີ ຢູ່ 4 ແຫ່ງ ເຊິ່ງປະກອບມີ: ໂຮງຮຽນ ອະນຸບານ ຫລາກຮົ່ງ, ໂຮງຮຽນປະຖົມ ເອກກະພາບ, ໂຮງຮຽນມິດຕະພາບ ລາວ-ຫວຽດ ແລະ ໂຮງຮຽນ ຫງວ໋ຽນຈ໋າຍ ຢູ່ ເຊໂນ.
ນອກຈາກນີ້ ກໍ່ຍັງມີໂຮງຮຽນ ເອກກະຊົນອີກຄື: ໂຮງຮຽນ ປະຖົມ ຮວ່າງ ແອັງ (ມີອະນຸບານ ແລະ ປະຖົມ) ແຕ່ລະໂຮງຮຽນມີນັກຮຽນຢູ່ ປະມານ 900 ຄົນ.
ຊື່ໂຮງຮຽນຕ່າງໆ ໄດ້ຮັບການຕັ້ງຊື່ ເປັນພາສາຫວຽດ ເພື່ອລະນຶກເຖິງ ບ້ານເກີດເມືອງນອນ ແລະ ມູນເຊື້ອຂອງບັນພະບູລຸດ.
 |
ໂຮງຮຽນ ອະນຸບານ ມີຊື່ເປັນພາສາຫວຽດວ່າ: ຫລາກຮົ່ງ ຮັບໃຊ້ລູກຫຼານຄົນຫວຽດນາມ ແລະ ຄົນລາວ.(ພາບ:dantri.com.vn)
ທ່ານ ເຈິ່ນ ສາຍ ໄດ້ໃຫ້ຮູ້ຕື່ມອີກວ່າ: ນັກຮຽນທີ່ຮຽນຢູ່ໃນໂຮງຮຽນແຫ່ງນີ້ສ່ວນຫຼາຍແມ່ນ ລູກຫຼານຂອງ ຄົນຫວຽດກ່ຽວ ແລະ ຄົນລາວຈຳນວນເລັກໜ້ອຍເທົ່ານັ້ນ. ສິດສອນ ສອງພາສາ ຄຽງຄູ່ກັນ ຕາມ ກົດລະບຽບ ຂອງ ກະຊວງສຶກສາ ລາວ ແລະ ຫວຽດນາມ .
（ຫັດທະບູນ）
