ກອງປະຊຸມພົບປະ ລະຫວ່າງ ຄະນະ ແນວໂຮມແຫ່ງຊາດຫວຽດນາມ ແຂວງເຊີນລາ ແລະ ຄະນະນຳຜູ້ແທນສູນກາງແນວລາວສ້າງຊາດ ແຂວງຫົວພັນ ແລະ ແຂວງຫຼວງພະບາງ

ເຂົ້າຮ່ວມກອງປະຊຸມພົບປະໃນຄັ້ງນີ້ ຝ່າຍຫວຽດນາມ ນຳໂດຍ ທ່ານ ລໍ່ ມາຍກຽນ, ກຳມະການແນວໂຮມແຫ່ງຊາດແຂວງ ປະທານ ແນວໂຮມແຫ່ງຊາດຫວຽດນາມ ແຂວງເຊີນລາ ຕາງໜ້າໃຫ້ແກ່ການນຳບັນດາພະແນກການ, ຂະແໜງການຕ່າງໆ, ແນວໂຮມບັນດາເມືອງ ແລະ ນະຄອນ. ຕ່າງໜ້າໃຫ້ຝ່າຍລາວນຳໂດຍ ທ່ານ ຄຳມ່ວນ ຈັນວີສຸກ ຮອງປະເທດແນວລາວສ້າງຊາດ ແຂວງຫົວພັນເປັນຫົວໜ້າຄະນະ. ພ້ອມດ້ວຍ ທ່ານ ອ່ອນຕາ ວັນນະຈັກ ຮອງປະທານແນວລາວສ້າງຊາດແຂວງຫຼວງພຣະບາງເປັນຫົວໜ້າຄະນະ.

ໃນການພົບປະເຈລະຈາໃນຄັ້ງນີ້, ແຕ່ລະຝ່າຍໄດ້ລາຍງານກ່ຽວກັບສະພາບການຂະຫຍາຍຕົວດ້ານເສດຖະກິດ-ສັງຄົມ, ປ້ອງກັນຊາດ-ປ້ອງກັນຄວາມສະຫງົບ ແລະ ວຽກງານແນວໂຮມຂອງແຕ່ລະແຂວງ. ຊ່ວງໄລຍະເວລາທີ່ຜ່ານມາ, ສາຍສຳພັນ ລະຫວ່າງ ການນຳພັກ, ອຳນາດການປົກຄອງ, ແນວໂຮມ, ບັນດາອົງການຈັດຕັ້ງຕ່າງໆແຂວງເຊີນລາກັບບັນດາແຂວວຕ່າງໆຂອງ ສ.ປ.ປ ລາວ ແມ່ນມີຄວາມແໜ້ນແຟ້ນ, ພັດທະນາ ແລະ ເສີມຂະຫຍາຍຢ່າງປະສິດທິດຜົນໃນຫຼາຍຂົງເຂດ; ແລກປ່ຽນສະໝ່ຳສະເໝີ ລະຫວ່າງ ບັນດາຄະນະຜູ້ແທນແຕ່ລະຂັ້ນ, ຂະແໜງການຕ່າງໆຢ້ຽມຢາມ, ເຮັດວຽກ, ທັດສະນະ, ຮຽນຮູ້ປະສົບການ ແລະ ແລກປ່ຽນຂໍ້ມູນ. ແນວໂຮມແຫ່ງຊາດແຕ່ລະຂັ້ນແຂວງເຊີນລາກຳລັງຜັນຂະຫຍາຍແຜນການປະຕິບັດ 5 ເນື້ອໃນຄື: ຫັນເປັນຫຼາຍແບບ ໃນການເຕົ້າໂຮມ, ປັບປຸງໃຫ້ແໜ້ນແຟ້ນ, ເພີ່ມທະວີ ແລະ ເສີມຂະຫຍາຍກຳລັງແຮງ ກຸ່ມກ້ອນຄວາມສາມັກຄີທົ່ວຊົນຊາດ; ປຸກລະດົມປະຊາຊົນແຕ່ລະຊົນຊັ້ນ, ວັນນະເຂົ້າຮ່ວມບັນດາຂະບວນການແຂ່ງຂັນຮັກປະເທດຊາດ, ການລົນນະລົງ ຈັດຕັ້ງປະຕິບັດໄຊຊະນະ ໃນພາລະກິດ ພັດທະນາເສດຖະກິດ-ສັງຄົມ, ຮັບປະກັນດ້ານປ້ອງກັນຊາດ-ປ້ອງກັນຄວາມສະຫງົບ, ເສີມຂະຫຍາຍສິດເປັນເຈົ້າຂອງປະຊາຊົນ, ເຂົ້າຮ່ວມກໍ່ສ້າງພັກ, ລັດອຳນາດກົດໝາຍສັງຄົມນິຍົມ, ເພີ່ມທະວີຄວາມສຳພັນສະໜິດສະໜົມລະຫວ່າງພັກ, ລັດ ແລະ ປະຊາຊົນ...

ຄະນະແນວລາວສ້າງຊາດ 2​ ແຂວງໄດ້ສະແດງຄວາມຂອບໃຈ ໃນການຕ້ອນຮັບ ແລະ ໃຫ້ຄວາມສຳຄັນຂອງບັນດາສະຫາຍການນຳ ຂອງແຂວງເຊີນລາ.​ ພ້ອມທັງສະແດງຄວາມຍິນດີບັນດາໝາກຜົນທີ່ໄດ້ຮັບໃນບັນດາຂົງເຂດຕ່າງໆຂອງ ແຂວງເຊີນລາ. ຫົວໜ້າຄະນະຂອງ 2 ແຂວງ ສະແດງຄວາມຂອບໃຈໃນການຊ່ວຍເຫຼືອຂອງ ແຂວງເຊີນລາ ໃນຂົງເຂດຕ່າງໆ ແລະ ຫວັງວ່າແຂວງເຊີນລາ ຈະສືບຕໍ່ພົວພັນແໜ້ນແຟ້ນຍິ່ງຂຶ້ນອີກກັບແຂວງຫົວພັນ ແລະ ແຂວງຫຼວງພຣະບາງໃນອະນາຄົດ.

ກ່າວຄຳປາໄສຕໍ່ກອງປະຊຸມພົບປະໃນຄັ້ງນີ້້ ທ່ານ ລໍ່ ມາຍກຽນ ສະເໜີໃຫ້ແນວໂຮມບັນດາແຂວງສືບຕໍ່ຜັນຂະຫຍາຍ, ປະຕິບັດປະສິດທິດຜົນວຽກງານເຜີຍແຜ່ໂຄສະນາ, ການສຶກສາກ່ຽວກັບປະຫວັດສາດສາຍສຳພັນອັນຊື່ສັດ, ສາມັກຄີພິເສດ, ອັນດີງາມດັ່ງເດີມ, ຂາວສະອາດ, ແບບຢ່າງທີ່ດີລະຫວ່າງ 2​ ຊາດ ຫວຽດນາມ-ລາວ; ໂຄສະນາເຜີຍແຜ່ສະໝໍ່າສະເໝີ, ຍົງສູງຄວາມຮັບຮູ້ໃນປະຊາຊົນທຸກຊັ້ນວັນນະ, ອັນດັບໜຶ່ງແມ່ນປະຊາຊົນເຂດຊາຍແດນສອງປະເທດ, ມີສະຕິລະວັງຕົວສະກັດຫັນບັນດາກົນອຸບາຍຕ່າງໆ, ການປະພຶດທຳລາຍ, ສ້າງຄວາມບໍ່ສະຫງົບຂອງກຳລັງສັດຕູ ແລະ ພາກສ່ວນບໍ່ຫວັງດີ, ປະກອບສ່ວນຮັບປະກັນປ້ອງກັນຊາດ-ປ້ອງກັນຄວາມສະຫງົບ; ຈັດຕັ້ງການເຄື່ອນໄຫວແລກປ່ຽນ, ແບ່ງປັນປະສົບການການເຄື່ອນໄຫວຂອງແນວໂຮມ ແລະ ອົງການຈັດຕັ້ງແຕ່ລະແຂວງ....

ຕອນທ້າຍຂອງກອງປະຊຸມໄດ້ມີການເຊັນສັນຍາຄວາມເຂົ້າໃຈເນື້ອໃນການຮ່ວມມືປະຕິບັດວຽກງານແນວໂຮມລະຫວ່າງແຕ່ລະຝ່າຍ.

（ຫັດ​ທະ​ບູນ）