ຫວຽດນາມ-ລາວ ຜັນຂະຫຍາຍໂຄງການຂຸດຄົ້ນບໍ່ແຮ່ໃຫຍ່ສຸດ ໃນສປປ ລາວ

ສຳນັກຂ່າວຫວຽດນາມ ປະຈຳ ນະຄອນຫຼວງ ວຽງຈັນລາຍງານວ່າ: ໃນຕອນບ່າຍຂອງວັນທີ 11 ກັນຍາ ນີ້ ຢູ່ທີ່ສຳນັກງານ ກະຊວງ ແຜນການ ແລະ ການລົງທືນ ສປປ ລາວ ໄດ້ມີພິທີລົງນາຍໃນສັນຍາ ກ່ຽວກັບການຂຸດຄົ້ນ ແລະ ປຸງແຕ່ງແຮ່ Bauxite ແລະ ກໍ່ສ້າງໂຮງງານຜລິດ Aluminat ລະຫວ່າງ ລັດຖະບານລາວ ແລະ ຕ່າງໜ້າ ກຸ່ມບໍລິສັດ ຫຸ້ນສ່ວນ ກຸ່ມລົງທືນ ຫວຽດເຟືອງ (VPG) ຂອງ ຫວຽດນາມ.

ເຂົ້າຮ່ວມໃນການພິທີລົງນາມຄັ້ງນີ້ ຝ່າຍລາວ ປະກອບມີ ລັດຖະມົນຕີກະຊວງ ແຜນການ ແລະ ການລົງທຶນ ທ່ານ ສຸພັນ ແກ້ວມີໄຊ, ຮອງລັດຖະມົນຕີ ກະຊວງ ພະລັງງານ ແລະ ບໍ່ແຮ່, ຮອງລັດຖະມົນຕີປ້ອງກັນຄວາມສະຫງົບ ພົນຈັດຕະວາ ກອງທອງ ພອງພິຈິດ, ຮອງປະທານຜູ້ປະຈຳການຄະນະກຳມະການຮ່ວມມື ລາວ-ຫວຽດນາມ,ຮອງເລຂາພັກແຂວງໆ ເຊກອງ ສີດາ ສຸວັນນະສານ...

ຝ່າຍຫວຽດນາມ ປະກອບມີ: ຜູ້ອຳນວຍການໃຫຍ່ກຸ່ມບໍລິສັດຫຸ້ນສ່ວນກຸ່ມລົງທືນ ຫວຽດເຟືອງ (VPG) ທ່ານນາງ ເຟືອງມິງ ເຫວະ , ທີ່ປຶກສາທູດຫວຽດນາມ ປະຈຳ ສປປ ລາວ ທ່ານ ຫວູ໋ວັນ ຮ່ວາ ພ້ອມທັງພະນັກງານ ບຸກຄະລາກອນຂອງ ກຸ່ມບໍລິສັດຫຸ້ນສ່ວນ ກຸ່ມລົງທືນ ຫວຽດເຟືອງ (VPG) ແລະ ຕ່າງໜ້າສຳນັກຂ່າວຫວຽດນາມ ປະຈຳລາວ.

ໂຄງການ ຂຸດຄົ້ນ ແລະ ຜລິດ ແຮ່ທາດ Bauxite ຂອງ ກຸ່ມບໍລິສັດຫຸ້ນສ່ວນ ກຸ່ມລົງທືນ ຫວຽດເຟືອງ ມີເນື້ອທີ່ປະມານ 100ກິໂລແມັດມົນທົນ ມີມູນຄ່າການລົງທືນປະມານ 650 ລ້ານໂດລາສະຫະລັດ, ໂຄງການນີ້ຕັ້ງຢູ່ ເມືອງດັກຈຶງ ແຂວງ ເຊກອງ ແມ່ນເຂດທີ່ຍັງມີຄວາມທຸກຍາກ ແລະ ລະບາກທີ່ສຸດຂອງລາວ.

ນີ້ແມ່ນໂຄງການນອນຢູ່ໃນແຜນການຈັດຕັ້ງປະຕິບັດ ສົນທິສັນວ່າດ້ວຍການຮ່ວມມື ດ້ານເສດຖະກິດ ວັດທະນະທຳ ແລະ ເຕັກນິກວິທະຍາສາດ ທີ່ໄດ້ລົງນາມຮ່ວມກັນ ລະຫວ່າງ ລາວ ແລະ ຫວຽດນາມ ແນໃສ່ພັດທະນາອຸດສາຫະກຳ ຂຸດຄົ້ນ ແລະ ປຸງແຕ່ງແຮ່ທາດ Bauxite.

ກ່າວຄຳເຫັນໃນພິທີລົງນາມຄັ້ງນີ້ ທ່ານນາງ ເຟືອງມິງ ເຫວະ ຜູ້ ອຳນວຍການໃຫຍ່ກຸ່ມບໍລິສັດຫຸ້ນສ່ວນກຸ່ມລົງທືນ ຫວຽດເຟືອງ (VPG) ວ່າ: ກຸ່ມບໍລິສັດ ຂໍສະແດງຄວາມຂອບໃຈ ມາຍັງ ການນຳ ຂັ້ນກະຊວງ ທະບວງ ຂະແໜງການ ທີ່ກ່ຽວຂ້ອງຂອງ ສປປ ລາວ ກໍ່ຄືການນຳ ຂັ້ນແຂວງໆ ເຊກອງ ໃນການຊ່ວຍເຫຼືອຍູ້ໜູນ ອັນລ້ຳຄ່າ ທີ່່ມອບໃຫ້ແກ່ກຸ່ມບໍລິດສັດ ໃນໄລຍະ 10ປີ ທີ່ຜ່ານມາ ເພື່ອຊ່ວຍໃຫ້ ກຸ່ມບໍລິສັດ VPG ຜ່ານພົ້ນຄວາມຫຍຸ້ງຍາກ ເຮັດສຳເລັດເນື້ອໃນ-ໃນສັນຍາວ່າດ້ວຍການ ສຳຫຼວດ ແຮ່ທາດ bauxite ທີ່ໄດ້ລົງນາມກັບ ລັດຖະບານ ລາວ, ຢືນຢັນຢ່າງໜັກແໜ້ນວ່າການຊ່ວຍເຫຼືອຍູ້ໜູນອັນຈິງໃຈ ແລະ ໃຫຍ່ຫຼວງດັ່ງກ່າວນັ້ນໄດ້ເຮັດໃຫ້ມີຜົນສຳເລັດ ຄືການລົງນາມສັນຍາ ຂຸດຄົ້ນ ແລະ ຜລິດແຮ່ທາດ bauxite ໃນມື້ນີ້.

ໃນໂອກາດນີ້ ທ່ານນາງ ເຟືອງມິງ ເຫວະ ກໍ່ສະແດງຄວາມມຸ້ງມາດປາດຖະໜາວ່າ ກຸ່ມບໍລິສັດ VPG ຈະໄດ້ຮັບການອຸ້ມຊູຍູ້ໜູນ ແລະ ສ້າງເງື່ອນສະດວກ ຈາກພັກ-ລັດ ແລະ ປະຊາຊົນລາວ ເພື່ອໃຫ້ໂຄງການໄດ້ຮັບການຜັນຂະຫຍາຍ ແລະ ຈັດຕັ້ງປະຕິບັດດ້ວຍຄວາມສຳເລັດ, ກຸ່ມບໍລິສັດ VPG ໄດ້ໃຫ້ຄຳໝັ້ນສັນຍາວ່າ ດ້ວຍຄວາມສາມາດ ແລະ ປະສົບການຂອງ ຕົນ ກຸ່ມບໍລິສັດ VPG ຕັດສິນໃຈ ທີ່ຈະພັດທະນາໃຫ້ປະສົບຄວາມສຳເລັດ ເພື່ອປະກອບສ່ວນເຂົ້າໃນການປະຕິບັດໄຊຊະນະ ໂຄງການ-ການຮ່ວມມື ພັດທະນາ ເສດຖະກິດ-ສັງຄົມຂອງສອງຊາດ ຫວຽດນາມ-ລາວ ອ້າຍນ້ອງ.

（ຫັດ​ທະ​ບູນ）