 |
ນັກກິລາທັງສອງທີມ, ພະນັກງານການນຳທັງສອງອົງການຮ່ວມຖ່າຍຮູບເປັນທີ່ລະລຶກ.
ເນື່ອງໃນໂອກາດທີ່ພະນັກງານ ຄະນະພົວພັນ ກະຊວງການຕ່າງປະເທດ ໄດ້ມາຮຽນບຳລຸງໄລຍະສັ້ນ ທີ່ສະຖາບັນ ການເມືອງ ແຫ່ງຊາດ ໂຮ່ຈີ໋ມິງ ສະຫະພັນອົງການມິດຕະພາບຫວຽດນາມ-ລາວ ໄດ້ຈັດຕັງການເຕະບານແລກປ່ຽນພິເສດ ລະຫວ່າງທີມເຕະບານຂອງທັງສອງອົງການ. ກິດຈະກຳນີ້ແມ່ນໂອກາດໃຫ້ພະນັກງານຂອງທັງອົງການໄດ້ໄກ້ສິດກັນຂື້ນ, ຮ່ວມແລກປ່ຽນ, ຊອກຮູ້ເຊິ່ງກັນແລະກັນ; ຮັດແໜ້ນຕື່ມນ້ຳໃຈສາມັກຄີ ແລະ ສ້າງເງື່ອນໄຂສະດວກໃນການປະສານສົມທົບໃນວຽກງານອື່ນໆຕໍ່ໜ້າ.
 |
ນັກກິລາທັງສອງທີມມອບທຸງທີ່ລະລືກຂອງທີມໃຫ້ກັນ.
ເຂົ້າຮ່ວມໃນງານມີດັ່ງນີ້ ຝ່າຍຫວຽດນາມ ປະກອບມີ: ສະຫາຍ ຫງວ໋ຽນວັນມີ໋ ຫົວໜ້າພະແນກ ອາຊີ-ອາບຟະລິກາ ສະຫະພັນອົງການມິດຕະພາບຫວຽດນາມ ເລຂາທິການໃຫຍ່ສູນກາງ ສະມາຄົມມິດຕະພາບຫວຽດນາມ-ລາວ;ສະຫາຍ ຫງວ໋ຽນເກ໋ເລິມ ຄະນະກຳມະການພັກຊາວໜຸ່ມ ຫົວໜ້າຫ້ອງການ ທັງເປັນຫົວໜ້າຈັດຕັ້ງພະນັກງານ ຂອງສະຫະພັນອົງການມິດຕະພາບຫວຽດນາມ; ພ້ອມດ້ວຍບັນດາພະນັກງານການນຳຂອງແຕ່ລະພະແນກ, ຫົວໜ່ວຍຂອງສະຫະພັນອົງການມິດຕະພາບຫວຽດນາມ, ພະນັກງານຂອງສະຫະພັນ ແລະ ສະມາຄົມ ມິດຕະພາບຫວຽດນາມ-ລາວ ແລະ ຄະນະຊາວໜຸ່ມ ສະຫະພັນມິດຕະພາບ.
ຝ່າຍລາວ ມີສະຫາຍ ວົງຄຳ ແສງສະທິດ ຫົວໜ້າພະແນກ ພົວພັນສາກົນ ອົງການຈັດຕັ້ງມາຫາຊົນ, ຄະນະພົວພັນຕ່າງປະເທດ ສູນກາງພັກປະຊາຊົນປະຕິວັດລາວ; ສະຫາຍ ເພັດ ໄຊສົມແພງ ພະແນກກວດກາ ກະຊວງການຕ່າງປະເທດ;ສະຫາຍ ພູເງິນ ສຸກວິໄລ ຮອງຫົວໜ້າຫ້ອງການ ກົມຈັດຕັ້ງພະນັກງານ ຄະນະພົບພັນການຕ່າງປະເທດສູນກາງພັກ.ພ້ອມນີ້ກໍ່ຍັງມີພະນັກງານ ຫ້ອງການສູນກາງ ລາວ: ຄະນະພົວພັນຕ່າງປະເທດສູນກາງພັກປະຊາຊົນປະຕິວັດລາວ , ກະຊວງການຕ່າງປະເທດ, ຄະນະ ໂຄສະນາສູນກາງ, ແນວໂຮມລາວສ້າງຊາດ, ທີ່ກຳລັງມາຮຽນບຳລຸງໄລຍະສັ້ນທີ່ສະຖາບັນການເມືອງແຫ່ງຊາດໂຮ່ຈີ໋ມິງ.
 |
 |
ສະຫາຍ ຫງວ໋ຽນວັນມີ໋ ມອບດອກໄມ້ເພື່ອເປັນກຳລັງໃຈໃຫ້ນັກກິລາ.
ການແຂ່ງດຳເນີນໄປບົນບັນຍາແຫ່ງຄວາມສາມັກຄີ, ຟົດຟື້ນ, ໄກ້ສິດ ອ້າຍນ້ອງຫວຽດນາມ-ລາວ. ຜົນການແຂ່ງຂັນ ແມ່ນ ທີມສະຫະພັນອົງການຈັດຕັ້ງມິດຕະພາບຫວຽດນາມ ຊະນະໄປດ້ວຍ 7-6.
