 |
ທ່ານພົນຈັດຕະວາ ໂງມິງຕ໋ຽນ ມອບຂອງຂວັນທີ່ລະນຶກໃຫ້ທ່ານພັນເອກ ບົວແກ້ວ ຂຸນປັນຍາ. (ພາບ: ຮວ່າງຫວູ໊)
ທ່ານພົນຈັດຕະວາ ໂງມິງຕ໋ຽນ ຕີລາຄາສູງໝາກຜົນການຮ່ວມມືໃນໄລຍະຜ່ານມາ ລະຫວ່າງເຫຼົ່າຮົບເຄມີສາດກອງທັບປະຊາຊົນຫວຽດນາມ ແລະກົມເຄມີສາດກອງທັບປະຊາຊົນລາວ. ທ່ານພົນຈັດຕະວາ ໂງມິງຕ໋ຽນ, ສະເໜີໃນໄລຍະຈະມາເຖິງ, ສອງຝ່າຍຄວນສືບຕໍ່ຊຸກຍູ້ການຮ່ວມມື, ໃນນັ້ນເອົາໃຈໃສ່ເປັນພິເສດເຖິງການແລກປ່ຽນຄະນະຜູ້ແທນ, ແບ່ງປັນບົດຮຽນ, ການສຶກສາບໍາລຸງສ້າງ. ທ່ານພົນຈັດຕະວາ ໂງມິງຕ໋ຽນ ຢືນຢັນວ່າ ການນໍາກົມໃຫຍ່ເສນາທິການກອງທັບປະຊາຊົນຫວຽດນາມ ຈະສ້າງທຸກເງື່ອນໄຂເພື່ອໃຫ້ສອງຝ່າຍເພີ່ມທະວີການຮ່ວມມື, ຜ່ານນັ້ນ, ປະກອບສ່ວນປັບປຸງສາຍພົວພັນລະຫວ່າງກອງທັບ ແລະປະຊາຊົນສອງປະເທດ ຫວຽດນາມ - ລາວ ກວ່າອີກ.ໃນຂອບເຂດການຢ້ຽມຢາມ ແລະ ເຮັດວຽກຢູ່ຫວຽດນາມ
ຢູ່ນະຄອນ ຫາຍຟ່ອງ, ຄະນະພະນັກງານ ກົມໃຫຍ່ເຕັກນິກກອງທັບປະຊາຊົນລາວ ໄດ້ມາຢ້ຽມຢາມ ແລະເຮັດວຽກກັບກົມເຕັກນິກທະຫານເຂດ 3.
 |
ຄະນະພະນັກງານກົມໃຫຍ່ເຕັກນິກ ກອງທັບປະຊາຊົນລາວ ຢ້ຽມຊົມເຂດຕີລາຄາຄຸນນະພາບ ກົມເຕັກນິກທະຫານເຂດ 3. ພາບ: quankhu3.vn.
ທີ່ການເຮັດວຽກ, ຄະນະໄດ້ຮັບຟັງການແນະນຳກ່ຽວກັບພາລະບົດບາດ, ໜ້າທີ່, ການຈັດຕັ້ງຜັນຂະຫຍາຍການປະຕິບັດບັນດາໜ້າວຽກງານມາດຕະຖານ-ວັດແທກ-ຄຸນນະພາບຂອງກົມເຕັກນິກທະຫານເຂດ 3. ຕາງໜ້າຄະນະພະນັກງານກົມໃຫຍ່ເຕັກນິກ ກອງທັບປະຊາຊົນລາວ, ທ່ານພັນເອກ ຄຳເຄນ ພົນມີຈຳ ຫົວໜ້າກົມມາດຕະຖານ-ວັດແທກ-ຄຸນນະພາບ, ກົມໃຫຍ່ເຕັກນິກ ກອງທັບປະຊາຊົນລາວ ປາດຖະໜາວ່າໃນໄລຍະຈະມາເຖິງ, ສອງຝ່າຍຈະຍູ້ແຮງການຮ່ວມມືໃນວຽກງານມາດຕະຖານ-ວັດແທກ-ຄຸນນະພາບກ່ຽວກັບລວງກວ້າງ ແລະລວງເລິກ, ຮັບໃຊ້ໃຫ້ແກ່ພາລະກິດປ້ອງກັນຊາດ-ປ້ອງກັນຄວາມສະຫງົບ ຂອງແຕ່ລະປະເທດ. ພາຍຫຼັງການເຮັດວຽກ, ຄະນະໄດ້ດຳເນີນການຢ້ຽມຊົມພຶດຕິກຳຕົວຈິງຢູ່ປ້ອມວັດແທກ-ຄຸນນະພາບ, ກົມເຕັກນິກທະຫານເຂດ 3.
（ແຫຼ່ງຂໍ້ມູນ： ກປ.ອອນໄລ）
