 |
ທ່ານນາງ ໂຕທິບິກເຈົາ ຕີລາຄາສູງຕໍ່ການຢ້ຽມຢາມ ຂອງຄະນະກຳມະການແນວລາວສ້າງຊາດ ແຂວງຈຳປາສັກ, ທ່ານຍັງກ່າວອີກວ່າ: ໃນການຢ້ຽມຢາມຄັ້ງນີ້ ສະແດງເຖິງຄວາມສາມັກຄີ, ມິດຕະພາບ ລະຫວ່າງ ແນວໂຮມທັງສອງ ກໍ່ຄືສາຍພົວພັນ ລະຫວ່າງສອງທ້ອງຖິ່ນ. ບົນພື້ນຖານສາຍພົວພັນອັນດີງາມຂອງສອງຊາດ ກໍ່ຄື ລະຫວ່າງ ນະຄອນໂຮ່ຈີ໋ມິງ-ຈຳປາສັກ, ບັນດາການແບ່ງປັນ ທາງດ້ານວຽກງານ ແນວໂຮມ ສະເພາະແມ່ນ ວຽກງານການໂຄສະນາ, ຂົນຂວາຍປະຊາຊົນ ຈະຊ່ວຍໃຫ້ທັງສອງຝ່າຍມີບົດຮຽນຫຼາຍຂື້ນໃນການເຄື່ອນໄຫວຂອງຕົນ ພ້ອມກັນນັ້ນຮັດແໜ້ນສາຍພົວພັນມິດຕະພາບ ລະຫວ່າງປະຊາຊົນຂອງສອງທ້ອງຖິ່ນ.
ທີ່ການເຮັດວຽກ, ຜູ້ຕາງໜ້າ ຄະນະປະຈຳການ ຄະນະກຳມະການແນວໂຮມປະເທດຊາດຫວຽດນາມ ນະຄອນໂຮ່ຈິມິນ ໄດ້ແຈ້ງໃຫ້ຝ່າຍລາວ ຮັບຊາບກ່ຽວກັບສະພາບການເສດຖະກິດ-ສັງຄົມ ຂອງນະຄອນໂຮ່ຈີ໋ມິງໃນໄລຍະຜ່ານມາ; ແບ່ງປັນວຽກງານຫຼຸດຜ່ອນຄວາມທຸກຍາກແບບຍືນຍົງ, ບັນດາບັ້ນຂົນຂວາຍ, ຂະບວນການຂອງແນວໂຮມນະຄອນໂຮ່ຈີ໋ມິງ.
 |
ບັນຍາກາດກອງປະຊຸມແລກປ່ຽນ.(ພາບ: daidoanket.vn)
ທ່ານ ເຈີ່ນເຕິ໋ນເຫງີ່ຍ ຮອງປະທານ ປະຈຳການ ຄະນະກຳມະການ ແນວໂຮມປະເທດຊາດຫວຽດນາມ ນະຄອນໂຮ່ຈີ໋ມິງ ໄດ້ໃຫ້ຮູ້ວ່າ: ບັນດາໝາກຜົນ ກ່ຽວກັບການພັດທະນາ ເສດຖະກິດ-ສັງຄົມ ຂອງນະຄອນ ໂຮ່ຈິ່ມິງ ໄລຍະຜ່ານມາແມ່ນມີການປະກອບສ່ວນຂອງ ແນວໂຮມນະຄອນໂຮ່ຈີ໋ມິງທຸກຂັ້ນ. ຜ່ານຂະບວນການ-ການເຄື່ອນໄຫວ, ບັນດາການປຸກລະດົມ, ແນວໂຮມໄດ້ປຸກລະດົມບັນດາປະຊາຊົນທຸກຊົນຊັ້ນ ເຂົ້າຮ່ວມຢ່າງຕັ້ງໜ້າ ແລະ ປະກອບສ່ວນເຂົ້າໃນການພັດທະນາລວມຂອງນະຄອນໂຮ່ຈີ໋ມິງ.
ຂອບໃຈຕໍ່ການຕ້ອນຮັບອັນອົບອຸ່ນ ຂອງການນຳແນວໂຮມປະເທດຊາດຫວຽດນາມ ນະຄອນໂຮ່ຈີ໋ມິງ ທ່ານ ສີທອນ ແກ້ວພູວົງ ໄດ້ໃຫ້ຮູ້ຕື່ມອີກວ່າ: ໃນການມາຢ້ຽມຢາມຄັ້ງນີ້ ແມ່ນເພື່ອແນໃສ່ການແລກປ່ຽນບົດຮຽນ ໃນການຈັດຕັ້ງປະຕິບັດວຽກງານຂອງ ແນວໂຮມຢູ່ທ້ອງຖິ່ນ, ໃນນັ້ນປະກອບມີ ນະຄອນໂຮ່ຈີ໋ມິງ; ຈາກຂັ້ນ ສືບຕໍ່ເພີ່ມທະວີ ເສີມສ້າງ ແລະ ພັດທະນາ ສາຍພົວພັນມິດຕະພາບ ແລະ ຮ່ວມມື ຂອງແນວໂຮມ ນະຄອນໂຮ່ຈີ໋ມິງ ແລະ ຈຳປາສັກ ບົນພື້ນຖານສາຍພົວພັນອັນເປັນມູນເຊື້ອຍາວນານ, ນ້ຳໃຈສາມັກຄີພິເສດ, ການຮ່ວມມືຮອບດ້ານຂອງສອງພັກ-ສອງລັດ ແລະ ປະຊາຊົນສອງຊາດຫວຽດນາມ-ລາວ.
 |
ທັງສອງອົງການຈັດຕັ້ງຮ່ວມຖ່າຍຮູບເປັນທີ່ລະນຶກ. (ພາບ: daidoanket.vn)
ທ່ານ ສີທອນ ແກ້ວພູວົງ ໃຫ້ຮູ້ວ່າ: ການຢ້ຽມຢາມຄັ້ງນີ້ແມ່ນເພື່ອແນໃສ່ສືບຕໍ່ເພີ່ມພູນຄູນສ້າງ ແລະ ພັດທະນາສາຍພົວພັນມິດຕະພາບ ແລະ ການຮ່ວມມືຂອງແນວໂຮມນະຄອນໂຮ່ຈິມິນ ແລະ ແຂວງຈຳປາສັກ, ບົນພື້ນຖານສາຍພົວພັນທີ່ເປັນມູນເຊື້ອ, ຄວາມສາມັກຄີແບບພິເສດ, ການຮ່ວມມືຮອບດ້ານລະຫວ່າງ 2 ພັກ, 2 ລັດ ແລະ ປະຊາຊົນຫວຽດນາມ - ລາວ. ທ່ານ ສີທອນ ແກ້ວພູວົງ ປາດຖະໜາວ່າ, ໃນໄລຍະຈະມາເຖິງ, 2 ຝ່າຍຈະສືບຕໍ່ແລກປ່ຽນບົດຮຽນ, ມີການຮ່ວມມືຫຼາຍກວ່າອີກເພື່ອແນໃສ່ຊຸກຍູ້ນ້ຳໃຈມິດຕະພາບລະຫວ່າງ 2 ທ້ອງຖິ່ນ, ປະກອບສ່ວນພັດທະນາເສດຖະກິດ, ສັງຄົມຂອງນະຄອນໂຮ່ຈິມິນ ແລະ ແຂວງຈຳປາສັກ.
ໃນກອງປະຊຸມທັງສອງຝ່າຍຍັງໄດ້ແລກປ່ຽນ, ແບ່ງປັນບົດຮຽນ ທາງດ້ານການເຄື່ອນໄຫວວຽກງານແນວໂຮມ; ວຽກງານທາງດ້ານພຸດທະສາດສະໜາ, ຊົນເຜົ່າຢູ່ທ້ອງຖິ່ນ.
（ຫັດທະບູນ）
