 |
ບັນຍາກາດກອງປະຊຸມເຮັດວຽກລະຫວ່າງສະມາຄົມ ມິດຕະພາບ ຫວຽດນາມ-ລາວ, ລາວ-ຫວຽດນາມ. (ພາບ: ຕ໋ວນຫວຽດ)
ນີ້ແມ່ນໜຶ່ງເນື້ອໃນທີ່ໄດ້ຮັບການເນັ້ນໜັກ ທີ່ກອງປະຊຸມເຮັດວຽກ ລະຫວ່າງ ສະມາຄົມມິດຕະພາບ ຫວຽດນາມ -ລາວ ແລະ ສະມາຄົມມິດຕະພາບ ລາວ-ຫວຽດນາມ ທີ່ໄດ້ກຳເນີນໄປ ໃນວັນທີ 25 ສິງຫາ ຢູ່ທີ່ນະຄອນໂຮ່ຈີ໋ມິງ ເພື່ອແນໃສ່ຕີລາຄາປະເມີນຜົນວຽກງານການຮ່ວມມື ລະຫວ່າງ ສະມາຄົມມິດຕະພາບ ທັງສອງຊາດ ລາວ - ຫວຽດນາມ ໃນປີຄວາມສາມັກຄີມິດຕະພາບ ຫວຽດນາມ-ລາວ 2017 ແລະ ເຄິ່ງປີຕົ້ນ 2018 , ແລກປ່ຽນແຜນການການຮ່ວມມື ລະຫວ່າງສອງຝ່າຍ ໃນໄລຍະຕໍ່ໄປ.
ກ່າວຄຳເຫັນທີ່ກອງປະຊຸມ ປະທານ ສະມາຄົມ ມິດຕະພາບຫວຽດນາມ-ລາວ ທ່ານ ເຈີ່ນວັນຕຸ໋ຍ ໄດ້ຫວນຄືນການເຄື່ອນອັນພົ້ນເດັ່ນ ທີ່ສະມາຄົມມິດຕະພາບ ຫວຽດນາມ - ລາວ ແລະ ສະມາຄົມມິດຕະພາບ ລາວ - ຫວຽດນາມ ໄດ້ປະສານສົມທົບກັນຈັດຕັ້ງໃນປີ 2017 ແລະ 6 ເດືອນຕົ້ນປີ 2018. ພົ້ນເດັ່ນສຸດແມ່ນ ໃນປີ ສະມັກຄີ ມິດຕະພາບ ຫວຽດນາມ-ລາວ 2017, ລາວ-ຫວຽດນາມ ຮັບກັນສະເຫຼີມສະຫຼອງຄົບຮອບ 55 ປີ ວັນສ້າ້ງຕັ້ງສາຍພົວພັນການທູດ ຫວຽດນາມ-ລາວ (05/9/1962 – 05/9/2012) ສະເຫຼີມສະຫຼອງຄົບຮອບ 40 ປີ ວັນເຊັນສົນທິສັນຍາ ມິດຕະພາບ ແລະ ຮ່ວມມືຮອບດ້ານ (18/7/1977 – 18/7/2017). ຈາກນັ້ນ ການນຳຂັ້ນສູງຂອງສອງປະເທດ ໄດ້ຈັດຕັ້ງການ ຢ້ຽມຢາມຢ່າງຕໍ່ເນື່ອງເຊິ່ງກັນແລະກັນ ພ້ອມທັງເຂົ້າຮ່ວມການເຄື່ອນໄຫວສະເຫຼີມສະຫຼອງວັນສຳຄັນຂອງແຕ່ລະປະເທດ, ບັນດາກະຊວງ ທະບວງ ຂະແໜງການ ແລະ ຂັ້ນທ້ອງຖິ່ນຂອງສອງຝ່າຍ ໄດ້ຈັດຕັ້ງຂະບວນການຢ່າງຟົດຟື້ນ ວັນສຳຄັນ ດ້ວຍກິດຈະກຳອັນຫຼາກຫຼາຍ ແລະ ເປັນຈິງ, ສະແດງຄວາມເລິກເຊິ່ງດ້າຍມູນເຊື້ອ ສາຍພົວພັນມິດຕະພາບ ນຳ້ໃຈສາມັກຄີ ພິເສດ ແລະ ການຮ່ວມມືຮອບດ້ານ ຫວຽດນາມ-ລາວ. ໃນຄະນະດຽວກັນ ສະມາຄົມມິດຕະພາບ ຫວຽດນາມ -ລາວ ໄດ້ຈັດຕັ້ງການເຄື່ອນໄຫວກໍ່ຄືກິດຈະກຳ ດ້ວຍເນື້ອໃນ, ຮູບແບບອັນຫຼາກຫຼາຍ , ຫຼາຍຮູບຫຼາຍແບບ ປະກອບສ່ວນສຳຄັນເຂົ້າໃນວຽກງານການປັບປຸງ ແລະ ພັດທະນາຢ່າງບໍ່ຢຸດຢັ້ງ ການພົວພັນມິດຕະພາບພິເສດ ແລະ ຮ່ວມມືຮອບດ້ານ ຫວຽດນາມ-ລາວ. ການເຄື່ອນໄຫວອັນພົ້ນເດັ່ນ ທີ່ສະມາຄົມມິດຕະພາບ ສອງປະເທດ ໄດ້ຈັດຕັ້ງປະຕິບັດໃນ ປີ 2017 ແມ່ນ ການຈັດງານສະເຫຼີມສະຫຼອງ ມິດຕະພາບປະຊາຊົນ ລາວ-ຫວຽດນາມ ຄັ້ງທີ IV ຢູ່ ລາວ. ງານການສະເຫຼີມສະຫຼອງດັ່ງກ່າວໄດ້ ທາງຝ່າຍລາວ ຈັດຂື້ນຢ່າງສະຫງ່າງາມ ແລະ ລະອຽດລະອໍ ປະກອບມີຫຼາຍກິດຈະກຳທີ່ມີຄວາມໝາຍສຳຄັນເລິກເຊິ່ງ. ພ້ອມດຽວກັນນັ້ນ ທັງສອງສະມາຄົມ ກໍ່ໄດ້ຮ່ວມກັນຈັດພິມ ປື້ມ ເອກກະລັກ “ຮ່ວມສາຍພູຫຼວງ” ເປັນພາສາລາວ ແລະ ພາສາລາວ ຈຳນວນ 3.500 ເຫຼັ້ມ. ນີ້ແມ່ນໜຶ່ງໃນບັນດາເອກສານ ໂຄສະນາທີ່ມີຄວາມໝາຍສຳຄັນກ່ຽວກັບສາຍພົວພັນສອງປະເທດ.
ໃນວຽກງານການຕອບບຸນແທນຄຸນ ປີ 2017 ສະມາຄົມມິດຕະພາບ ທັງສອງຊາດ ໄດ້ປະສານສົມທົບ ຮັບ ແລະ ສົ່ງຄະນະ: ອາດີດທະຫານອາສາສະໝັກ ແລະ ຊ່ຽວຊານທະຫານຫວຽດນາມ ເຄີຍເຄື່ອນໄຫວ ຕໍ່ສູ້ຢູ່ລາວ ມາຢ້ຽມຢາມ ລາວ; ຄະນະ ທະຫານຜ່ານເສິກ ລາວທີ່ເຄີຍສູ້ຮົບຄຽງບ່າຄຽງໄລ່, ຊ່ວຍເຫຼືອ ທະຫານຫວຽດນາມ ມາຢ້ຽມຢາມ ຫວຽດນາມ; ຂົນຂວາຍບໍລິຈາກຊ່ວຍເຫຼືອ ໃນການກໍ່ສ້າງ ເຮືອນພັກເອື້ອອາທອນ ໃຫ້ ແມ່ ກັນເຈຍ ແຂວງເຊກອງ- ເຊິ່ງແມ່ນຜູ້ທີ່ຊ່ວຍຊີວິດ ແລະ ຮັກສາ ທະຫານຫວຽດນາມ ໃນປາງສົງຄາມ. ພິເສດ ກ່ອນໜ້ານັ້ນ ໄດ້ມີເຫດການ ຄູກັ້ນນຳ້ເຂື່ອນໄຟຟ້າ ພະລັງງານນຳ້ ເຊປຽນ-ເຊນຳ້ນ້ອຍແຕກ ຢູ່ແຂວງອັດຕະປື ໃນເດືອນ ກໍລະກົດ 2018 ທີ່ຜ່ານມາສ້າງຄວາມເສຍຫາຍຢ່າງຮຸນແຮງ ຕໍ່ຊີວິດ ແລະ ຊັບສິນ ຂອງປະຊາຊົນທ້ອງກຖິ່ນ, ສະມາຄົມມິດຕະພາບ ຫວຽດນາມ -ລາວ ໂດຍຜ່ານ ສະຖານທູດລາວ ປະຈຳ ສສ ຫວຽດນາມ ສົ່ງຄຳຢ້ຽມຢາມຖາມຂ່າວ ແບ່ງປັນ ຕໍ່ກັບປະຊາຊົນລາວ ເຂດໄພພິບັດ ເປັນເງິນ ແລະ ສິ່ງຂອງທີ່ຈຳເປັນ ເສື້ອຜ້າ ອາຫານແຫ້ງ ອຸບປະກອນໃນການແຕ່ງກິນ ແລະ ອື່ນໆ.
ໃນໄລຍະຕໍ່ໜ້າ ປະທານສະມາຄົມມິດຕະພາບ ຫວຽດນາມ-ລາວ ເຈິ່ນວັນຕຸ໋ຍ ຫວັງເປັນຢ່າງຍິ່ງວ່າ ທັງສອງຝ່າຍຈະຮ່ວມກັນປະສານສົມທົບ ແລກປ່ຽນ ຄວາມສຳເລັດທີ່ເປັນຈິງເຊັ່ນ: ຈັດຕັ້ງການ ເວົ້າແລະອອກສຽງ ພາສາຫວຽດ ໃຫ້ແກ່ນັກຮຽນລາວ ຢູ່ຫວຽດນາມ; ສະຫຼຸບໂຄງການ ນັກຮຽນລາວ ອາໄສຢູ່ເຮືອນຄົນຫວຽດນາມ; ພັດທະນາ ສາຍພົວພັນລະຫວ່າງ ບັນດາທ້ອງຖິ່ນ ຂອງສອງປະເທດ ໃນນັ້ນມີວຽກງານການພັດທະນາ ບັນດາອົງການມິດຕະພາບ; ຮອດປີ 2019 ແມ່ນປີຄົບຮອບ 70 ວັນມູນເຊື້ອ ທະຫານປະຊາຊົນລາວ ແລະ 70 ປີ ວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມ ຢູ່ ລາວ, ທັງສອງ ສະມາຄົມຈະປະສານສົມທົບຢ່າງແໜ້ນແຟ້ນ ແລະ ເສນາທິການແກ່ ລັດຖະບານທັງສອງຝ່າຍ, ກະຊວງປ້ອງກັນປະເທດຈັດຕັ້ງການເຄື່ອນໄຫວ ສະເຫຼີມສະຫຼອງສອງວັນສຳຄັນດັ່ງກ່າວນີ້, ຈັດຕັ້ງກອງປະຊຸມສຳມະນາ ບົດບາດ ແລະ ພາລະກິດຂອງທະຫານອາສາສະໝັກ...
ເຫັນດີເປັນເອກກະພາບກັບ ຄຳສະເໜີຂອງ ປະທານສະມາຄົມ ມິດຕະພາບ ຫວຽດນາມ-ລາວ ເຈິ່ນວັນຕຸ໋ຍ ປະທານສະມາຄົມມິດຕະພາບ ລາວ-ຫວຽດນາມ ວິໄລວົງ ບຸດດາຄຳ ໄດ້ໃຫ້ຮູ້ວ່າ: ທັງສອງສະມາຄົມຈະສືບຕໍ່ຢ່າງຕັ້ງໜ້າ ໃນການໂຄສະນາ ອົບຮົມ ເພື່ອໃຫ້ປະຊາຊົນທຸກຂັ້ນ ສະເພາະແມ່ນ ໄວໜຸ່ມ ທັງສອງຊາດ ຮູ້ກ່ຽວກັບສາຍພົວພັນມິດຕະພາບ , ນຳ້ໃຈສາມັກຄີພິເສດ ແລະ ການຮ່ວມມືຮອບດ້ານ ຫວຽດນາມ-ລາວ. ໃນນັ້ນ ໃຫ້ຄວາມສຳຄັນຕໍ່ວຽກງານການໂຄສະນາ ເຜີຍແຜ່ ເປີດກວ້າງ ປື້ມປະຫວັດສາດ ‘‘ ປະຫວັດສາດ ສາຍພົວພັນມິດຕະພາບ ແລະ ສະຫະພາບ ການຕໍ່ສູ້ ຫວຽດນາມ-ລາວ, ລາວ - ຫວຽດນາມ’’ ແລະ ບັນດາຂໍ້ມູນ ເອກກະສານ ກ່ຽວກັບສາຍພົວພັນທັງສອງປະເທດ ສູ່ປະຊາຊົນທຸກໆຂັ້ນ; ຜັນຂະຫຍາຍບັນດາການເຄື່ອນໄຫວການສຶກສາ, ໂຄສະນາ, ອົບຮົມ ໄວໜຸ່ມ ດ້ວຍຫຼາຍຮູບການ ເນື້ອໃນທີ່ອຸດົມສົມບູນ ແລະ ຫຼາກຫຼາຍ ແນໃສ່ເພີ່ມທະວີ ຄວາມຮູ້ ແລະ ຄວາມເຂົ້າໃຈ ກ່ຽວກັບສາຍພົວພັນພິເສດ ຫວຽດນາມ-ລາວ.
 |
ປະທານ ສະມາຄົມມິດຕະພາບ ຫວຽດນາມ-ລາວ ມອບຂອງຂັວນທີ່ ລະນຶກ ໃຫ້ແກ່ ປະທານສະມາຄົມມິດຕະພາບ ລາວ-ຫວຽດ.
ປະທານ ສະມາຄົມມິດຕະພາບ ລາວ-ຫວຽດນາມ ວິໄລວົງ ບຸດດາຄຳ ສະເໜີວ່າ: ໃນອານາຄົດ ທັງສອງສະມາຄົມ ຕ້ອງໄດ້ຊຸກຍູ້ວຽກງານການແລກປ່ຽນ ຮ່ວມມື ແລະ ປະສານສົມທົບ ໃນການຈັດຕັ້ງບັນດາການເຄື່ອນໄຫວ ລະຫວ່າງ ແຂວງ , ນະຄອນ ສະມາຄົມມິດຕະພາບ ຂອງ ຫວຽດນາມ ກັບ ບັນດາແຂວງ, ນະຄອນ ສະມາຄົມມິດຕະພາບ ຂອງລາວ; ສືບຕໍ່ໃຫ້ຄວາມສຳຄັນວຽກງານການປັບປຸງ ກໍ່ສ້າງສະມາຄົມ, ດຶງດູດການເຂົ້າຮ່ວມ ການເຄື່ອນໄຫວຂອງສະມາຄົມມິດຕະພາບ ຂອງມວນມະຫາຊົນ ປະຊາຊົນຫວຽດນາມ, ລາວ ທຸກໆຂັ້ນ, ບັນດາກະຊວງ ຂະແໜງການ ອົງການ ກຳມະບານ ຊາວໜຸ່ມ ເຍົາວະຊົນ ແລະ ນັກຮຽນທັງສອງຊາດ.
ຕາມປະທານສະມາຄົມ ມິດຕະພາບ ລາວ-ຫວຽດນາມ ວິໄລວົງ ບຸດດາຄຳ ປີ 2019 ກໍ່ເປັນວັນຄົບຮອບ 110ປີ ວັນຄ້າຍວັນເກີດຂອງທ່ານປະທານ ສຸພານຸວົງ ທັງສອງສະມາຄົມຈະໄດ້ຮ່ວມຈັດງານການສະເຫຼີມສະຫຼອງ ຢູ່ສອງປະເທດ ແລະ ຮ່ວມກັບປະສານສົມທົບກັນເຄື່ອນໄຫວຈັດການສະເຫຼີມສະຫຼອງວັນສຳຄັນດັ່ງກ່າວນີ້.
（ຫັດທະບູນ）
