 |
ຜູ້ນຳຂອງກະຊວງປ້ອງກັນປະເທດ ມອບໃບຍ້ອງຍໍໃຫ້ບັນດາຫົວໜ່ວຍທຸລະກິດທີ່ເຂົ້າຮ່ວມງານຕະຫຼາດນັດ.
ງານຕະຫຼາດນັດຄັ້ງນີ້ດຶງດູດບັນດາຫ້າງຮ້ານ ຫຼາຍກວ່າ 320 ຮ້ານ ຈາກ 200 ຫົວໜ່ວຍທຸລະກິດ ຫວຽດນາມ-ລາວ ເຂົ້າຮ່ວມ. ໃນນັ້ນມີຫົວໜ່ວຍທຸລະກິດ ແບຼນດັງຫຼາຍຫົວໜ່ວຍຄື: ສະຫະບໍລິສັດ ໂທລະຄົມ ທະຫານ ຫວຽດແຕນ, ບໍລິສັດ ເຕິນກ້າງ ໄຊງ່ອນ, ບໍລິສັດ ຮ່ວມມືເສດຖະກິດ ທະຫານເຂດ 4, ບໍລິສັດ ເລກທີ 28, ບໍລິສັດ ກາເຟ ເລກທີ 15, ບໍລິສັດ ກົນຈັກ ເລກທີ 183, ບັນດາບໍລິສັດ ຫ້າງຮ້ານໄດ້ ວາງສະແດງ-ຂາຍ ສິນຄ້າ ບັນດາຂະແໜງທີ່ສຳຄັນຄື: ຕັດຫຍິບ, ເກີບ, ຢາປົວພະຍາດ, ເຄື່ອງກົນຈັກ, ຢາຂ້າສັດຕູພຶດ, ສິນຄ້າຫັດຖະກຳ ….
ຕາມຂໍ້ມູນຈາກຜູ້ຈັດ ຕະຫຼາດນັດຄັ້ງນີ້ດຶງດູດແຂກເຂົ້າຢ້ຽມຊົມແລະຊື້ສິນຄ້າ ເກືອບ 10.000ເທື່ອຄົນ ເພື່ອມາຊື້ເຄື່ອງຂອງ ກໍ່ຄືການຊອກຫາຄູ່ຮ່ວມມື; ໄດ້ມີການເຊັນສັນຍາຮ່ວມມື ເຖິງ 11 ສະບັບ ລະຫວ່າງນັກທຸລະກິດສອງປະເທດ ໃນຂະແໜງກຳສິກຳ, ປຸງແຕ່ງກະສິກຳ, ສະບຽງອາຫານ, ຫັດຖະກຳ, ທ່ອງທ່ຽວ,….
ຄະນະຈັດຕັ້ງພິທີ ໄດ້ນຳພາຄະນະການຄ້າ ລົງກວດກາພື້ນຖານ ຕະຫຼາດ ຢູ່ ແຂວງຫຼວງພະບາງ ພາກເໜືອລາວ ແລະ ແຂວງ ອຸດອນທານີ (ໄທ). ຫຼັງຈາກນັ້ນ ໄດ້ມີຫົວໜ່ວຍທຸລະກິດຂອງຫວຽດນາມຫຼາຍກວ່າ 20 ຫົວໜ່ວຍ ໄດ້ເຊື່ອມຕໍ່ກັບ 50 ຫົວໜ່ວຍທຸລະກິດ ຂອງສອງແຂວງ; ສະມາຄົມ ນັກທຸລະກິດ ຂະໜາດນ້ອຍ ແລະ ຂະໜາດກາງ ນະຄອນຫຼວງ ຮ່າໂນ້ຍ ແລະ ສະມາຄົມ ນັກທຸລະກິດຍິງ ນະຄອນຫຼວງ ວຽງຈັນ ໄດ້ເຊັນສັນຍາຮ່ວມກັນເຖິງ 6 ສະບັບ.
（ຫັດທະບູນ）
