 |
ບັນຍາກາດການເລີ່ມການກໍ່ສ້າງ ໂຮງຮຽນ ມັດທະຍົມດັກຈືງ.
ໂຄງການກໍ່ສ້າງໂຮງຮຽນ ມັດທະຍົມ ດັກຍຈຶງ ມີມູນຄ່າການກໍ່ສ້າງປະມານ 1 ລ້ານໂດລາສະຫະລັດ, ແຫຼ່ງທືນຂອງການກໍ່ສ້າງແມ່ນໄດ້ຮັບການສະໜັບສະໜຸນຈາກ ທະນາຄານ BIDV ; ອາຄານໂຮງຮຽນ ສອງຊັ້ນ ປະກອບມີ 6 ຫ້ອງຮຽນ ແລະ ຫ້ອງທົດລອງອີກ 6ຫ້ອງ, ຫ້ອງການ, ຫໍສະໝຸດ, ສະໂມສອນ ແລະ ເດີ່ນກິລາ… ສະໜອງສະພາບແວດລ້ອມຂອງການຮ່ຳຮຽນ ແລະ ການສິດສອນທີ່ທັນສະໄໝ, ກ້າວໜ້າ ໃຫ້ຄູອາຈານ ແລະ ນ້ອງນັກຮຽນຂອງໂຮງຮຽນ.
ເປັນທະນາຄານການຄ້າຫວຽດນາມ ທຳອິດທີ່ເຂົ້າມາລາວ, ພາຍຫຼັງ ໄດ້ດຳເນີນທຸລະກິດ ເຖິງ 19ປີແລ້ວ, ມາຮອດປະຈຸບັນ ທະນາຄານ BIDV ໄດ້ກາຍເປັນທະນາຄານຄົນລາວມີຄວາມຄຸ້ນເຄີຍ, ໄກ້ສິດກັບປະຊາຊົນລາວ ດ້ວຍຕົວແທນດຳເນີນທຸລະກິດການຄ້າປະກອບມີ : ທະນາຄານ ລາວ-ຫວຽດ(LaoVietBank), ບໍລິສັດ ປະກັນໄພ ລາວ-ຫວຽດ(LVI), ຫ້ອງການຕົວແທນຂອງ ທະນາຄານ BIDV ຢູ່ລາວ.
ໃນ 19 ປີທີ່ຜ່ານມາ, ຄຽງຄູ່ກັບຈັດຕັ້ງປະຕິບັດອັນດີເລີດ ໃນບົດບາດເຊື່ອມຕໍ່ອັນມີປະສິດທິດຜົນ ລະຫວ່າງ ສອງ ພື້ນຖານເສດຖະກິດ, BIDV ໄດ້ມີການປະກອບສ່ວນຮັບຜິດຊອບ, ຢ່າງຕັ້ງໜ້າ ແລະ ມີຄວາມໝາຍສຳຄັນ ຕໍ່ກັບການພັດທະນາ ສັງຄົມ ລາວ. ຈາກນັ້ນ ປະກອບສ່ວນອັນມີປະສິດທິຜົນເຂົ້າໃນວຽກງານ ເສີມສ້າງສາຍພົວພັນມິດຕະພາບ ພິເສດ ລະຫວ່າງສອງປະເທດ ລາວ -ຫວຽດນາມ.
（ຫັດທະບູນ）
