ກອງປະຊຸມເຈລະຈາ ແລະ ເຊັນສັນຍາ ລະຫວ່າງແຂວງ ອຽນບ໋າຍ ແລະ ແຂວງວຽງຈັດ ຢູ່ ສປປ ລາວ.

ຍສໝ - ເນື່ອງໃນໂອກາດຄົບຮອບ 10ປີ ການສ້າງສາຍພົວພັນຮ່ວມມືມິດຕະພາບ ອຽນບ໋າຍ-ວຽງຈັນ (2008-2018) ຕອບສະໜອງຄຳເຊີນຂອງ ສະຫາຍ ວີດົງ ໄຊຍະສອນ ກຳມະການສູນກາງພັກ, ເລຂາພັກແຂວງ-ເຈົ້າແຂວງໆ ວຽງຈັນ, ສປປ ລາວ ຄະນະບໍລິຫານງານແຂວງ ອຽນບ໋າຍ ນຳໂດຍສະຫາຍ ໂດ໋ດຶກຢຸຍ- ຮອງເລຂາພັກແຂວງ ເຈົ້າແຂວງໆ ອຽນບ໋າຍ ໄດ້ຢ້ຽມຢາມ ແລະ ເຮັດວຽກຢູ່ແຂວງວຽງຈັນ.

ຮ່ວມໃນການຢ້ຽມຢາມຄັ້ງນີ້ມີ ສະຫາຍ ນົງວັນລິ້ງ- ປະທານ ແນວໂຮມແຫ່ງຊາດ ຫວຽດນາມ ແຂວງອຽນບ໋າຍ, ສະຫາຍ ຮວ່າງຊົນຫງວ໋ຽນ ຫົວໜ້າຄະນະຂົນຂວາຍ ແຂວງ, ການນຳ ກອງບັນຊາການທະຫານແຂວງ, ພະແນກການຕ່າງປະເທດ, ພະແນກສືກສາທິການ ແລະ ກໍ່ສ້າງ, ພະແນກ ສາທາລະນະສຸກ , ຫ້ອງວ່າການ ແຂວງ.

ກອງປະຊຸມເຈລະຈາ ແລະ ເຊັນສັນຍາ ລະຫວ່າງແຂວງ ອຽນບ໋າຍ ແລະ ແຂວງວຽງຈັດ ຢູ່ ສປປ ລາວ.

ຄະນະຜຼ້ແທນແຂວງ ວຽງຈັນ ເຮັດວຽກກັບ ຄະນະຜູ້ແທນແຂວງ ອຽນບ໋າຍ.

ໃນຕອນເຊົ້າ ວັນທີ 4 ກໍລະກົດ ການນຳທັງສອງແຂວງ ໄດ້ເປີດກອງປະຊຸມເຈລະຈາ ແລະ ເຊັນສັນຍາການຮ່ວມມື. ເຂົ້າຮ່ວມກອງປະຊຸມຄັ້ງນີ້ ຝ່າຍແຂວງອຽນບ໋າຍ ມີສະຫາຍ ໂດ໋ດຶກຢຸຍ ພ້ອມຄະນະ; ສ່ວນແຂວງວຽງຈັນ ມີສະຫາຍ ວີດົງ ໄຊຍະສອນ- ກຳມະການສູນກາງພັກ, ເລຂາພັກແຂວງ ເຈົ້າແຂວງ ວຽງຈັນ ພ້ອມການນຳແຂວງວຽງຈັນ.

ກ່ອນການເຈລະຈາ, ສະຫາຍ ໂດ໋ດຶກຢຸຍ ຮອງເລຂາພັກແຂວງ ເຈົ້າແຂວງໆ ອຽນບ໋າຍ ແລະ ສະຫາຍ ວີດົງ ໄຊຍະສອນ- ກຳມະການສູນກາງພັກ, ເລຂາພັກແຂວງ ເຈົ້າແຂວງ ວຽງຈັນ ນຳພາຄະນະເຂົ້າຮ່ວມການວາງພວງມາລາ ທີ່ອະນຸສອນສະຖານ ປະທານ ໄກສອນ ພົວວິຫານ ນັກເຄື່ອນໄຫວປະຕິວັດ, ເລຂາທິການໃຫຍ່ ປະທານບໍລິຫານງານ ສູນກາງພັກປະຊາຊົນປະຕິວັດລາວ, ເຂົ້າຮ່ວມພັກກອມມູນິດອິນດູຈີນ ແຕ່ປີ 1949 ແລະ ຍັງເປັນ ນັກຮຽນຮູ້ປັນຍາຊົນຜູ້ຮັກຊາດ ເປັນຜູ້ໜຶ່ງປະກອບສ່ວນສຳຄັນເຂົ້າໃນການສ້າງຕັ້ງພັກປະຊາຊົນປະຕິວັດລາວ. ປະທານ ໂຮ່ຈີ໋ມິງ ແລະ ປະທານ ໄກສອນ ພົມວິຫານ ໄດ້ສ້າງຕັ້ງ ແລະ ເສີມຂະຫຍາຍ ສາຍພົວພັນພິເສດຮັດແໜ້ນ, ສາມັກຄີ, ຊື່ສັດ ຫວຽດນາມ-ລາວ-ຫວຽດນາມ.

ຫຼັງຈາກນັ້ນ, ຄະນະຜູ້ແທນໄດ້ ເຂົ້າວາງດອກໄມ້ ທູບທຽນ ອາໄລ ຢູ່ ອະນຸສອນ ນັກຮົບເສຍສະຫຼະ ລາວ-ຫວຽດ ທີ່ບ້ານ ເກິນ, ອາໄລເຖິງ ນັກຮົບເສຍສະຫຼະ 28 ສະຫາຍ, ໃນນັ້ນມີ 25 ສະຫາຍແມ່ນ ທະຫານອາສາສະຫມັກຫວຽດນາມຮ່ວມຄຽງບ່າຄຽງໄລ່ກັບ ທະຫານ ລາວຕໍ່ສູ້ກັບ ແລະ ເສຍສະຫຼະ ຢູ່ ວຽງຈັນ ໃນຕໍ່ຕ້ານ ຈັກກະພັດຝຣັ່ງ, ປະກອບສ່ສ່ວນເຂົ້າໃນການປົດປ່ອຍປະເທດລາວ.

ການນຳທັງສອງແຂວງເຂົ້າວາງພວງມາລາງທີ່ອານຸສາວະລີ ປະທານໄກສອນ ພົມວິຫານ.

ຕ້ອນຮັບ ຄະນະຜູ້ແທນຂັ້ນສູງຂອງແຂວງ ອຽນບ໋າຍ ມາຢ້ຽມຢາມ ແລະ ເຮັດວຽກ ຢູ່ແຂວງວຽງຈັນ ຢ່າງສຸດໃຈ, ສະຫາຍ ວີດົງ ໄຊຍະສອນ ກຳມະການສູນກາງພັກ, ເລຂາພັກແຂວງ ເຈົ້າແຂວງ ວຽງຈັນ ໄດ້ກ່າວວ່າ: ການມາຢ້ຽມຢາມ ຂອງຄະນະຜູ້ແທນລະດັບສູງຂອງແຂວງ ອຽນບ໋າຍຄັ້ງນີ້ ແມ່ນມີຄວາມສໍາຄັນພິເສດ ບົນບັນຍາກາດທີ່ທັງສອງພັກສອງລັດ ພວມ ມີການປະຕິບັດເຄື່ອນໄຫວ ຕົວຈິງ ເພື່ອຮັດແໜ້ນ ສາຍສຳພັນມິດຕະພາບ ລະຫວ່າງສອງແຂວງ ກໍ່ຄື: ສະເຫຼີມສະຫຼອງ 55 ປີ ວັນສ້າງຕັ້ງພົວພັນການທູດ ແລະ 40 ປີ ວັນເຊັນສົນທິສັນຍາ ມິດຕະພາບ ແລະ ຮ່ວມມືຮອບດ້ານ ຫວຽດນາມ-ລາວ. ໃນກອງປະຊຸມເການເຈລະຈາ, ການນໍາແຂວງວຽງຈັນ ໄດ້ລາຍງານ ກ່ຽວກັບ ການພັດທະນາ ເສດຖະກິດ - ສັງຄົມ ໃນປີ 2017; ພ້ອມກັນນັ້ນ ປະເມີນຜົນໂຄງການຮ່ວມມື ລະຫວ່າງສອງແຂວງ ໃນປີ 2017 ແລະ ຍັງສືບຕໍ່ສະເຫນີການຮ່ວມມື ໃນປີ 2018 ດ້ວຍເນື້ອ ໃນທີ່ໄດ້ເຊັນກ່ອນໜ້ານີ້.

ຂໍຂອບໃຈຕໍ່ການຕ້ອນຮັບອັນອົບອຸ່ນ ດ້ວຍມິດຕະພາບພິເສດ ທີ່ ການນຳພັກ, ລັດຖະບານລາວ ກໍ່ຄື ການນຳຂອງແຂວງວຽງຈັນ ມອບໃຫ້ຄະນະ, ສະຫາຍ ໂດ໋ດຶກຢຸຍ ຮອງເລຂາພັກແຂວງ ເຈົ້າແຂວງໆ ອຽນບ໋າຍ ສະແດງຄວາມດີອົກດີໃຈທີ່ໄດມາ ຢ້ຽມຢາມ ແລະ ເຮັດວຽກຢູ່ແຂວງ ວຽງຈັນພ້ອມກັນນັ້ນ ສະຫາຍ ຕີລາຄາສູງຕໍ່ຜົນສຳເລັດ ທີ່ແຂວງວຽງຈັນ ບັນລຸໄດ້ ໃນປີ 2017. ທີ່ກອງປະຊຸມເຈລະຈາ, ສະຫາຍ ໂດ໋ດຶກຢຸຍ ຮອງເລຂາພັກແຂວງ ເຈົ້າແຂວງໆ ອຽນບ໋າຍ ໄດ້ແຈ້ງໃຫ້ຊາບກ່ຽວກັບ ບາງຜົນສຳເລັດທີ່ພົ້ນເດັ່ນຂອງ ແຂວງ ອຽນບ໋າຍ; ໂດຍສະເພາະ ໃນປີ 2017, 28/31ເປົ້າໝາຍໄດ້ບັນລຸ ແລະ ເກີນຄາດໝາຍທີ່ວາງອອກ; ເກັບລາຍຮັບເຂົ້າງົບປະມານ ດ້ວຍຕົວເລກ 2,500 ຕື້ດົ່ງ. ໃນຕໍ່ໜ້າ, ຄະນະພັກແຂວງອຽນບ໋າຍ, ປັບປຸງ, ຍົກສູງຄວາມຮູ້ຄວາມສາມາດ ການນຳ ແລະ ການຕໍ່ສູ້ຂອງຄະນະພັກແຂວງ; ຍູ້ແຮງພັດທະນາ ອຸດສາຫະກຳ, ຫັນເປັນກົນຈັກໃນການເພີ່ມພູນຜລິດຜົນ ກໍ່ຄືການກະສິກຳ, ບໍລິການ ແລະ ວຽກງານທາງດ້ານຊົນນະບົດ; ລົງທືນຂຸດຄົ້ນ, ເສີມຂະຫຍາຍ ທ່າແຮງ, ນຳການທ່ອງທ່ຽວ ການເປັນຂະແໜງປາຍແຫຼມ ບຸກທະລຸກ; ຍົກລະດັບພະນັກງານ ບຸກຄະລາກອນ, ຍູ້ແຮງການປັບປຸງນະໂຍບາຍດ້ານການປົກຄອງ, ຈັດວາງ ໂຄງຮ່າງການຈັດຕັ້ງພະນັກງານສັງກັດລັດ.

ພິເສດ ທີ່ກອງປະຊຸມ ສະຫາຍ ໂດ໋ດຶກຢຸຍ ໄດ້ເນ້ນໜັກ ກ່ຽວກັບ ນຳໃຈມິດຕະພາບ ອ້າຍນ້ອງ ຫວຽດ-ລາວ ແລະ ສາຍພົວພັນຮ່ວມມື ລະຫວ່າງ ສອງແຂວງ. ໃນ 10 ປີ , ສາຍພົວພັນຮ່ວມມືມິດຕະພາບ ນັບມື້ນັບພັດທະນາ ເລິກເຊິ່ງ, ເປັນຈິງ ແລະ ມີປະສິດທິຜົນ ຄື: ຂະແໜງ ສືກສາ ແລະກໍ່ສ້າງ, ສາທາລະນະສຸກ, ກະສິກຳ, ຊ່ວຍເຫຼືອດ້ານການລົງທືກໍ່ສ້າງພື້ນຖານໂຄງລາງ, ແລກປ່ຽນ ແລະ ແບ່ງປັນ ບົດຮຽນໃນການຄຸ້ມຄອງລັດ;ຜົນສຳເລັດດັ່ງກ່າວໄດ້ເຮັດໃຫ້ການນຳສອງແຂວງມີຄວາມສົນໃຈ, ຄວາມພະຍາຍາມອົງການຊ່ຽວຊານແນໃສ່ປະກອບສ່ວນເຂົ້າໃນການພັດທະນາຮ່ວມກັນ, ເສີມສ້າງໃຫ້ສາຍພົວພັນພິເສດ ຫວຽດ-ລາວ. ສະຫາຍກໍ່ມີຄວາມມຸ້ງຫວັງວ່າ: ໃນປີຕໍ່ໄປ ທັງສອງແຂວງ ຈະສືບຕໍ່ເພີ່ມທະວີການພົບປະ, ໄກ້ສິດ ລະຫວ່າງ ການນຳລະດັບສູງ; ສ້າງເງື່ອນໄຂສະດວກໃຫ້ແກ່ການເປີດກວ້າງການຮ່ວມມື ແລກປ່ຽນ ລະຫວ່າງ ພະແນກ, ຂະແໜງ, ໜ່ວຍງານ. ສືບຕໍ່ເອົາໃຈໃສ່ ແລະ ເພີ່ມທະວີການເຄື່ອນໄຫວ ຮວ່ມມືໄດ້ຮັບການເຊັນອະນຸມັດ; ສອງແຂວງຄວນຈັດຕັ້ງປະຕິບັດ ພັດທະນາ ດ້ານການທ່ອງທ່ຽວ; ແລກປ່ຽນວັດທະນະທຳ ແລະ ກິລາ ເພື່ອເພີ່ມທະວີຄວາມສາມັກຄີ ແລະ ໂຄສະນາ ວັດທະນະທຳອັນເປັນເອກະລັກຂອງສອງແຂວງ. ພ້ອມກັນນັ້ນ ຢັ້ງຢືນວ່າ: ຄະນະພັກແຂວງ, ອຳນາດການປົກຄອງ ແລະ ປະຊາຊົນແຂວງອຽນບ໋າຍ ເຫັນຄວາມສຳຄັນ ແລະ ເຮັດຢ່າງສຸດກຳລັງ ເພື່ອຮັກສາ ແລະ ພັດທະນາ ສາຍສຳພັນອັນຍາວນານ, ສາມັກຄີພິເສດ ຮ່ວມຄຽງບ່າຄຽງໄລ່ກັບຄະນະພັກແຂວງ, ອຳນາດການປົກຄອງ ແລະ ປະຊາຊົນວຽງຈັນ. ໃນໂອກາດນີ ສະຫາຍ ໂດ໋ດຶກຢຸຍ ຮອງເລຂາພັກແຂວງ ເຈົ້າແຂວງໆ ອຽນບ໋າຍ ເຊີນຄະນະຜູ້ແທນຂັ້ນສູງຂອງແຂວງວຽງຈັນ ຢ້ຽມຢາມ ແລະ ເຮັດວຽກ ພ້ອມທັງຮ່ວມງານສະເຫຼີມສະຫຼອງ ຄົບຮອບ 10 ການພົວພັນຮ່ວມມື.

（ຫັດທະບູນ）