ຫວຽດນາມ-ລາວ-ຍີ່ປຸ່ນ ຮ່ວມມືກັນພັດທະນາກະສິກໍາເຕັກໂນໂລຢີສູງ

ຫວຽດນາມ-ລາວ-ຍີ່ປຸ່ນ ຮ່ວມມືກັນພັດທະນາກະສິກໍາເຕັກໂນໂລຢີສູງ.(ພາບ: vnexpress.net)

ຕາມ ທ່ານ ບຸນຕົ້ນ ຈັນທະພອນ ເລຂາພັກແຂວງ, ເຈົ້າແຂວງໆຊຽງຂວາງ ໃຫ້ຮູ້ວ່າ: ເລື່ອງບໍລິສັດ Lao-Jagro ລົງທຶນກໍ່ສ້າງກຸ່ມ “Resort” ງົວນົມ Organic ຢູ່ແຂວງຊຽງຂວາງຈະສ້າງບາດກ້າວໃໝ່ໃຫ້ແກ່ການພັດທະນາເສດຖະກິດຂອງແຂວງ, ພ້ອມກັນນັ້ນກໍ່ໜູນຊ່ວຍກ່ຽວກັບຄວາມຮູ້, ຄວາມເຂົ້າໃຈ ແລະ ບົດຮຽນໃນຕົວຈິງໃຫ້ແກ່ຊາວກະສິກອນໃນການລ້ຽງສັດ, ພັດທະນາເສດຖະກິດຄອບຄົວ; ແລະ ຈະນໍາກຸ່ມ “Resort” ງົວນົມ Organic ຢູ່ແຂວງຊຽງຂວາງ ໃຫ້ກາຍເປັນສັນຍາລັກໃນການຮ່ວມມືດ້ານເສດຖະກິດ ລາວ-ຫວຽດນາມ-ຍີ່ປຸ່ນ, ປະກອບສ່ວນຕັ້ງໜ້າ ແລະ ຊ່ວຍຮັດແໜ້ນການພັວພັນແບບພິເສດ ລາວ-ຫວຽດນາມ ກວ່າອີກ, ພ້ອມທັງຊ່ວຍສ້າງບາດກ້າວພັດທະນາໃໝ່ໃຫ້ແກ່ສາຍພົວພັນມິດຕະພາບສາມປະເທດ ລາວ-ຫວຽດນາມ-ຍີ່ປຸ່ນ.

ກຸ່ມ “Resort” ງົວນົມ Organic ໂດຍ Vinamilk ລົງທຶນຢູ່ພູພຽງຊຽງຂວາງ, ປະເທດລາວ ມີມູນຄ່າທັງໝົດ 500 ລ້ານ ໂດລາສະຫະລັດ ໃນເນື້ອທີ່ກວ້າງ 20.000 ເຮັກຕາ ດ້ວຍງົວນົມ 100.000 ໂຕ. “Resort” ງົວນົມ Organic ຢູ່ແຂວງຊຽງຂວາງ ຈະນໍາໃຊ້ເຕັກໂນໂລຢີ 4.0 ແລະບັນລຸບັນດາມາດຕະຖານກ່ຽວກັບ Organic ຂອງເອີລົບ, ອາເມລິກາ ແລະຍີ່ປຸ່ນ.

（ໄຊພອນ）