 |
ທ່ານນາງ ແພງກັນຍາພິມ ຮອງເລຂາຄະນະປະຈຳພັກແຂວງ, ຮອງເຈົ້າແຂວງຫົວພັນ ມອບຫຼຽນກາພັດທະນາຂອງລັດຖະບານ ສປປ ລາວ ໃຫ້ກອງບັນຊາການທະຫານຊາຍແດນແຂວງເຊີນລາ. (ພາບ: ວີຮ້ຽນ)
ທີ່ພິທີ, ໂດຍໄດ້ຮັບການມອບສິດຈາກນາຍົກລັດຖະມົນຕີລາວ, ທ່ານນາງ ແພງກັນ ຍາພິມ ຮອງເລຂາຄະນະປະຈຳພັກແຂວງ, ຮອງເຈົ້າແຂວງຫົວພັນ ໄດ້ມອບຫຼຽນກາພັດທະນາຂອງລັດຖະບານ ສປປ ລາວ ໃຫ້ກອງບັນຊາການທະຫານຊາຍແດນແຂວງເຊີນລາ ຍ້ອນມີຜົນງານປະກອບສ່ວນເຂົ້າໃນການສ້າງສາ ແລະພັດທະນາແຂວງຫົວພັນ ເວົ້າລວມ, ເມືອງຊົບເບົາ ເວົ້າສະເພາະ, ໄດ້ປະກອບສ່ວນເຂົ້າໃນການເພີ່ມພູນຄູນສ້າງມູນເຊື້ອອັນດີງາມ, ນໍ້າໃຈສາມັກຄີມິດຕະພາບລະຫວ່າງສອງພັກ, ສອງລັດ ແລະປະຊາຊົນສອງປະເທດ ຫວຽດນາມ-ລາວ.
ຕາງໜ້າອົງຄະນະພັກ, ອຳນາດການປົກຄອງ ແລະປະຊາຊົນແຂວງເຊີນລາ, ທ່ານ ເກິ່ມງອັກມີງ, ຮອງເລຂາພັກແຂວງ, ປະທານຄະນະກໍາມະການປະຊາຊົນແຂວງ ສະແດງຄວາມຂອບໃຈຕໍ່ຄວາມເອົາໃຈໃສ່ ແລະຮັບຮູ້ຂອງພັກ, ລັດ ສປປ ລາວ ເວົ້າລວມ; ຂອງອົງຄະນະພັກ, ອຳນາດການປົກຄອງ ແລະປະຊາຊົນແຂວງຫົວພັນ ເວົ້າສະເພາະ ໄດ້ສະຫງວນໃຫ້ແຂວງເຊີນລາ ໃນໄລຍະຜ່ານມາ; ພ້ອມທັງຢືນຢັນຄວາມຕັດສິນໃຈສູ້ຊົນສືບທອດ ແລະສືບຕໍ່ເພີ່ມພູນຄູນສ້າງນໍ້າໃຈສາມັກຄີແບບພິເສດ, ການພົວພັນມິດຕະພາບສັດຊື່ບໍລິສຸດ, ຄວາມສະໜິດຕິດພັນ ແລະການຮ່ວມມືຮອບດ້ານຫວຽດນາມ-ລາວ ແລະເຊີນລາ-ຫົວພັນ.
（ແຫຼ່ງຂໍ້ມູນ： ຄໍາແພງ/ກປ.ອອນໄລ）
