 |
ທ່ານ ສັນຕິພາບ ພົວວິຫານ ເລຂາພັກແຂວງ ເຈົ້າແຂວງໆສະຫວັນນະເຂດ ປະດັບຫຼຽນໄຊ ຂອງ ປະທານປະເທດ ແຫ່ງ ສປປ ລາວ ໃຫ້ ໝູ່ຄະນະ ແລ ະ ບຸກຄົນ ຂອງ ນະຄອນດ່າໜັງ.(ພາບ: baodanang.vn)
ໃນນັ້ນ ປະດັບຫຼຽນໄຊ ແຮງງານ ຊັ້ນໜຶ່ງ ໃຫ້ ໝູ່ຄະນະ ກຳມະການປະຊາຊົນ ນະຄອນດ່າໜັງ; ປະດັບຫຼຽນໄຊ ອິດສະຫຼະ ຊັ້ນ ສາມ ໃຫ້ ບຸກຄົນ ຈຳນວນ 4 ສະຫາຍເຊິ່ງປະກອບມີ: ສະຫາຍ ຮອງເລຂາປະຈຳພັກແຂວງ ຫວໍ ກົງຈີ໋, ປະທານ ກຳມະການປະຊາຊົນ ນະຄອນ ຮວິ່ງ ດຶກເທີ, ປະທານ ກຳມະການປະຊາຊົນ ນະຄອນ ໂຮ່ ກີ່ມິງ, ປະທານ ສະມາຄົມມິດຕະພາບ ຫວຽດ-ລາວ ປະຈຳນະຄອນດ່າໜັງ ຟຸ່ງ ເຕິ໋ນຫວຽດ ແລະ ປະດັບຫຼຽນໄຊມິດຕະພາບ ໃຫ້ ທ່ານ ເລືອງ ມິງເຊິມ ອາດີດຫົວໜ້າພະແນກ ການຕ່າງປະເທດ ນະຄອນດ່າໜັງ.
ນີ້ແມ່ນ ບັນດາບຸກຄົນ ແລະ ໝູ່ຄະນະ ທີ່ມີຜົນງານອັນດີເລີດ ໃນວຽກງານ ກໍ່ສ້າງ, ຜັນຂະຫຍາຍ ບັນດາໂຄງການ -ການຮ່ວມມື ກັບແຂວງສະຫວັນນະເຂດ ເວົ້າສະເພາະ ແລະ ກັບບັນດາທ້ອງຖິ່ງຂອງລາວ ເວົ້າລວມ ໃນໄລຍະ ລະຫວ່າງ 2013-2017.
 |
ບັນດາຜູ້ແທນຂອງສອງຝ່າຍຖ່າຍຮູບເປັນທີ່ລະນຶກ.
ຕ່າງໜ້າໃຫ້ໝູ່ຄະນະ ແລະ ບຸກຄົນ ທີ່ໄດ້ຮັບການຍ້ອງຍໍ ແລະ ດັບຫຼຽນໄຊ ໃນຄົ້ງນີ້: ທ່ານ ຫວໍ ກົງຈີ໋ ຮອງເລຂາປະຈຳພັກແຂວງ ໄດ້ສະແດງຄວາມດີໃຈຕໍ່ກັບຄວາມເອົາໃຈໃສ່ ແລະ ຮັບຮູ້ຂອງພັກ-ລັດ ແຫ່ງ ສປປ ລາວ ທີ່ມອບໃຫ້ ພັກ-ລັດ ກໍ່ຄືອຳນາດການປົກຄອງ ແລະ ປະຊາຊົນ ນະຄອນດ່າໜັງ ແລະ ບັນດາບຸກຄົນທີ່ໄດ້ຮັບການປະດັບຫຼຽນໄຊໃນຄົ້ງນີ້; ພ້ອມກັນນັ້ນ ກໍ່ຢືນຢັນວ່າ ຄະນະພັກແຂວງ, ອຳນາດການປົກຄອງ ແລະ ປະຊາຊົນ ນະຄອນດ່າໜັງ ຈະເຮັດທຸກຄວາມສາມາດ ສຶບຕໍ່ເພີ່ມພູນຄູນສ້າງ ສາຍພົວພັນຮ່ວມມືມິດຕະພາບ ພິເສດ ຫວຽດນາມ-ລາວ ເວົ້າລວມ ແລະ ດ່າໜັງ-ສະຫວັນນະເຂດເວົ້າສະເພາະໃຫ້ນັບມື້ນັບ ກວ້າງຂວາງ ແລະ ລົງສູ່ລວງເລິກ, ໝັ້ນຄົງທະນົງແກ່ນ ແລະ ຍຶນຍົງຕະຫຼອດໄປ.
（ຫັດທະບູນ）
