 |
ມອບໃບຢ້ັງຢືນສຳເລັດຊຸດຝຶກອົບຮົມວຽກງານຄຸ້ມຄອງ, ປົກປັກຮັກສາຊາຍແດນໃຫ້ແກ່ບັນດາພະນັກງານສັງກັດກອງບັນຊາການທະຫານ, ກອງບັນຊາການປ້ອງກັນຄວາມສະຫງົບແຂວງສະຫວັນນະເຂດ ແລະແຂວງສາລະວັນ.
ເຂົ້າຮ່ວມຊຸດຝຶກອົບຮົມມີ 100 ສະຫາຍສັງກັດກອງບັນຊາການທະຫານ, ກອງບັນຊາການປ້ອງກັນຄວາມສະຫງົບແຂວງສະຫວັນນະເຂດ ແລະສາລະວັນ (ສປປ ລາວ). ພາຍຫຼັງດຳເນີນການຝຶກອົບຮົມເປັນເວລາເກືອບ 1 ເດືອນ, ບັນດານັກສຳມະນາກອນ ໄດ້ເພີ່ມເຕີມບັນດາເນື້ອໃນກ່ຽວກັບກົດໝາຍ, ວິຊາສະເພາະ, ຈັດຕັ້ງການຊີ້ນຳຄຸ້ມຄອງ, ປ້ອງກັນຊາຍແດນ, ຕ້ານ ແລະສະກັດກັ້ນຢາເສບຕິດ ແລະອາດຊະຍາກຳທຸກປະເພດ...
ກ່າວຄຳເຫັນທີ່ພິທີອັດຊຸດອົບຮົມ, ທ່ານ ຮ່າສີດົງ, ຮອງປະທານຄະນະກຳມະການປະຊາຊົນແຂວງກວາງຈິ ຮັບຮູ້ ແລະຊົມເຊີຍບັນດາຄວາມມານະພະຍາຍາມຂອງກຳລັງທະຫານຊາຍແດນແຂວງກວາງຈິ ກໍ່ຄືກອງບັນຊາການທະຫານ, ກອງບັນຊາການປ້ອງກັນຄວາມສະຫງົບແຂວງສະຫວັນນະເຂດ ແລະແຂວງສະລາວັນ. ຜ່ານນັ້ນບັນດາສະຫາຍເຂົ້າຮ່ວມຊຸດຝຶກອົບຮົມໄດ້ປະຕິບັດສຳເລັດບັນດາເນື້ອໃນຂອງຊຸດອົບຮົມວາງອອກ. ນີ້ແມ່ນວຽກເຮັດແທດຈິງ, ສະແດງໃຫ້ເຫັນນ້ຳໃຈສາມັກຄີແບບພິເສດລະຫວ່າງແຂວງກວາງຈິ ກັບບັນດາແຂວງທີ່ມີເສັ້ນຊາຍແດນຮ່ວມ; ພ້ອມກັນສົມທົບການປົກປັກ ຮັກສາອຳນາດອະທິປະໄຕເຂດຊາຍແດນ, ປະກອບສ່ວນກໍ່ສ້າງຊາຍແດນແຫ່ງສັນຕິພາບ, ມິດຕະພາບ, ການຮ່ວມມືສາມັກຄີສະໜິດຕິດພັນຢ່າງໜຽວແໜ້ນລະຫວ່າງສອງປະເທດຫວຽດນາມ - ລາວ.
（ແຫຼ່ງຂໍ້ມູນ： ແສງເດືອນ/ກປ.ອອນໄລ）
