 |
ພິທີປະດັບຫຼຽນໄຊແຮງງານຊັ້ນ III ໂດຍປະທານປະເທດ ສປປ ລາວ ມອບໃຫ້ໂຮງຮຽນເລຢ໊ວນ, ຮ່າໂນ້ຍ. (ພາບ: http://hanoimoi.com.vn)
ກ່າວຄຳເຫັນໃນພິທີ ເລຂາ ຊາວໜຸ່ມ ນະຄອນຮ່າໂນ້ຍ ຫງວ໋ຽນຫງ໋ອກ ຫວຽດ ໄດ້ເນັ້ນໜັກວ່າ: ໃນຊຸຸມປີທີ່ຜ່ານມາ ຄະນະຊາວໜຸ່ມນະຄອນຮ່າໂນ້ຍ ແລະ ຄະນະຊາວໜຸ່ມ ນະຄອນຫຼວງວຽງຈັນ ໄດ້ມີການຮ່ວມມືຮອບດ້ານ ໃນຫຼາຍໆຂົງເຂດ ພິເສດແມ່ນວຽກງານການກໍ່ສ້າງ, ອົບຮົມ ພະນັກງານ ຮັບຜິດຊອບ ອະນຸຊົນ ໃຫ້ແກ່ ຄະນະຊາວໜຸ່ມ ນະຄອນຫຼວງວຽງຈັນ.
ການກໍ່ສ້າງແຕ່ລະຊຸດແມ່ນເພື່ອເຮັດໃຫ້ນັກສຳມະນາກອນ ມີຄວາມຮູ້, ຄວາມສາມາດ, ວິຊາສະເພາະ ໃນການຈັດຕັ້ງປະຕິບັດວຽກງານກອງເຍົາວະຊົນ ໃນໂຮງຮຽ ແລະ ວິທີການຈັດຕັ້ງ ບັນດາຮບູແບບແຜນງານການເຄື່ອນໄຫວຕົວຈິງ, ພ້ອມກັນນັ້ນເພີ່ມທະວີ ຄວາມສາມັກຄີ ມິດຕະພາບ ຫວຽດນາມ-ລາວ, ຊຸກຍູ້ແລກປ່ຽນ ຮ່ວມມືພັດທະນາ ວຽກງານຊາວໜຸ່ມ ແລະ ຂະບວນການເຍົາວະຊົນ ຂອງ ໄວໜຸ່ມ ຂອງສອງປະເທດ. ຕັ້ງແຕ່ 2008 ມາຮອດປະຈຸບັນ, ໂຮງຮຽນເລຢ້ວນ ໄດ້ກໍ່ສ້າງ (ຈັດຝຶກອົບຮົມ) ໄດ້ 10 ຊຸຸດ ແລວ້ ເຊິ່ງມີນັກຮຽນປະມານ 200 ຄົນ.ເພື່ອປະກອບສ່ວນໃນການເພີ່ມພູນຄູນສ້າງ ແລະ ພັດທະນາສາຍພົວພັນ ລະຫວ່າງ ປະຊາຊົນຂອງ ຫວຽດນາມ-ລາວ, ໃນອານາຄົດ ຊາວໜຸ່ມຮ່າໂນ້ຍ ແລະ ຊາວໜຸ່ມນະຄອນຫຼວງວຽງຈັນ ຈະຍູ້ແຮງບັນດາການເຄື່ອນໄຫວກໍ່ຄືກິດຈະກຳ ວຽກງານອາສາສະໝັກ, ເພີ່ມທະວີໃນການຊ່ວຍເຫຼືອ, ຕອບສະໜອງຄວາມຮຽກຮ້ອງຕ້ອງການອັນຈຳເປັນແກ່ຊາວໜຸ່ມ-ເຍົາວະຊົນ;ຊີ້ນຳໂຮງຮຽນເລຢ້ວນ ເປີດກວ້າງ ເປົ້າໝາຍຂອງການກໍ່ສ້າງ, ອົບຮົມ ເຊິ່ງປະກອບມີ: ພະນັກງານ ຊາວໜຸ່ມ-ສະມາຄົມ-ກອງເຍົາວະຊົນ ໃຫ້ແກ່ນະຄອນຫຼວງວຽງຈັນ.
ຮັບຮູ້ເຖິງການປະກອບສ່ວນຂອງ ໂຮງຮຽນ ເລຢ້ວນ ໃນຂົງເຂດການກໍ່ສ້າງ, ອົບຮົມ ພະນັກງານຮັບຜິດຊອບວຽງກງານເຍົາວະຊົນ ໃຫ້ແກ່ຄະນະຊາວໜຸ່ມນະຄອນຫຼວງວຽງຈັນ, ປະກອບສ່ວນເພີ່ມທະວີຄວາມສາມັກຄີ ມິດຕະພາບຫວຽດນາມ-ລາວ, ຍຸກຍູ້ ການແລກປ່ຽນຮ່ວມມືພັດທະນາ ກ່ຽວກັບວຽກງານ ຊາວໜຸ່ມ ແລະ ຂະບວນການເຍົາວະຊົນ ຂອງ ໄວໜຸ່ມ ນະຄອນຫຼວງ ຂອງສອງປະເທດ, ໂຮງຮຽນມີຄວາມພາກພູມໃຈເປັນຢ່າງຍິ່ງ ທີ່ໄດ້ຮັບການປະດັບຫຼຽນໄຊ ແຮງງານ ຊັ້ນ 3 ຈາກ ສປປ ລາວ ໃນຄັ້ງນີ້.
（ຫັດທະບູນ）
