 |
ແລກປ່ຽນວັດທະນະທຳ ລະຫວ່າງ ແຂວງ ກອນຕູມ ແລະ ແຂວງເຊກອງ.(ພາບ: bienphong.com.vn/ກິມເຍື້ອງ)
ໃນຊຸມປີທີ່ຜ່ານມາ ແຂວງກອນຕູມ ແລະ ແຂວງເຊກອງ ໄດ້ຍູ້ແຮງໂຄງການ ການແຮກສ່ຽວລະຫ່າງ ບ້ານ, ກຸ່ມບ້ານ, ອຳນາດການປົກຄອງ ຮາກຖານ ແລະ ກຳລັງປ້ອງກັນ ສອງຝັ່ງຊາຍແດນ ຂອງສອງຊາດ. ຈັດຕັ້ງປະຕິບັດໄດ້ເປັນຢ່າງດີວຽກງານໂຄສະນາ ໃຫ້ແກ່ປະຊາຊົນທັງສອງຟາກຊາຍແດນ ຮູ້ຢ່າງຈະແຈ້ງ ບັນດາສົນທິສັນຍາ, ກົດລະບຽບຊາຍແດນ, ປະສານສົມທົບກັນແກ້ໄຂບັນຫາ, ຊ່ວຍເຫຼືອເຊິ່ງກັນແລະກັນ, ຈັບມືກັນສ້າງຊີວິດການເປັນຢູ່ ກໍ່ຄືເສດຖະກິດລຽບຕາມແນວຊາຍແດນ ໃຫ້ນັບມື້ນັບພັດທະນາ ສູງຂື້ນ.
 |
ກຳລັງປົກປ້ອງຊາຍແດນຂອງສອງແຂວງ ຮ່ວມກັນລາດຕະເວນ.(ພາບ: bienphong.com.vn/ກິມເຍື້ອງ)
ພົ້ນເດັ່ນແມ່ນການ ເຮັດສັນຍາແຮກສ່ຽວລະຫວ່າງ ສອງບ້ານຂອງແຂວງ ກອນຕູມ ແລະ ແຂວງ ເຊກອງ.
ການແຮກສ່ຽວບ້ານກໍ່ຄືກຸ່ມບ້ານ ຢູ່ຕາມແນວຊາຍແດນ ແມ່ນເພື່ອສ້າງຄວາມປ່ຽນແປງ ໃນການຮັບຮູ້ຂອງອຳນາດການປົກຄອງ ທ້ອງຖິ່ນກໍ່ຄືປະຊາຊົນທັງສອງຝ່າຍ, ສ້າງຈຸດເລີ່ມຕົ້ນຂອງການພັດທະນາ ກຳລັງແຮງຂອງມວນມະຫາຊົນຂອງແຕ່ລະຟາກຂອງຊາຍແດນ, ພ້ອມກັບປະສານສົມທົບ, ສະກັດກັ້ນການເຄື່ອນໄຫວຂອງພວກສັດຕູ, ພວກສວຍໂອກາດ ຫຼອກໃຊ້ນະໂຍບາຍຕໍ່ປະຊາຊົນ, ສາດສະໜາ ຕ້ານກັບແນວທາງ, ນະໂຍບາຍສາມັກຄີຂອງປະຊາຊົນຂອງສອງປະເທດ. ການແຮກສ່ຽວເຮັດສ້າງເງື່ອນໄຂຄວາມສະດວກໃນການໂຄສະນາ, ເຜີຍແຜ່ໃຫ້ແກ່ປະຊາຊົນຮັບຮູ້ ດ້ານກົດໝາຍຂອງສອງປະເທດ, ຈາກນັ້ນເຮັດໃຫ້ປະຊາຊົນຕື່ນຕົວເຂົ້າຮ່ວມ ແລະ ຈັດຕັ້ງປະຕິບັດຢ່າງຕັ້ງໜ້າແລະ ຖືກຕ້ອງ, ຄົບຖ້ວນ ບັນດາເນື້ອໃນ, ກົດລະບຽບທີ່ລັດຖະບານທັງສອງຝ່າຍໄດ້ລົງນາມນຳກັນ .
（ຫັດທະບູນ）
