ພິທີປະດັບ ຫຼຽນໄຊ ອິດສະຫຼະ ຂອງ ສປປ ລາວ ໃຫ້ແກ່ການນຳ ແນວໂຮມຊາດ ແລະ ຄະນະກຳມະການ ຂົນຂວາຍສູນກາງ ຫວຽດນາມ

ພິທີປະດັບ ຫຼຽນໄຊ ອິດສະຫຼະ ຂອງ ສປປ ລາວ ໃຫ້ແກ່ການນຳ ແນວໂຮມຊາດ ແລະ ຄະນະກຳມະການ ຂົນຂວາຍສູນກາງ ຫວຽດນາມ.

ຕອນບ່າຍຂອງວັນທີ 4 ກັນຍາ ທີ່ຮ່າໂນ້ຍ ຕ່າງໜ້າ ຂອງທ່ານປະທານປະເທດ ແລະ ລັດຖະບານ ແຫ່ງ ສປປ ລາວ ກຳມະການກົມການເມືອງ ປະທານຄະນະກຳມະການສູນກາງແນວລາວສ້າງຊາດລາວ ທ່ານ ໄຊສົມພອນ ພົມວິຫານ ໄດ້ປະດັບຫຼຽນໄຊອິດສະຫຼະ ໃຫ້ແກ່ ບັນດາສະຫາຍ ການນຳຄະນະກຳມະກາານ ຂົນຂວາຍສູນກາງ; ຄະນະກຳມະການສູນກາງແນວໂຮມຊາດຫວຽດນາມ; ຄະນະກຳມະການຊົນເຜົ່າ; ຄະນະກຳມະການພຸດທະສາດສະໜາ ລັດຖະບານ ເພື່ອຮັບຮູ້ເຖິງຄຸນງາມຄວາມດີໃນຜົນງານ ແລະ ການປະກອບສ່ວນ ອັນດີເດັ່ນຂອງບັນດາ ສະຫາຍໃນວຽກງານ ປັບປຸງ ແລະ ເພີ່ມທະວີ ມູນເຊື້ອສາຍພົວພັນມິດຕະພາບ ສາມັກຄີພິເສດ ແລະ ຮ່ວມມືຮອບດ້ານຫວຽດນາມ-ລາວ.

ກ່າວຄຳເຫັນທີ່ກອງປະຊຸມ ປະທານຄະນະກຳມະການສູນກາງແນວລາວສ້າງຊາດລາວ ທ່ານ ໄຊສົມພອນ ພົມວິຫານ ໄດ້ເນັ້ນໜັກວ່າ: ຜ່ານປະຫວັດສາດທີ່ຫຍຸ້ງຍາກສັບສົນ ສອງປະຊເທດ ຫວຽດນາມ-ລາວ ຍາມໃດກໍ່ຍັງເປັນຈິດໜຶ່ງໃຈດຽວກັນ ສະໜິດແໜ້ນ ແລະ ຊ່ວຍເຫຼືອເຊິ່ງກັນແລະກັນ. ປະຈຸບັນໃນສະພາບການແຫ່ງການເຊື່ອມໂຍງ ແລະ ສ້າງສາປະເທດຊາດ ນຳ້ໃຈສາມັກຄີ ແລະ ມູນເຊື້ອ ໄດ້ກາຍເປັນຄວາມຮຽກຮ້ອງຕັດສິນ ແລະ ສົມບັດອັນມີຄ່າຫາສິ່ງປຽບບໍ່ໄດ້ຂອງປະຊາຊົນບັນດາເຜົ່າ ລາວ-ຫວຽດນາມ; ການຮ່ວມມືດ້ານເສດຖະກິດ - ການຄ້າ ໂດຍສະເພາະແມ່ນວຽກງານຂົນຂວາຍໃນໄລຍະທີ່ຜ່ານມາ ຍາມໃດກໍ່ໄດ້ຮັບຄວາມເຄົາລົບນັບຖື ແລະ ເຫັນດີເອກກະພາບ ຈາກປະຊາຊົນທັງສອງຊາດ.

ປະທານກຳມະການສູນກາງແນວໂຮມຊາດຫວຽດນາມ ທ່ານເຈີ່ນແທັງ ເໝີ໋ນໃຫ້ຮູ້ວ່າ: ນີ້ແມ່ນລາງວັນ ອັນລຳ້ຄ່າ ແລະ ການຮັບຮູ້ຂອງພັກ-ລັດຖະບານ ແຫ່ງ ສປປ ລາວ ມອບໃຫ້ແກ່ການປະກອບສ່ວນຂອງ ຄະນະກຳມະການາຂົນຂວາຍສູນກາງ, ແນວໂຮມຊາດຫວຽດນາມ, ຄະນະກຳມະການຊົນເຜົ່າ, ຄະນະກຳມະການ ພຸດທະສາດສະໜາ ລັດຖະບານ ຫວຽດນາມ ເຂົ້າໃນມູນເຊື້ອສາຍພົວພັນມິດຕະພາບ ນຳ້ໃຈສາມັກຄີພິເສດ ລາວ-ຫວຽດນາມ ແມ່ນສົມບັດອັນມີຄ່າມະຫາສານ ຂອງສອງປະຊາຊົນບັນດາເຜົ່າ ໂດຍ ປະທານ ໂຮ່ຈີ໋ມິງ ແລະ ປະທານ ໄກສອນ ພົມວິຫານ, ປະທານ ສຸພານຸວົງ ເປັນຜູ້ສ້າງຮາກຖານ ແລະ ໄດ້ຮັບການສືບສານ ແລະ ເສີມຂະຫຍາຍ ຈາກ ບັນດາຜູ້ນຳອັນດັບສູງຫຼາຍເຊັ່ນຄົນ ແລະ ປະຊາຊົນທັງສອງຊາດ.

ປະຊາຊົນຫວຽດນາມ ຍາມໃດກໍ່ມີຄວາມພາກພູມໃຈທີ່ມີປະຊາຊົນລາວເປັນເພື່ອນທີ່ສັດຊື່ໂປ່ງໃສ ໃນຂະບວນການ-ການຕໍ່ສູ້ປົດປ່ອຍປະຊາຊົນ ເມື່ອກ່ອນ ກໍ່ຄືໃນຂະບວນການປ່ຽນແປງໃໝ່ ສ້າງສາ ແລະ ພັດທະນາປະເທດຊາດໃນປະຈຸບັນ.

（ຫັດ​ທະ​ບູນ）