 |
ທ່ານ ຫງວຽນ ຮວ່າຍ ເຟືອງ ຮັບຟັງລາຍງານວຽກງານກະກຽມໃຫ້ລາຍການພົບປະແລກປ່ຽນ. (ພາບ: bienphong.com.vn)
ລາຍການພົບປະແລກປ່ຽນມິດຕະພາບເຂດຊາຍແດນຫວຽດນາມ-ລາວ ປີ 2019 ໂດຍກອງບັນຊາການທະຫານຊາຍແດນ ແລະຄະນະກໍາມະການປະຊາຊົນ, ຄະນະພັກແຂວງກວ໋າງຈິ ຊີ້ນໍາຈັດຕັ້ງໃນລະຫວ່າງວັນທີ 29-30 ກໍລະກົດ, ຢູ່ເທດສະບານເມືອງລາວບ໋າວ, ເມືອງເຮື໋ອງຮວ໋າ, ແຂວງກວ໋າງຈິ ດ້ວຍບັນດາການເຄື່ອນໄຫວຕົ້ນຕໍ, ຄື: ປະເມີນຜົນ 15 ປີແຫ່ງການແຮກສ່ຽວບ້ານ-ບ້ານລະຫວ່າງສອງຟາກຊາຍແດນ, ການລາດຕະເວນຮ່ວມ, ການປູກຕົ້ນໄມ້ມິດຕະພາບ, ການໂອ້ລົມສົນທະນາພົບປະແລກປ່ຽນກ່ຽວກັບວຽກງານປົກປັກຮັກສາຊາຍແດນ.
 |
ທີມລາດຕະເວນຮ່ວມຂອງຄ້າຍທະຫານຊາຍແດນ ດ່ານຊາຍແດນສາກົນລາວບ໋າວ ແລະກອງຮ້ອຍ 321, ກອງບັນຊາການທະຫານແຂວງສະຫວັນນະເຂດ, ລາວ ສືບຕໍ່ຝຶກແອບ. (ພາບ: bienphong.com.vn)
ເພື່ອໃຫ້ລາຍການດໍາເນີນໄດ້ຮັບຜົນສໍາເລັດຖືກຕ້ອງຕາມຄວາມຮຽກຮ້ອງ, ຈຸດປະສົງ, ຄວາມໝາຍ, ໃນໄລຍະຜ່ານມາ, ທະຫານຊາຍແດນແຂວງກວ໋າງຈິ ໄດ້ສົມທົບກັບອຳນາດການປົກຄອງທ້ອງຖິ່ນ, ບັນດາກໍາລັງກ່ຽວຂ້ອງຜັນຂະຫຍາຍເນື້ອໃນ. ຮອດຕອນບ່າຍວັນທີ 28 ກໍລະກົດ, ວຽກງານກະກຽມທຸກຢ່າງໄດ້ສໍາເລັດ, ກຽມພ້ອມໃຫ້ບັນດາການເຄື່ອນໄຫວຕົ້ນຕໍໃນລາຍການໄດ້ຮັບການດໍາເນີນຕາມແຜນການ.
 |
ທ່ານພົນຈັດຕະວາ ຫງວຽນຮວ່າຍເຟືອງ ກວດກາຢູ່ຫໍປະຊຸມຈັດຕັ້ງພິທີປະເມີນຜົນ 15 ປີແຫ່ງການແຮກສ່ຽວບ້ານ-ບ້ານລະຫວ່າງສອງຟາກຊາຍແດນ. (ພາບ: bienphong.com.vn)
ພາຍຫຼັງການກວດກາຕົວຈິງແລ້ວ, ທ່ານພົນຈັດຕະວາ ຫງວຽນຮວ່າຍເຟືອງ ຕີລາຄາສູງຄວາມມານະພະຍາຍາມຂອງກໍາລັງຕ່າງໆໃນການຜັນຂະຫຍາຍໜ້າທີ່ໄລຍະຜ່ານມາ; ຮຽກຮ້ອງໃຫ້ພະນັກງານ, ນັກຮົບບັນດາກົມກອງສືບຕໍ່ມານະພະຍາຍາມສໍາເລັດບັນດາວຽກງານກະກຽມສຸດທ້າຍກ່ອນທີ່ຈະດໍາເນີນບັນດາເຫດການຕົ້ນຕໍໃນລາຍການ.
（ແຫຼ່ງຂໍ້ມູນ： la.qdnd.vn）
