ບັນດາຜູ້ແທນໄດ້ຖ່າຍຮູບເປັນທີ່ລະນຶກຮ່ວມກັບ ນັັກປະພັນ ເຈິ່ນ ກົງ ເຕິ໋ນ ລູກລ້ຽງຂອງ ປະທານ ສຸພານຸວົງ (ຢືນຢູ່ລະຫວ່າງກາງຖືໄມ້ເທົ້າ).

ເຂົ້າຮ່ວມໃນງານພົບປະສະເຫຼີມສະຫຼອງ ປະກອບມີ ທ່ານນາງ ພິມພາ ແກ້ວມີໄຊ- ກົງສຸນໃຫຍ່ ແຫ່ງ ສປປ ລາວ ປະຈຳນະຄອນໂຮ່ຈິ໋ມິນ (HUFO), ທ່າ ກວິ່ງ ແກັກ ມ້າງ-ປະທານ ສະມາຄົມມິດຕະພາບ ຫວຽດ-ລາວ ນະຄອນໂຮ່ຈິ໋ມິນ, ພະອາຈານ ປອ ທິກ ທ້ຽນ ເຕິມ-ຮອງເຈົ້າຄະນະອົງການພຸດທະສາດສະໜາຫວຽດນາມ ແລະ ຄອບຄົວຂອງ ນັກປະພັນ ເຈິ່ນ ກົງ ເຕິ໋ນ.

ກ່າວຄໍາເຫັນໃນພິທີຄັ້ງນີ້, ທ່ານ ຮວິ່ງ ແກັກ ມ້າງ ປະທານສະມາຄົມມິດຕະພາບ ຫວຽດນາມ - ລາວ ນະຄອນໂຮ່ຈິ໋ມິນ ໄດ້ສະແດງຄວາມກະຕັນຍູ ລະນຶກເຖິງປະທານ ສຸພານຸວົງ ລູກຮັກຫຼາຍແພງຂອງປະຊາຊົນລາວບັນດາເຜົ່າ.

"ປະທານ ສຸພານຸວົງ ແມ່ນເພື່ອນທີ່ມີຄວາມຍິ່ງໃຫຍ່ເປັນກັນເອງ, ຊື່ສັດຈິງໃຈ, ເປັນສະຫາຍຮ່ວມຕໍ່ສູ້ກັບປະຊາຊົນຫວຽດນາມ. ທ່ານໄດ້ປະກອບສ່ວນອັນໃຫຍ່ຫຼວງ ແລະ ມີຄຸນຄ່າໃຫ້ແກ່ສາຍພົວພັນມິດຕະພາບ, ຄວາມສາມັກຄີພິເສດ ແລະ ຮ່ວມມືຮອບດ້ານ ລະຫວ່າງ ຫວຽດນາມ-ລາວ. ໃນເດືອນກໍລະກົດ, ພວກເຮົາໄດ້ຮໍາລຶກເຖິງຜູ້ນໍາການປະຕິວັດ, ບັນດາວິລະຊົນ ແລະ ວິລະບຸລຸດ ຜູ້ທີ່ໄດ້ເສຍສະຫຼະ ເພື່ອພາລະກິດປະຕິວັດປະຊາຊົນ ຫວຽດນາມ-ລາວ ". ທ່ານ ຮວິ່ງ ແກັກ ມ້າງ - ປະທານສະມາຄົມມິດຕະພາບ ຫວຽດນາມ - ລາວ ນະຄອນໂຮ່ຈິ໋ມິນ ໄດ້ແບ່ງປັນ.

ທ່ານ ຮວິ່ງ ແກັກ ມ້າງ - ປະທານສະມາຄົມມິດຕະພາບ ຫວຽດນາມ - ລາວ ນະຄອນໂຮ່ຈິ໋ມິນ ໄດ້ກ່າວໃນພິທີດັ່ງກ່າວ.

ທ່ານນາງ ພິມພາ ແກ້ວມີໄຊ - ກົງສຸນໃຫຍ່ ແຫ່ງ ສປປ ລາວ ປະຈໍາ ນະຄອນໂຮ່ຈີມິນ ມີຄວາມຕື້ນຕັນ ຕໍ່ກັບນຳ້ໃຈ ທີ່ປະຊາຊົນຫວຽດນາມມອບໃຫ້ ທ່ານປະທານ ສຸພານຸວົງ ທີ່ລ່ວງລັບໄປແລ້ວ. ທ່ານໄດ້ຝາກຄຳຂອບອົກຂອບໃຈເຖິງ ສະມາຄົມມິດຕະພາບຫວຽດນາມ - ລາວ ແລະ ຄອບຄົວຂອງນັກຂຽນ ເຈິ່ນ ກົງ ເຕິ໋ນ ທີ່ໄດ້ຈັດພິທີງານສະເຫລີມສະຫລອງຢ່າງອົບອຸ່ນ ແລະ ເຕັມໄປດ້ວຍມິດຕະພາບ-ໄມຕີຈິດ, ພ້ອມດຽວກັນນັ້ນ, ທ່ານນາງ ພິມພາ ແກ້ວມີໄຊ ຍັງຢືນຢັນວ່າ: ສາຍພົວພັນພິເສດ ລະຫວ່າງ ຫວຽດນາມ-ລາວ ໄດ້ນັບມື້ນັບພັດທະນາຢ່າງເຂັ້ມແຂງ ແລະ ຍືນຍົງຍາວນານ.

ທ່ານນາງ ພິມພາ ແກ້ວມີໄຊ - ກົງສຸນໃຫຍ່ ແຫ່ງ ສປປ ລາວ ປະຈໍາ ນະຄອນໂຮ່ຈີມິນ ຕື້ນຕັນໃຈ ຕໍ່ກັບຄວາຮັກກໍ່ຄືນຳ້ໃຈຂອງປະຊາຊົນຫວຽດນາມ ມອບໃຫ້ ປະທານ ສຸພານຸວົງ.

ໃນພິທີສະເຫຼີມສະຫຼອງ, ຄະນະຜູ້ແທນໄດ້ມີໂອກາດ ຢ້ຽມຢາມ "ພື້ນທີ່ມິດຕະພາບຫວຽດນາມ - ລາວ" ຂອງນັກຂຽນ ເຈິ່ນ ກົງ ເຕິ໋ນ ເຊິ່ງເຕັມໄປດ້ວຍຮູບພາບ, ວັດຖຸເຊິ່ງສະແດງໃຫ້ເຫັນເຖິງມິດຂອງຫວຽດນາມ - ລາວ.

ພື້ນທີ່ມິດຕະພາບຫວຽດນາມ - ລາວ ຢູ່ທີ່ ເຮືອນຂອງນັກຂຽນ, ອາດີດທະຫານສາຍລັບ ເຈີ່ນ ກົງ ເຕີ໋ນ ລູກລ້ຽງຂອງປະທານ ສຸພານຸວົງ.

ປະທານ ສຸພານຸວົງ ມາຈາກຄອບຄົວພະລາດສະວົງຂອງລາວ. ໃນໄລຍະເວລາທີ່ເຮັດວຽກ ຢູ່ໃນປະເທດຫວຽດນາມ, ພະອົງໄດ້ອຸທິດຕົນທັງຫມົດໃນການອອກແບບ ແລະ ຮັບຜິດຊອບການກໍ່ສ້າງໂຄງການຊົນລະປະທານຢ່າງຫຼວງຫຼາຍທົ່ວພາກເຫນືອ, ພາກກາງ ແລະ ພາກໃຕ້. ໃນນັ້ນ, ມີຈຳນວນ 7 ໂຄງການ ທີ່ຍັງຄົງໃຊ້ຢູ່ເຊັ່ນ: ເຂື່ອນ ບ໋າຍເທື້ອງ ຢູ່ ແທັງຫວ໋າ, ບໍ່ພຽງແຕ່ເປັນປະໂຫຍດໃນການຄວບຄຸມແຫຼ່ງນ້ໍາ ສໍາລັບການຜະລິດ, ດໍາລົງຊີວິດ ແລະ ການຜະລິດກະສິກໍາ, ແຕ່ຍັງເປັນສະຖານທີ່ທີ່ສວຍງາມ ຫນ້າສົນໃຈສໍາລັບນັກທ່ອງທ່ຽວ. ໂຄງການ ນຳ້ຕົກ ຟານທຽດ ໄດ້ຮັການຕີລາຄາຈາກນັກວະຊາວະກອນ ວ່າແມ່ນໂຄງກາານທີ່ສວຍສົດງົດງາມ ແລະ ມີຄວາມເປັນເອກກະລັກສະເພາະຕົວ ໃນບັນດານຳ້ຕົກຕາດທີ່ໄດ້ສ້າງຂື້ນຢູ່ ຫວຽດນາມ ແລະ ໄດ້ກາຍເປັນສັນຍາລັກພິເສດໃຫ້ແກ່ແຂວງ ບິ່ງທົ້ນ ຢ່າງເປັນທາງການ. ນີ້ແມ່ນໂຄງການທີ່ມີປະຫວັດສາດ, ທີ່ສະແດງເຖິງ, ສາຍພົວພັນຢ່າງເລິກເຊິ່ງ ລະຫວ່າງ ປະຊາຊົນສອງປະເທດຂອງຫວຽດນາມ-ລາວ.

ນັກຂຽນ ເຈີ່ນ ວັນ ກົງ ສົນທະນາກັບ ກົງສຸນໃຫຍ່ ແຫ່ງ ສປປ ລາວ.

ໃນປີ 1945, ປະທານໂຮ່ຈີມິນ ໄດ້ເຊື້ອເຊີນ ສົມເດັດ ສຸພານຸວົງ ໄປຢ້ຽມຢາມ ຮ່າໂນ້ຍ ເພື່ອປຶກສາຫາລືກ່ຽວກັບ ການຊ່ວຍເຫຼືອເຊິ່ງກັນແລະກັນ ລະຫວ່າງຫວຽດນາມ-ລາວ. ຍ້ອນພົບປະຄັ້ງປະຫວັດສາດຄັ້ງນັ້ນ, ໄດ້ເປັນຂີດໝາຍກ້າວກະໂດດສຳຄັນໃນຊີວິດ ແລະ ການເຮັດການປະຕິວັດຂອງສົມເດັດ ສຸພານຸວົງ. ໃນເວລາດຽວກັນ, ເປີດຫນ້າໃຫມ່ໃນປະຫວັດສາດຂອງຄວາມສາມັກຄີ ລະຫວ່າງ ຫວຽດນາມ-ລາວ ຕໍ່ຕ້ານສັດຕູໂຕດຽວກັນ

ແນວຄິດ ປະທານ ໂຮ່ຈີມິນ ໄດ້ມີຜົນກະທົບຢ່າງເລິກເຊິ່ງ ກ່ຽວກັບແນວຄິດ ແລະ ການເຄື່ອນໄຫວປະຕິວັດຂອງ ສົມເດັດ ສຸພານຸວົງ, ປ່ຽນແປງພະອົງຈາກເຈົ້າຊາຍຂອງພະລາດສະວົງລາວ ກາຍມາເປັນນັກຮົບປະຕິວັດ ທີ່ເຕັມໄປດ້ວຍຄວາມມຸ້ງໝັ້ນ, ຍາມໃດກໍ່ຖືຜົນປະໂຫຍດຂອງປະເທດຊາດ ແລະ ປະຊາຊົນ ສູງກ່ວາ ຜົນປະໂຫຍດຂອງຕົນເອງ ແລະ ຄອບຄົວ.

ບັນຍາກາດການພົບປະໂອ້ລົມກັນຂອງຜູ້ແທນທັງສອງຝ່າຍ.

ໃນຊົ່ວຊີວິດຂອງການເຄື່ອນໄຫວປະຕິວັດ, ພະອົງຍາມໃດກໍ່ມີຄວາມເອົາໃຈໃສ່, ດຸໝັ່ນກໍ່ສ້າງ, ເສີມຂະຫຍາຍ ນຳ້ຈສາມັກຄີ ຫວຽດນາມ - ລາວ ໃຫ້ນັບມື້ນນັບເກີດດອກອອກຜົນ ແລະ ຍືນຍົງຍາວນານ. ຈິດໃຈດັ່ງກ່າວນັ້ນນັບມື້ນັບເພີ່ມຂື້ນໂດຍທະວີຄູນ ແລະ ຍືນຍົງ ເມື່ອທັງສອງປະເທດໄດ້ເຊັນສັນຍາລົງນາມ "ສົນທິສັນຍາມິດຕະພາບຮອບດ້ານ " ດ້ວຍຄຳໝັ້ນສັນຍາ ມີການສະຫນັບສະຫນູນ ແລະ ການຊ່ວຍເຫຼືອຮ່ວມຮັດແໜ້ນໃນທຸກໆຂົງເຂດ.

（ຫັດ​ທະ​ບູນ）