ອາຊຽນ ຮ່ວມມືປ້ອງກັນ-ຕ້ານອາດຊະຍາກຳຂ້າມຊາດ

ອາຊຽນ ຮ່ວມມືປ້ອງກັນ-ຕ້ານອາດຊະຍາກຳຂ້າມຊາດ.(ພາບ: TTXVN)

ທີ່ກອງປະຊຸມຄົບຄະນະ, ບັນດາຜູ້ແທນໄດ້ຕີລາຄາສະພາບການອາດຊະຍາກຳຂ້າມຊາດຂອງແຕ່ລະປະເທດກໍ່ຄືໃນພາກພື້ນ ໃນໄລຍະທີ່ຜ່ານມາ. ແນະນຳໂດຍສັງລວມໝາກຜົນຂອງການປ້ອງກັນ, ຕ້ານອາດຊະຍາກຳຂ້າມຊາດຂອງ ຫວຽດນາມ ພາຍຫຼັງ ກອງປະຊຸມ AMMTC-12 ມາຮອດປັດຈຸບັນ, ທ່ານ ພົນເອກ ໂຕເລິນ ໄດ້ເນັ້ນໜັກເຖິງຄຳໝັ້ນສັນຍາຂອງ ຫວຽດນາມທີ່ເຂົ້າຮ່ວມຢ່າງຕັ້ງໜ້າ ແລະ ມີຄວາມຮັບຜິດຊອບໃນບັນດາຂອບເຂດຮ່ວມມືຂອງ ອາຊຽນເວົ້າລວມ ແລະ ການຮ່ວມມືໃນຂອບເຂດການປ້ອງກັນ, ຕ້ານອາດຊະຍາກຳຂ້າມຊາດເວົ້າສະເພາະ.

ວັນທີ 26 ພະຈິກ 2019, ບັນດາການນຳອາຊຽນ ແລະ ສ.ເກົາຫຼີ ໄດ້ເຫັນດີນຳກັນຍົກລະດັບການພົວພັນຄູ່ຮ່ວມມືຍຸດທະສາດ 2 ຝ່າຍໃນບັນດາບັນຫາພາກພື້ນ ແລະ ທົ່ວໂລກ, ເພື່ອສົມທົບກັນຮັບມືກັບບັນດາສິ່ງທ້າທາຍເປັນຢ່າງດີກວ່າ ກໍຄືຍາດແຍ່ງບັນດາກາລະໂອກາດຢູ່ພາຍພາກໜ້າ. ຕາມ “ຖະແຫຼງການວິໄສທັດຮ່ວມເພື່ອສັນຕິພາບ, ຄວາມວັດທະນາຖາວອນ ແລະ ຄູ່ຮ່ວມມື”, ເຊິ່ງທ່ານປະທານາທິບໍດີສ.ເກົາຫຼີ Moon Jae in ແລະ ການນຳຂອງ 10 ປະເທດອາຊຽນ ລົງນາມພາຍຫຼັງວາລະປະຊຸມຄັ້ງທຳອິດຂອງກອງປະຊຸມສຸດຍອດພິເສດສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນລະຫວ່າງອາຊຽນ - ສ.ເກົາຫຼີ, ເຊິ່ງດຳເນີນຢູ່ Busan, ປະເທດສ.ເກົາຫຼີ, 2 ຝ່າຍໄດ້ເຫັນດີສ້າງຕັ້ງ “ປະຊາຄົມສັນຕິພາບ ແລະ ມີຄວາມວັດທະນາຖາວອນ ຖືປະຊາຊົນເປັນໃຈກາງ”. ເອກະສານສະບັບດັ່ງກ່າວກໍ່ຮັບຮອງວ່າ ອາຊຽນ ພ້ອມແລ້ວທີ່ຈະສວມບົດບາດມີລັກສະນະສ້າງສັນໃນການປະກອບສ່ວນຊຸກຍູ້ສັນຕິພາບ ແລະ ສະຖຽນລະພາບໃນແຫຼມເກົາຫຼີ.

ບັນດາການນຳອາຊຽນ ແລະ ສ.ເກົາຫຼີ.(ພາບ: TTXVN)

ກ່ອນໜ້ານັ້ນ, ໃນວັນທີ 25 ພະຈິກ 2019, ຢູ່ ນະຄອນ Bandung, Java ຕາເວັນຕົກ, ປະເທດອິນໂດເນເຊຍ,ໄດ້ດຳເນີນກອງປະຊຸມຜູ້ບັນຊາການທະຫານບົກບັນດາປະເທດອາຊຽນຄັ້ງທີ 20(ACAMM-20) ດ້ວຍຫົວຂໍ້ “ຊຸກຍູ້ການຮ່ວມມືຂອງກອງທັບມຸ່ງໄປສູ່ອາຊຽນ 2025 - ພ້ອມກັນກ້າວໄປ’’. ກ່າວຄຳປາໄສຢູ່ທີ່ນີ້, ຜູ້ຕາງໜ້າຂອງຫວຽດນາມເນັ້ນໜັກວ່າ ໂດຍແມ່ນສະມາຊິກຂອງອາຊຽນ,ຫວຽດນາມຕັ້ງໜ້າແລະເຂົ້າຮ່ວມຢ່າງມີຄວາມຮັບຜິດຊອບໃນບັນດາຄວາມມານະພະຍາຍາມຂອງພາກພື້ນເພື່ອຮັບມືກັບບັນດາສິ່ງທ້າຫາຍລວມ,ໃນນັ້ນມີການຮ່ວມມືປ້ອງກັນຕ້ານການກໍ່ການຮ້າຍແລະບັນດາການເຄື່ອນໄຫວມະນຸດສະທຳໝູນທາຍຊ່ວຍໄພພິບັດ ໃນປີຮັບດຳລົງຕຳແໜ່ງປະທານອາຊຽນໃນປີ 2020, ຫວຽດນາມຈະສືບຕໍ່ຮ່ວມສຳພັນພາຍໃນກຸ່ມ,ຍົກສູງປະສິດທິຜົນດ້ານປ້ອງກັນຊາດ, ການທະຫານໂດຍອາຊຽນເປັນເຈົ້າພາທາງແລະຍູ້ແຮງການຮ່ວມມືກັບຄູ່ຮ່ວມມືພາຍນອກອາຊຽນ.

（ໄຊພອນ）