 |
ບັນດານັກສຶກສາລາວຢູ່ຫໍພັກເຝີນຮ້ຽວມະຫາວິທະຍາໄລດ່າໜັງຢູ່ແຂວງກອນຕູມ
ທີ່ງານດັ່ງກ່າວ, ບັນດາທ່ານເຈົ້າແຂວງຂອງປະເທດລາວ ແລະ ປະເທດກໍາປູເຈຍ ກໍ່ໄດ້ຂອບອົກຂອບໃຈຕໍ່ແຂວງກອນຕູມທີ່ໄດ້ສະຫນັບສະຫນູນທຶນການສຶກສາໃຫ້ແກ່ນັກສຶກສາລາວ ແລະ ນັກສຶກສາກໍາປູເຈຍ. ສະເພາະຢູ່ແຂວງກອນຕູມ, ມາຮອດປັດຈຸບັນມີນັກສຶກສາລາວ ຈໍານວນ 79 ຄົນ ແລະ ນັກສຶກສາກໍາປູເຈຍ 24 ຄົນ ໄດ້ຮັບທຶນການສຶກສາຈາກແຂວງກອນຕູມ.
ຕອນ 11 ໂມງ, ທີ່ຫໍ່ພັກ ມະຫາວິທະຍາໄລດ່າໜັງ ສາຂາຢູ່ແຂວງກອນຕູມ, ນາງ ພັນມະຫາ ນັກສຶກສາ ຈາກແຂວງຈໍາປາສັກ ກັບໝູ່ເພື່ອນກໍາລັງກຽມ ແຕ່ງອາຫານທ່ຽງ, ເພື່ອໄປໂຮງຮຽນຕອນບ່າຍ. ໝູ່ ຂອງນ້ອງພັນມະຫາ ມີຊື່ວ່າ ນາງ ພະສອນ ກໍ່ໄດ້ຊ່ວຍກັນ ແຕ່ງກິນ, ອາຫານທ່ຽງກໍ່ມີຂົ້ວໝີ່ໃສ່ໄຂ່ໄກ່. ນ້ອງສາວທັງສອງຄົນ ເວົ້າພາສາຫວຽດນາມ ແລະ ເລົ່າສູ່ຝັງວ່າ “ພວກນ້ອງ ກໍາລັງຮຽນປີທໍາອິດ ພາກວິຊາ ກົດຫມາຍເສດຖະກິດ ແລະ ການທະນາຄານ. ກ່ອນຈະມາຫວຽດນາມ, ພວກນ້ອງທັງສອງຄົນ ໄດ້ຮຽນພາສາຫວຽດນາມແລ້ວ, ຈຶ່ງໄດ້ເຂົ້າຮຽນ ຢູ່ ມະຫາວິທະຍາໄລ ຢ່າງເປັນທາງການ. ອຸປະສັກທຳອິດ ທີ່ພວກນ້ອງຕ້ອງ ພົບ ແລະ ພະຍາຍາມຜ່ານຜ່າ ແມ່ນ ການຝັງ, ເວົ້າ ແລະ ຂຽນພາສາຫວຽດນາມ, ຈຶ່ງສາມາດເຂົ້າໃຈ ແລະ ຮັບຄວາມຮູ້ຈາກການສິດສອນຂອງຄູອາຈານຢູ່ເທິງຫ້ອງໄດ້.
ເລາະເບິ່ງສະພາບ ຂອງຕຶກຫໍພັກ 4 ຊັ້ນ ຂອງນັກສຶກສາ ມະຫາວິທະຍາໄລດ່າໜັງ ຢູ່ສາຂາແຂວງກອນຕູມ, ຫ້ອງໃດກໍ່ຄືຫ້ອງຂອງບັນດານ້ອງນັກສຶກລາວ - ແຕ່ລະຫ້ອງ ມີຄວາມສະອາດງາມຕາ ແລະ ເປັນລະບຽບຮຽບຮ້ອຍ, ມີຫ້ອງແຕ່ງກິນ ແລະ ຫ້ອງອາຫານລວມ ທັງຍິງ ແລະ ຊາຍ ຕ່າງຫາກ. ຫ້ອງອາຫານ ຂອງນັກສຶກສາຜູ້ຊາຍມີບັນຍາກາດຄຶກຄັກ ແລະ ມີອາຫານຂອງກິນຫລາຍກວ່າຫ້ອງອາຫານນັກສຶກສາຜູ້ຍິງ. ໂຕະອາຫານມີບ່ອນນັ່ງສຳລັບ 10 ຄົນ, ນັ່ງປຸ້ມລຸມກັນຮ່ວມພາເຂົ້າ. ແຕ່ເບິ່ງລວມແລ້ວ ອາຫານທ່ຽງມື້ນີ້ອາດຈະຄືມີຄວາມຫຼາກຫຼາຍ ແລະ ອາຫານແຊບໆ ແຕ່ຄວາມຈິງອາຫານດັ່ງກ່າວ ລາຄາບໍ່ຮອດໜຶ່ງແສນດົ່ງ.
ຜ່ານເລື່ອງລາວ ຂອງຄາບອາຫານ ແລະ ບ່ອນຢູ່ ຂອງນັກສຶກສາລາວ ແລະ ກໍາປູເຈຍ ທີ່ມາຮຽນ ຢູ່ຫວຽດນາມ ກໍ່ເຫັນໄດ້ວ່າ: ຄວາມຕ້ອງການ ຂອງນັກສຶກສາລາວ ແລະ ກໍາປູເຈຍ ທີ່ກຳລັງຮຽນ ຢູ່ຫວຽດນາມ ແມ່ນ ມີຢ່າງຫຼວງຫຼາຍ, ແຕ່ວ່າເງື່ອນໄຂຂອງພວກນ້ອງນັກຮຽນແມ່ນມີຄວາມທຸກຍາກຫຼາຍ, ຍ້ອນແນວນັ້ນ ໃນການປະຕິບັດນະໂຍບາຍ ບູລິມະສິດ ຂອງການກໍ່ສ້າງຊັບພະຍາກອນມະນຸດໃຫ້ແກ່ປະເທດເພື່ອນບ້ານ ດ້ວຍເສດຖະກິດຂອງແຂວງກອນຕູມ ຍັງທຸກຍາກ ແລະ ມີຄວາມລຳບາກຢູ່. ທ່ານ ກວິ່ງ, ພະນັກງານຄຸ້ມຄອງຫໍພັກ ມະຫາວິທະຍາໄລດ່າໜັງ ສາຂາແຂວງກອນຕູມໃຫ້ຮູ້ວ່າ: ນັກສຶກສາກໍາປູເຈຍມາຮຽນຢູ່ນີ້ ຍັງບໍ່ຫລາຍ, ແຕ່ເບີ່ງເລື່ອງການກິນຢູ່ໃນແຕ່ລະມື້ຂອງນັກສຶກສາກໍາປູເຈຍ ກໍ່ສັງເກດເຫັນໄດ້ວ່າ: ມີເງຶ່ອນໄຂດ້ານເສດຖະກິດຂອງນັກສຶກສາກໍາປູເຈຍ ດີກວ່າ, ນັກສຶກສາລາວ. ຖ້າພວກນ້ອງນັກຮຽນບໍ່ໄດ້ແຕ່ງກິນ ກໍ່ສາມາດໄປຫາຊື້ ອາຫານໄດ້ ຢູ່ຮ້ານອາຫານຂອງ ໂຮງຮຽນ ລາຄາພຽງແຕ່ 10 ຫາ 15 ພັນດົ່ງ/ກ້ອງ.
ເບິ່ງລວມແລ້ວ ນັກສຶກສາລາວທີ່ມາຮຽນ ຢູ່ຫວຽດນາມ ບໍ່ມີເງື່ອນໄຂທີ່ຈະໄປເຮັດວຽກນອກເພື່ອຫາເງິນເພີ່ມໄດ້, ເພາະສະນັ້ນ, ພວກເຂົາກໍ່ຕ້ອງປະຢັດໃນການໃຊ້ຈ່າຍ, ບໍ່ມີເງິນແຮໄວ້. ນັກສຶກສາລາວສ່ວນຫລາຍມາຈາກແຂວງອັດຕະປື. ນັກສຶກສາລາວສ່ວນໃຫຍ່ແມ່ນມາຮຽນດ້ວຍທຶນຂອງຕົນເອງ, ແຕ່ລະເດືອນພໍ່ແມ່ຂອງເຂົາເຈົ້າ ສົ່ງເງິນໃຫ້ໃນການໃຊ້ຈ່າຍພຽງແຕ່ 1 ຫາ 1,5 ລ້ານດົ່ງ ຫຼືຄອບຄົວໃດດີແນ່ກໍ່ອາດຈະແມ່ນ 2 ລ້ານດົ່ງ ເທົ່ານັ້ນ. ຍ້ອນເງື່ອນໄຂດ້ານເສດຖະກິດ, ແຕ່ລະມື້ພວກເຂົາເຈົ້າກໍ່ຊວນກັນເປັນກຸ່ມປະມານ 10 ຄົນ ອອກເງິນ ນໍາກັນເພື່ອໄປຊື້ຂອງກິນຢູ່ຕະຫລາດ, ຜູ້ລະ 10 ພັນດົ່ງ, ລວມແລ້ວປະມານໜຶ່ງແສນດົ່ງຕໍ່ຄາບ.
ທ່ານ ຫງວຽນ ດຶກ ແທັງ, ຫົວໜ້າຫ້ອງການສຶກສາວິຊາຊີບ, ພະແນກສຶກສາ ແລະ ການບໍາລຸງສ້າງ ແຂວງກອນຕູມໃຫ້ຮູ້ວ່າ: ແຕ່ປີ 2015 ມາຮອດປັດຈຸບັນ, ແຂວງກອນຕູມ ສະໜັບສະໜຸນທຶນການສຶກສາຢ່າງເຕັມສ່ວນໃຫ້ແກ່ 4 ແຂວງພາກໃຕ້ ຂອງ ສປປ ລາວ, ແຕ່ລະປີແມ່ນໃຫ້ 5 ທຶນຕໍ່ແຂວງ; ສອງແຂວງຕາເວັນອອກສ່ຽງເໜືອຂອງປະເທດກໍາປູເຈຍ ກໍ່ມີນັກສຶກສາມາຮຽນຢູ່ຫວຽດນາມ. ມາຮອດປັດຈຸບັນ, ຈໍານວນນັກສຶກສາລາວ ແລະ ກໍາປູເຈຍ ທີ່ໄດ້ຮັບທຶນສຶກສາຢ່າງເຕັມສ່ວນຈາກແຂວງກອນຕູມ ມີທັງໝົດ 103 ທຶນ. ແຂວງກອນຕູມແມ່ນແຂວງທຸກຍາກຢູ່, ເວົ້າແລ້ວທຶນການສຶກສາເຫລົ່ານີ້ແມ່ນຈໍານວນເງິນທີ່ຫຼາຍສຳລັບແຂວງ.
ປັດຈຸບັນ, ນັກສຶກສາລາວມີຈຳນວນ 79 ຄົນ ແລະ ນັກສຶກສາກໍາປູເຈຍມີ 24 ຄົນ ກຳລັງສຶກສາ ຢູ່ມະຫາວິທະຍາໄລດ່າໜັງ ສາຂາແຂວງກອນຕູມ. ກ່ອນທີ່ພວກນ້ອງນັກຮຽນຈະມາຮຽນ ຢູ່ ຫວຽດນາມ, ພວກເຂົາເຈົ້າຕ້ອງໄດ້ຮຽນ ກຽມພາສາຫວຽດໄລຍະເວລາ 1 ປີ ແລະ ຫຼັງຈາກນັ້ນຈຶ່ງໄດ້ເຂົ້າຮຽນຢູ່ຫາມະຫາວິທະຍາໄລ. ຫຼັກສູດຮຽນພາສາຫວຽດນາມແມ່ນໄດ້ສອນ ຢູ່ ວິທະຍາໄລຊຸມຊົນ. ຄ່າຮຽນທັງຫມົດຂອງແຕ່ລະຄົນແມ່ນ 42 ລ້ານດົ່ງ / ປີ. ແຂວງກອນຕູມແມ່ນແຂວງທຸກຍາກ ແລະ ມີຄວາມຫຍຸ້ງຍາກໃນຫລາຍດ້ານແຕ່ເກີດຈາກ ນ້ຳໃຈມິດຕະພາບ ແລະ ການຮ່ວມມື ເພື່ອຊ່ວຍປະເທດເພື່ອນບ້ານ, ເພາະສະນັ້ນ, ທ້ອງຖິ່ນ ແລະ ຂະແຫນງການສຶກສາກ ກໍ່ພະຍາຍາມສູ້ຊົນ.
ສະຫາຍ ຫງວຽນ ວັນ ຮວ່າ, ປະທານຄະນະກໍາມະການປະຊາຊົນແຂວງກອນຕູມໃຫ້ຮູ້ວ່າ: ປັດຈຸບັນ, ແຂວງໄດ້ສະຫນອງທຶນການສຶກສາເຕັມສ່ວນໃຫ້ແກ່ນັກສຶກສາລາວ ແລະ ນັກສຶກສາກໍາປູເຈຍ.
ຫຼັງຈາກນັ້ນ, ເອົາກໍລະນີເຫຼົ່ານີ້ເພື່ອໂຄສະນາ ແລະ ສົ່ງເສີມໃຫ້ບັນດານັກສຶກສາປະເທດເພື່ອນບ້ານມາຮຽນຢູ່ປະເທດຫວຽດນາມດ້ວຍທຶນຕົວເອງ.
（ໄຊພອນ）
